Tɔn-Fɔɛ-Fila-Nyɔgɛ 26:6 - ALLALA KUMƐ

⁶ Iyipiti mɔgɛnu ma ma bira a kin na mumɛ! Anu ya ma fɔrɔsɛ ka ma ma yɔɔnnu na.

Tɔn-Fɔɛ-Fila-Nyɔgɛ 26:6 ပူးပေါင်းရင်းမြစ်များ

Bɔ-Koe-Iyipiti 1:11

Woletɔ Iyipiti kɛnu ya wɔli-kunyɛnu sigi anu kuma. Wonu ya wɔlɛ lagbɛlɛya anu kuma ka anu tɔrɔ. Isirɛla mɔgɛnu ya so-kura fila sɔ Iyipiti mansɛ wo ye, Pitɔm soe anubɛ Ramɛsisi soe ka wonu ma ata fen-namara-soenu na.

Bɔ-Koe-Iyipiti 1:14

Anu ya wɔlɛ lagbɛlɛya anu kuma ka anu tɔrɔ ha ka anu niyi-sɔgɛ labɔ anu na. Anu ya anu sɔ bɔnku-laboro-ko-wɔlɛ la, anubɛ bulɔku-gbesi-ko-wɔlɛ, anubɛ bintɔ-wɔlɛ sufa bɛɛ. Anu ya anu sɔ wɔlɛ minnu na, anu ma kinikini anu ma wɔlɛ wonu kɛ tinɛ.

Bɔ-Koe-Iyipiti 1:16

“Wo wa ta Hiburu musinu dɛnbɛ tinɛ den sɔrɔn tinɛ, ni min ya a keimɛ sɔrɔn, wo si dan wo faga kɔnɔ ni min ya a musumɛ sɔrɔn, wo kana wo faga de!”

Bɔ-Koe-Iyipiti 1:22

A laban, mansɛ ya a fɔ mɔgɛ bɛɛsi ye ko, “Den-kei minnu ba sɔrɔn, wo ni wonu bi ka ta anu nafili Nayɛli bɛ rɔ ka dunmusinu kɛndɛ to.”

Bɔ-Koe-Iyipiti 1:8

Nba, mansa-kurɛ min sigira Iyipiti nyamanɛ rɔ, wo ma Yusufu lɔn nun.

Bɔ-Koe-Iyipiti 5:19

Nba, mansɛ ya wo fɔ nkɛkuna, anu ya a lɔn ko anu bara nanparan-bɛrɛbɛrɛ sɔrɔn.

Bɔ-Koe-Iyipiti 5:23

Kebi n tara kuma i tɔgɛ rɔ mansɛ wara, a tora ko-yogomɛ le sigila ila mɔgɛnu na worɔ gbɛ tolon! Ile fanan ma ila mɔgɛnu bɔ kun-gbaran rɔ hali!”

Bɔ-Koe-Iyipiti 5:9

Wo ni wɔlɛ lagbɛlɛya Hiburunu kuma ko anu ni anuna wɔlɛ kɛ anu sɛnbɛ la. Wo le si a ma, anu ti fɛrɛ sɔrɔn ka anu tole masɔ kɛnuna foninya-kumɛnu na.”

Yilan-Yilan Koe 20:15

Ma benbanu tara Iyipiti tumɛ min, ma ya san siyaman bɔ nyɔ. Iyipiti mɔgɛnu ma ma bira a kin na nyɔ, ado anu ya ma tɔrɔ kosɛbɛ!

Tɔn-Fɔɛ-Fila-Nyɔgɛ 26:7

Ma ya ma kan nabɔ ma benbanuta Alla ma ka di a dala. Mari Alla ya ma di-kɛ-kan lamɔɛn. A ya ma tɔrɔyanɛ yen.

Tɔn-Fɔɛ-Fila-Nyɔgɛ 4:20

Wo mɔgɛ le wole la Mari ya minnu nabɔ tɔrɔya-fafanɛ rɔ Iyipiti nyamanɛ rɔ min manɛ iko wɔnkɔrɔ-tɛ. A ya wo labɔ nyɔ alako wo ni ma aletɛ la. Wo ye wo nya na le ha bi.