Tɔn-Fɔɛ-Fila-Nyɔgɛ 26:2 - ALLALA KUMƐ

² wo si wola dɔn-fen-kun-fɔlɛnu bi ka anu sa sendenu tɔ ka ta anu na kan-tina-kelan wo rɔ wota Mari Alla si na min yabɔ wo si a bato kan min.

Tɔn-Fɔɛ-Fila-Nyɔgɛ 26:2 ပူးပေါင်းရင်းမြစ်များ

2 Mansɛnu 4:42

Lunyɛ do, kei do bɔra Beyali-Salesa soe burɔ ka na dɔn-fen kun-fɔlɛ biredi mogan na Nɛbi Ilaisa ye. A nara fui-fan wo tɔnsɔn-kiri donu na fanan. Nɛbi Ilaisa ya a fɔ ala wɔli-kɛlɛ ye ko a ni wonu ma karan-dan wonu de-nyini-fan la.

2 Ko-Kɔrɔta-Karan 31:5

Anu ya kumɛ wo lamɔɛn mansɛ bolo tumɛ min, anu ya saraka-masɔlɛ wonu fanda fui-fan la anubɛ nɔnbɔ-gbɔ-yi anubɛ ɔlifi-tuli anubɛ liyi anubɛ sɛnita-fan donu. Wo kɔma, fan min bɛɛsi ye anu bolo, anu ya wonu damasi yaka bɔ.

2 Ko-Kɔrɔta-Karan 6:6

Kɔnɔ kaka, a ara Yerusalɛm soe yabɔ, wo si a bato kan min. Wo kɔma, a ya n fa Mansa Dawuda yabɔ ka a sigi mansayɛ la ata mɔgɛnu kun na.”

Nihɛmaya 12:44

Anu bi yakanu namarala Bato-Bon-konko minnu na, a fui-fen wo, a ki-fen wo, anu ya mɔgɛ donu sigi wonu kun na. Wonuta wɔlɛ ma fenfen na fɔ ka yakanu makele mɔgɛnu bolo saraka-masɔlɛnu anubɛ Lifayinu ye sɛnɛnu tɔ soenu dafɛ iko tɔn ya a fɔ nya min. Yuda nyamanita-mɔgɛnu sewara saraka-masɔlɛnu anubɛ Lifayinu na

Nihɛmaya 13:31

N ya sɔgɛ wara-koe rabɛn anu bi sarakɛnu mintanna minnu na alako sɔgɛ wo ni na a wati-bɛrɛ rɔ. Mɔgɛnu si na dɔn-fen-kun-fɔlɛnu na nya min, n ya wo bɛɛ rabɛn. E, nta Alla, i miri kɛ dama ma. I ni n barayi wonuna ko la.

Bɔ-Koe-Iyipiti 20:24

“Ni anu bi saraka-mintan-tinɛ sɔla n ye, anu ni a sɔ bɔnkɛ la. Anu ni anuna sagɛnu anubɛ anuna baanu anubɛ anuna ninkinu ma sarakɛnu na saraka-mintan-tinɛ wo kuma ka saraka-mintantɛnu bɔ nyɔ anubɛ yisi-kima-sarakɛnu. N ba n bato tinɛ yira anu na kan-bo-kan, n si anu taran nyɔ ka duwa anu ye.

Bɔ-Koe-Iyipiti 22:29

“Wo ye wola fui-fan anubɛ wola ki-fan minnu dila n ma, wo kana wonu dɔn. Wo ni anu di nde ma. “Wo ni wola den-kei-sarɛnu di nde, Mari ma.

Bɔ-Koe-Iyipiti 23:19

“San-bo-san, wo ni ta wola dɔn-fen-kun-fɔlɔ-hakikɛnu na nde, Mari Alla bato tinɛ. “Saga-den wo, baa-den wo, wo kana wonu do-wo-do te anu na kin-yi la.

Bɔ-Koe-Iyipiti 34:26

“Wo ni wola dɔn-fen kun-fɔlɛ, a kiri fɔlɔtɛ di nde, Mari Alla ma. “Wo kana baa-dan te a na kin-yi la.”

Yɛrɛmaya 2:3

Isirɛla mɔgɛ wonu mara Mari-halalɛ la. Anu dantɛgɛnɛ a ma iko dɔn-fen-kun-fɔlɛ tɔnsɔn. Minnu ya ko sigi Isirɛla mɔgɛnu ma, wonu ya yilikiyi sɔrɔn. Mari ko mɔgɛ wonu kasarata le! Ale Mari kan le!

Isikiyɛli 20:40

A bɛnta, Isirɛla mɔgɛ bɛɛ ni n bato nta kɔnkɔ-sɛnimɛ kuma min tenbira Isirɛla kɔnkɛ bɛɛ la. Anu ba n bato nyɔ, n si sɔn anu ye nyɔ. Anuna saraka wo, anuna kɔ-fen-nyima wo, anu niyinu wo, n si nyini wonu ma anu bolo nyɔ rɔ.

Isikiyɛli 44:30

Anutɛ le dɔn-fen-kun-fɔlɔ-hakikɛ bɛɛ la anubɛ anu bi fan min dama dila nde, Mari ma. Mɔgɔ-wo-mɔgɔ wa biredi mintan, a fɔlɔtɛ, saraka-masɔlɛtɛ le wo la. Ni mɔgɔ-wo-mɔgɔ ya wo ma, nna duwɛ ti bɔ wola bɔn la.

Isikiyɛli 48:14

Dugi min dantɛgɛnɛ nde, Mari ma, dugi wo tenbira dugi bɛɛ la nyamanɛ wo rɔ. Hali a pɛtɛrɛ-kundini ma ti yira, ado a ma ti felen fanan, ani a ti bɔ n bolo mumɛ! Nyɔ sɛnima, ado nde, Mari halalɛ le.

Saraka-Masɔlɛnuta Tɔnnu 2:12

Kɔnɔ ni mɔgɛ ya ala dɔn-fen kun-fɔlɛ tɛgɛ san la ka wo ma kɔ-fan la Mari ye, a ni na wo don saraka-masɔlɛ bolo. Hali isiti, ni wo ma, liyi taranta a rɔ, tana ma kɔnɔ wo kana a mintan saraka-mintan-tɛ la de!

Saraka-Masɔlɛnuta Tɔnnu 2:14

Ni mɔgɛ do nara dɔn-fen kun-fɔlɛ la Mari ye tumɛ min, a ni a yilan ka a bunden.

Romu 11:16

Ni biredi-kundu-fɔlɔtɛ dira Alla ma sarakayɛ la, a toe mumɛ bɛɛ ara ma atɛ la fanan, ado ni kɔn-suli dira Alla ma, atɛ le a bolɔn fanan na.

Romu 16:5

Chɔchi-mɔgɛ minnu si anu nadɛn anuna bɔn la, wonu fanan kɔndɔn n ye. Wo ni n diyana-mɔgɛ Ipinɛta kɔndɔn. Ale le fɔlɔn mara dɛnkɛninya-mɔgɛ la Kirasiti ye Esiya nyamanɛ rɔ.

Romu 8:23

Kɔnɔ dali-fan dɔrɔn ma. Allala sanba fɔlɔtɛ le ata Ni-Sɛnimɛ la. Hali wo taranta ma bolo, ma ye Alla makɔnɔna tumɛ min, male fanan bi kurunna alako ma ni ma ala dannu na. Min tenbira wo la, a si ma hɔrɔya ka fɛrɛ-bɔnku-kurɛ di ma ma.

1 Kɔrɛnti 15:20

Kɔnɔ tonyɛ ye min na, Alla ya Kirasiti fɔlɔn nawuli ka bɔ furinu tɛma alako ka a yira ko minnu bɛɛsi ara saya, wonu fanan na si wuli,

1 Kɔrɛnti 15:23

Kɔnɔ Alla si mɔgɔ kelen-kelennamɛ-bɛɛ lawuli a wati-latɛgɛnɛ rɔ. Kirasiti le a fɔlɔtɛ la. Wo kɔma, Kirasiti wa na tun, minnu taranta ale rɔ, wonu si bila a fɛ.

1 Kɔrɛnti 16:2

Lɔgɔkunyɛ a tele-fɔlɔtɛ, wo kelen-kelennamɛ-bɛɛ ni fan do lamara a dan na iko a ye a sɔrɔnna nya min. Woletɔ n ba na tumɛ min, hali wo ma gbɛsɛ-gbɛsɛ ladɛn tun.

Tɔn-Fɔɛ-Fila-Nyɔgɛ 16:10

A segin nyɔgɛ ma, wo ni ta wola hɛnikɛ kɔ-fan wonu na Mari ye iko a ye bɛɛ kɔla nya min. Wo ni Dɔn-Fen-Kun-Fɔlɛ-Ladɛn kɛ ka wota Mari Alla gbiliya wo wati rɔ.

Tɔn-Fɔɛ-Fila-Nyɔgɛ 18:4

Wo si wola dɔn-fan kun-fɔlɛnu di saraka-masɔlɛnu ma Mari tɔgɛ rɔ. Wo si wola saga-siyinu matɛgɛ san wo la ka wonu fanan do di saraka-masɔlɛnu ma Mari tɔgɛ rɔ.

Tɔn-Fɔɛ-Fila-Nyɔgɛ 26:1

“Wota Mari Alla ye nala lanyiri-nyamanɛ min dila wo ma, wo wa ta wo sigi-bole rabɛn nyɔ rɔ tumɛ min,

Tɔn-Fɔɛ-Fila-Nyɔgɛ 26:3

Wo si ta a don saraka-masɔlɛ bolo min bi nyɔ wo wati rɔ. Wo ni a fɔ saraka-masɔlɛ wo ye kelen-kelenyɛ ma ko, ‘A sɔgɛ ye ma la ka a fɔ Alla ye ko ma ara na nyamanɛ wo rɔ a ya lanyiri kiri ma benbanu ye minna ko la ma ye. N bi n dantɛgɛla wola ko la.’

Yemesi 1:18

Ka a tɛgɛ ala keninteyɛ ma mala ko la, a ya ma ma ala dan la kamasɔrɔn a ya tonya-bɛrɛ di ma ma iko a ya a latɛgɛ nya min. A ya wo ma alako male ni sɔ-tina-fɔlɔtɛ sɔrɔn ala dali-fan bɛɛ tɛma. A halalɛ le male la gbɛ!

Yasowa 18:1

Anu banta kɛlɛ kɛla wati min, Isirɛla mɔgɛ bɛɛsi nara Sailo. Saraka-masɔlɛnu anubɛ anu madɛnbɛnɛnu ya Marita Fani-Bɔn sɔ nyɔ.

Lankɛnimayɛ 14:4

Mɔgɛ wonu ma anu nyɛrɛ latinya musinu fɛ. Kei-lasolonnɛ le anu dama la. Saga-dan tara kan-bo-kan, anu si bila a fɛ nyɔ. Anu kunkara mɔgɔ-toenu tɛma, ado anu denu fɔlɔn mara Alla anubɛ saga-dantɛ la.