Tɔn-Fɔɛ-Fila-Nyɔgɛ 26:18 - ALLALA KUMƐ

¹⁸ Bi, Mari Alla fanan bara wo rabira iko ata mɔgɛnu iko a ya lanyiri kiri wo ye nya min. A ya a fɔ wo ye ko wo ni ala tɔn damasi bira.

Tɔn-Fɔɛ-Fila-Nyɔgɛ 26:18 ပူးပေါင်းရင်းမြစ်များ

2 Samuwɛli 7:24

I wara male Isirɛla mɔgɛnu ma i halalɛ la tɛban! Ile Mari le mata Alla la.

Yaburi 119:6

Ni n hɛnkili tora ila tɔnnu ko, n ti yarabi.

Yaburi 135:4

Ale le ya Yakoba yabɔ a nyɛrɛ ye. A halalɛ le Isirɛla mɔgɛnu na.

Bɔ-Koe-Iyipiti 6:7

N si Isirɛla mɔgɛ wonu ma nta mɔgɛnu na. Nde si ma anuta Alla la. N ba anu nabɔ yɔɔnyɛ rɔ Iyipiti kɛnu kɔrɔ tumɛ min, anu si n lɔn anuta Mari Alla la.

Yɛrɛmaya 13:11

Iko kufama gbɛrɛnnɛ mɔgɛ ma nya min, Mari ko a ye a fɛ nun wole, Isirɛla mɔgɛnu anubɛ Yuda mɔgɛnu ni wo gbɛrɛn a ma wo nya na le. A ko a ya wo ma le alako wo ni ma a halalɛ la. Mankan wo, gbiliyɛ wo, matɔgɛ wo, anu si a ma, ale Mari ni wo bɛɛ sɔrɔn mɔgɛnu bolo. Kɔnɔ a ko wole, ata mɔgɛnu ma sɔn wo tole masɔla a la.

Sɛfanaya 3:20

A ko wo wati ma fɛ-yan tun. Wola mɔgɛ min bɛɛsi ra ara nyɛnsɛn nun, a ko a si wo damasi kundɛn anu barɛ tun. A ko a si a ma, wo mankan ni ta wuu! A ko a si a ma, wo wara-koe ni ta yarɔ tun! Mari kan le kɛ la de!

Romu 16:26

kɔnɔ kaka, tonyɛ wo ara bɔ gbɛ rɔ nɛbinuna sɛbɛlɛnu tɔ. Sibole bɛɛ nara ke gbundi wo lɔnna Allala kumɛ fɛ, ado Alla ye nyɔ habadan! Woletɔ mɔgɛnu ni dɛnkɛninya a ma ka ala kumɛ bira.

Tɔn-Fɔɛ-Fila-Nyɔgɛ 14:2

Mari Allatɛ le wole la. A ya wole yabɔ ka wo ma ata mɔgɛnu na duninya-mɔgɛnu tɛma.

Tɔn-Fɔɛ-Fila-Nyɔgɛ 27:10

Woletɔ wo ni ala kumɛnu natɔnbagaya ka ata tɔnnu bira n bi nala min dila wo ma kɛ la.”

Tɔn-Fɔɛ-Fila-Nyɔgɛ 28:1

Musa ya a fɔ Isirɛla mɔgɛnu ye ko, “Ni wo ya wota Mari Alla kuman-kan latɔnbagaya ka ata tɔnnu bira iko n bara min di wo ma kɛ la bi, a si a ma, wo ni sɛnbɛ sɔrɔn ka tenbi sibolo-toenu na duninya rɔ.

Tɔn-Fɔɛ-Fila-Nyɔgɛ 28:9

“Ni wo ya Marita tɔnnu bira, a si wo ma a halala-mɔgɛnu na iko a ya lanyiri kiri nya min.

Tɔn-Fɔɛ-Fila-Nyɔgɛ 29:13

Ni wo ya wo ma, Mari si wo bira iko ata mɔgɛnu. Ale si sɔn ka ma wota Alla la iko a mara wo benba Iburayima anubɛ Isiyaka anubɛ Yakobata Alla la nya min.

Tɔn-Fɔɛ-Fila-Nyɔgɛ 4:20

Wo mɔgɛ le wole la Mari ya minnu nabɔ tɔrɔya-fafanɛ rɔ Iyipiti nyamanɛ rɔ min manɛ iko wɔnkɔrɔ-tɛ. A ya wo labɔ nyɔ alako wo ni ma aletɛ la. Wo ye wo nya na le ha bi.

Tɔn-Fɔɛ-Fila-Nyɔgɛ 7:6

Wo ye wo damasi mala bawo Mari Allatɛ le wole la. A ya wole ma mɔgɔ-yabɔnɛnu na duninya-mɔgɛnu tɛma ka wole ma a halala-mɔgɛnu na.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ