Tɔn-Fɔɛ-Fila-Nyɔgɛ 26:17 - ALLALA KUMƐ

¹⁷ Wo ya a fɔ bi, ko wo tigi le Mari Alla la. Wo ara lanyiri kiri nun tɔn kɛnu bira-koenu ma. Wo ko a ya min bɛɛsi fɔ wo ye, wo si wonu bira.

Tɔn-Fɔɛ-Fila-Nyɔgɛ 26:17 ပူးပေါင်းရင်းမြစ်များ

Ko-Dabirɛnu 28:21

wo kɔma, n ni sɛgi n fa warɛ yisi-kimɛ rɔ, Mari si ma nta Alla la wo rɔ.

2 Ko-Kɔrɔta-Karan 34:31

A ban, ale mansɛ wo sɔra mansa-sɔ-tina-kɔrɛ Bato-Bɔn sɛnbɛrɛn-kɔn fɛ ka sarama-kan kiri anubɛ Mari tɛma. A ko a si ala tɔn wonu natɔnbagaya a yisi bɛɛ la. Anu sarata min na, a ko a si sereya mumɛ bɛɛsi bira iko a sɛbɛnɛ Marita buku wo rɔ nya min.

Yaburi 48:14

Wo si a fɔ anu ye ko, “Alla kɛ, mata habadan-Alla le. A si to kilɛ yirala ma la ha duninya si ban.”

Bɔ-Koe-Iyipiti 15:2

Ma kisilɛ le mata Mari la min si ma kunyɛ bɔ gbaran rɔ. Ma fanuta Alla le, ma si min gbiliya. Ma nyɛrɛta Alla le, ma si min tanto.

Bɔ-Koe-Iyipiti 19:8

Mɔgɛ bɛɛsi ya a yabi anu nyɔgɔn fɛ ko, “Mari ara min bɛɛsi fɔ, ma si wonu bira.” Musa tara mɔgɛnu kan wo latenbi Mari ma.

Bɔ-Koe-Iyipiti 20:19

Mɔgɛ wonu ya a fɔ Musa ye ko, “I yandi, Alla kana kuma ma ye kamasɔrɔn ma kilannɛ a la. Ni a kumara ma ye, ma si faga. Ni ile nyɛrɛ kumara ma ye, ma si a lamɔɛn de!”

Bɔ-Koe-Iyipiti 24:7

A ya tɔn-buku wo bi ka a karan mɔgɛnu ye. Anu ya a yabi ko, “Mari ara min bɛɛsi fɔ, ma si wonu kɛ ka ala kumɛ bira.”

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Aiseya 44:5

A ko mɔgɛnu si to a fɔla kelen-kelenyɛ ma ko Marita mɔgɛ le anu denu na. Anu si kofu male Isirɛla mɔgɛnu ma. Anu kelen-kelennamɛ-bɛɛ si Mari tɔgɛ sɛbɛ anu bole ma ka anu nyɛrɛ kele ko Allata mɔgɛ donu.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Kɛwɔlɛnu 27:23

N bi Alla min bolo, n bi wo le batola. Wola melika nara n bara su-tenbinɛ.

Romu 6:13

Wo kana wo nyɛrɛ bagbuyi lasɔnnaya hakɛ ye. Fɔ ka wo nyɛrɛ lasɔnnaya Alla ye telenbagaya-kɛ-tinɛ bawo wo ara bɔ sayɛ rɔ ka sɛgi nimayɛ rɔ,

2 Kɔrɛnti 8:5

ado anu ya nilɛ kɛ ka tenbi ma miriya la pon! Kɔnɔ min tenbira wo bɛɛ la, anu ya anu nyɛrɛ di Mari ma. Wo kɔma, anu ya anu nyɛrɛ di male fanan ma iko a di Alla ye nya min.

Tɔn-Fɔɛ-Fila-Nyɔgɛ 13:18

Alako tun, wo ni ata tɔnnu bira iko n ya a fɔ wo ye nya min kɛ la ka a sako kɛ.”

Tɔn-Fɔɛ-Fila-Nyɔgɛ 27:10

Woletɔ wo ni ala kumɛnu natɔnbagaya ka ata tɔnnu bira n bi nala min dila wo ma kɛ la.”

Tɔn-Fɔɛ-Fila-Nyɔgɛ 29:12

N bara wo kele bi alako wo ni lanyiri kɛ kiri wole anubɛ wota Mari Alla tɛma. Koe minnu bi lanyiri kɛ rɔ, wo ni sɔn wonu ma.

Tɔn-Fɔɛ-Fila-Nyɔgɛ 30:16

N bara tɔn min di wo ma kɛ la bi, ni wo ya wota Mari Allala kuman-kan bira ka a latɔnbagaya ka Alla keni, wo ye wɔlɛ min bɛɛ kɛla worɔ, wonu si sabati wo bolo. Wo bɔnsɔnnu si siyaya. Wo ye tala sigila nyamanɛ min tɔ, wota Mari Alla si ata duwɛ layigi wo kuma nyɔ.

Yasowa 22:5

Wo ni Marila tɔn bɛɛsi bira ka lanayɛ kɛ a ye ka a bato wo yisi bɛɛ la iko Nɛbi Musa ya a fɔ wo ye nya min. Wo ni wola Mari Alla keni wo yisi bɛɛ la.”

Yasowa 24:22

Yasowa ya a fɔ anu ye ko, “Wo sere ye wo nyɛrɛ burɔ ni wo si Mari Alla bato.” Mɔgɛnu ya a yabi ko, “Ɔnde, i wara tonyɛ fɔ. Ma sere le ma nyɛrɛ la.”