Tɔn-Fɔɛ-Fila-Nyɔgɛ 26:14 - ALLALA KUMƐ

¹⁴ N bi saya-diyi-kɛ la tumɛ min, n ma fenfen bɔ yaka kɛ la ka a dɔn. Wo tumɛ n sɛninyabɛlɛ iko tɔn ya a fɔ nya min, n ma fenfen bɔ ila yaka kɛnu na bɔn la. N ma fenfen bɔ anu na ka anu ma furu-kɔ-fan la. N bara ile Mari kuman-kan bira ka a latɔnbagaya ka a tɛgɛ ila yaka kɛnuna ko ma.

Tɔn-Fɔɛ-Fila-Nyɔgɛ 26:14 ပူးပေါင်းရင်းမြစ်များ

Yaburi 106:28

Allala mɔgɛnu kofura Beyali-kɔlɛnu ma Piyɔri kɔnkɛ ma. Niyi sa bɛsɛ minnu tɔ, anu bi wonu kɔ-fan dɔnna.

Yaburi 18:22

N ma Marita sereya-fenfen bɔ a gbɛ rɔ, ado n ma ala tɔn tinya bɛ.

Yɛrɛmaya 16:7

Mɔgɔ-wo-mɔgɔ ti na saya-kinɛ la wo ye. Hali min si yi di wo ma, wo ti taran. Hali a ya a taran, mɔgɛ na ani fila a fa bɔra a kuma, a manugu-nɛgɛla ti sɔrɔn.

Isikiyɛli 24:17

ado mɔgɔ-wo-mɔgɔ kana i yen yɛlɛla a ma fekufeku! I kun-nakolɔn kana to anubɛ i kin-takolɔn kana to fanan iko mɔgɛnu si a ma nya min saya-di-kɛ tinɛ. Mɔgɔ kana a lɔn defan ko i ye di-kɛ le kun na. I kana i yakɔrɛ dogon. I kana saya-di-kɛlɛnuta fen dɔn.”

Hoseya 9:4

Wo wa ke nyɔ, wo ti ke saraka-wo-saraka bɔla tun Mari ye. Nyɔ-sarakɛnu ti a hɛnɛ feu, ado nyɔ-dɔn-fan si ma iko mɔgɛnu bi min dɔnna saya-koe kuma. Wo si ma kɔsɔ. Wo bu-rakɛ-fan le wo la dɔrɔn, ado dɔn-fan wo ti ma sarakɛ la Mari Bato-Bɔn la.

Saraka-Masɔlɛnuta Tɔnnu 21:1

Musa ya Mari kuman-kan latenbi Aruna anubɛ ala den-keminɛnu ma ko, “Mari ko wole saraka-masɔlɛnu kana ta mɔgɔ-gbɛrɛkɛ san-koe kuma, fɔ wola bonna-mɔgɛnu dɔrɔn. Ni a taranta, i fa le fagara, ni wo ma, i na, ni wo ma, i halala dannu, ni wo ma, i na-kelen-nyɔgɔ-musi minna dunɛ siginɛ i kuma, ado a ma ta wɛ kei-wara-sigi rɔ, ni wo ma, i na-kelen-nyɔgɔ-keimɛ wobɛ min bi fa warɛ, wo si kɛnu denu dɔrɔn saya-koe kɛ. Ni saraka-masɔlɛ min tara a kebila-mɔgɔ-gbɛrɛkɛ san-koe kuma, saraka-masɔlɛ wo sɛninyabɛlɛ si to iko tɔn ya a fɔ nya min. Hali furu-koe ye anubɛ minnu tɛma, ni wo do fagara, a kana ta wo san-koe kuma.”

Saraka-Masɔlɛnuta Tɔnnu 21:11

Mari ko ni saraka-masɔla-kun-tigi-wɛ min bi ata wɔlɛ kɛla Marita Fani-Bɔn la, ni wo ya saya-koe lamɔɛn, hali a mara a fa ani fila a na le la, Mari ko a kana ta. Bawo ale dantɛgɛnɛ Mari ma, a kana a nyɛrɛ anubɛ Marita Fani-Bɔn latinya Mari yala. Ale le mata Mari Alla la min ya wo fɔ.

Saraka-Masɔlɛnuta Tɔnnu 7:20

Kɔnɔ ni mɔgɛ min sɛninyani ma, wo ni ta saraka-soge bila a dɛ rɔ, mɔgɔ kana a miri a ma ko Allata mɔgɛ le wo la tun.

Malakayi 2:13

Wo ye ko-yogomɛ do mala fanan tun! Wo ye nala wola sarakɛnu na saraka-mintan-tinɛ kɔnɔ wo wa ke nyɔ rɔ, wo si worondo ha wo ya-yinu ni saraka-mintan-tinɛ wo kimɛ yɔgbɔ! Wo ye dila bawo Mari sa sɔnna wola sarakɛnu na.

Tɔn-Fɔɛ-Fila-Nyɔgɛ 13:5

Ni wɔlɔyi anubɛ kiyo-kɔrɔ-takarannɛ do ya wo labila kɛwuyɛ do la alako wo ni murutiya Alla ma, wo si wo tigi faga. Wota Mari le ya wo kunka ka wo labɔ Iyipiti nyamanɛ rɔ. Maritɛ le wole la gbɛ! Mɔgɔ-sufa wo yogo. A sɔgɛ ye mɔgɔ-sufa wo la ka wo labɔ Allata kilɛ fɛ. Wo si a faga alako ka ko-yogoma-sufa wonu nabɔ wo tɛma.

Tɔn-Fɔɛ-Fila-Nyɔgɛ 16:11

Wo si nyagalen nyɔ rɔ wota Mari Allata kan-tina-yabɔnɛ wo rɔ, wobɛ wola dannu anubɛ wola wɔli-kɛlɛnu anubɛ Lifayi mɔgɛnu anubɛ sundannu anubɛ kelennɛnu anubɛ kɛɛ-musinu, wobɛ minnu siginɛ.

Tɔn-Fɔɛ-Fila-Nyɔgɛ 26:13

wo ye kumɛ kɛnu denu fɔla Mari ye ko, ‘N bara nna yaka damasi ratala Lifayi bɔnsɔn-mɔgɛnu na anubɛ sundannu anubɛ kelennɛnu anubɛ kɛɛ-musinu iko i ya a fɔ ma ye nya min nun. N ma ila tɔn tinya, hali ka nyina doni-bɛrɛni ila yaka-bɔ-koe kɛ la.

Tɔn-Fɔɛ-Fila-Nyɔgɛ 26:15

Mari, i kolan layigi Isirɛla mɔgɛnu ma ka bɔ Arinyɛni tɔ ka ma mafɛlɛn. Iko i wara lanyiri kiri ma benbanu ye nya min, i ni ita duwɛ layigi male kuma anubɛ nyamani-hakikɛ kɛ i wara min di ma ma kɛ la.’