Tɔn-Fɔɛ-Fila-Nyɔgɛ 26:12 - ALLALA KUMƐ

¹² “San-sawa wo san-sawa, wo si to wola yakanu dila Lifayi bɔnsɔn-mɔgɛnu ma anubɛ mɔgɔ-tɔrɔnɛ minnu dɛnbɛna sa, a mara sundan na wo, a mara kelenni na wo, a mara kɛɛ-musu la wo. Wo si a ma, mɔgɛ kɛnuna dɔntɛ si a bɔ anu ye anuna soenu tɔ. Wo wa ban wola yakanu ratalala mɔgɔ-tɔrɔnɛnu na,

Tɔn-Fɔɛ-Fila-Nyɔgɛ 26:12 ပူးပေါင်းရင်းမြစ်များ

Ko-Dabirɛnu 47:24

Wo wa ban anu tɛgɛla tumɛ min, wo wa fenfen sɔrɔn wola sɛnɛnu tɔ, wo ni wo dan nani, a loli nyɔgɔn, mansatɛ le wo la. A toe min bi tola, wo si wo ma wola sugi anubɛ wola dɔn-fan la.”

Ko-Dabirɛnu 47:26

Min bɛɛ ya fen-sɔrɔn-kɛ anuna sɛnɛnu tɔ, anu ya wonu dan nani, a loli nyɔgɛ mara mansɛtɛ la. Ha bi, wo tɔn ye Iyipiti nyamanɛ rɔ nyɔ. Fɔ saraka-masɔlɛ minnu bi sarakɛnu bɔla bɛsɛnu ye nyɔ, wonu denu dɔrɔnna dugi ma ma mansɛtɛ la.

Hɛnkilimaya-Kumɛnu 14:21

Ni min ya a yɛ layigi a sigi-nyɔgɛ ma, wo tigi ara hakɛ kɛ. Kɔnɔ ni mɔgɔ-wo-mɔgɔ ya ko-nyimɛ kɛ bolo-kolɔn ye, wo tigi si barayi sɔrɔn.

Saraka-Masɔlɛnuta Tɔnnu 27:30

“Fenfen bɔra wola sɛnɛ anubɛ wola ki-fannu tɔ, wonu yaka, Maritɛ le wonu na.

Yilan-Yilan Koe 18:24

bawo mɔgɛnu bi nala yaka min bɔla, wonu bara ma woletɛ la. Woletɔ n ya a fɔ ko anu ti nyamanɛ wo fenfen sɔrɔn Isirɛla mɔgɛnu tɛma.”

Tɔn-Fɔɛ-Fila-Nyɔgɛ 16:14

Wo si wo nyɛrɛ ladiya, wobɛ wola dannu anubɛ wola wɔli-kɛlɛnu anubɛ Lifayi mɔgɛnu anubɛ sundannu anubɛ kelennɛnu anubɛ kɛɛ-musinu

Hiburunu 7:5

Lifayi bɔnsɔn minnu bi saraka-masɔlayɛ la, a sɛbɛnɛ tɔn-kitabu rɔ ko anu ni yaka makele Isirɛla mɔgɛnu bolo. Anu bi wo makelela anu nyɛrɛta nyamanita-mɔgɛnu bolo, hali anu bɛɛ bɔra Iburayima bɔnsɔn le tɔ.

Hiburunu 7:9

Minnu bi yaka makelela mɔgɛnu bolo, Lifayi bɔnsɔn le wonu na. Ma si ke a fɔla worɔ ko Iburayima ya yaka bɔ tumɛ min, Lifayinu fanan ya yaka bɔ iko Iburayima.