Tɔn-Fɔɛ-Fila-Nyɔgɛ 26:10 - ALLALA KUMƐ

¹⁰ Woletɔ Mari ya dɔn-fen-kun-fɔlɛ min di ma ma, n bara na ntɛ la a ye.’ “Wo wa ban kumɛ kɛnu fɔla tumɛ min, wo ni dɔn-fen-kun-fɔlɛ wonu bi sendenu tɔ ka anu dantɛgɛ Mari ma a bato-koe la.

Tɔn-Fɔɛ-Fila-Nyɔgɛ 26:10 ပူးပေါင်းရင်းမြစ်များ

1 Ko-Kɔrɔta-Karan 29:14

“Kɔnɔ hali wo, malebɛ nta mɔgɛnu ma ke fenfen dila i ma kamasɔrɔn kɔ-fan bɛɛ ye bɔla ile le kɔɛn rɔ. Male ye fan min sɔrɔnna i bolo, male ye wo le lasɛgila i ma.

Yaburi 22:27

Sibole bɛɛ hɛnkili si to Mari ko. Anu si anu ya-lamunun Mari la duninya-tonko-nanɛ bɛɛ rɔ. Sibole bɛɛ si a bato.

Yaburi 22:29

Hali mɔgɛ minnu wasinɛ, wonu si anu madu ka a bato, ado hadama-dan bɛɛ si a madu ka a bato.

Yaburi 86:9

I ya sibole min bɛɛ labɔ duninya rɔ, wonu dama si na anu madu i kɔrɔ. Anu si i tɔgɔ-makawanɛ gbiliya.

Yaburi 95:6

Wo na, ma ni ma madu ka a bato. Ma ni ma nyɛnkin ma Dali-Mari ye.

Bɔ-Koe-Iyipiti 22:29

“Wo ye wola fui-fan anubɛ wola ki-fan minnu dila n ma, wo kana wonu dɔn. Wo ni anu di nde ma. “Wo ni wola den-kei-sarɛnu di nde, Mari ma.

Bɔ-Koe-Iyipiti 23:19

“San-bo-san, wo ni ta wola dɔn-fen-kun-fɔlɔ-hakikɛnu na nde, Mari Alla bato tinɛ. “Saga-den wo, baa-den wo, wo kana wonu do-wo-do te anu na kin-yi la.

Hɛnkilimaya-Kumɛnu 10:22

Marita duwɛ, wo le kelen pe si mɔgɛ ma nɔnfulu-tigi la, ado mɔgɔ ti ke fen sala wo kuma a nyɛrɛta sɛnbɛ la.

Hɛnkilimaya-Kumɛnu 3:9

I ni to kɔ-fen-nyimɛnu bila ila sɛni-hakikɛ rɔ ka Mari gbiliya wonu na.

Aiseya 66:23

Bɛɛ si na Mari bato tinɛ. Anu si to nala a batola Karɛ-Kurɛ-Ladɛn kuma anubɛ Sulen-Tele bɛɛ ma.

Romu 2:1

N diyana-mɔgɛnu, wo ye wo dɛ bilala mɔgɛnuna koe rɔ kɔnɔ wo wa wo bɔnu yiliki tumɛ min, wo ara wo nyɛrɛ le yiliki wo la. Masigima-kuma sa wo bolo worɔ! Ni wo ya a yen n bi wo fɔla bawo anu denu bi min mala, wole nyɛrɛ fanan bi wo le mala.

1 Kɔrɛnti 10:31

Woletɔ ni wo ye fen dɔnna, ni wo ye wo minna, ni wo ye ko-wo-ko kɛla, wo ni wo bɛɛ kɛ alako Alla ni gbiliyɛ sɔrɔn wo bɛɛ rɔ.

Tɔn-Fɔɛ-Fila-Nyɔgɛ 18:4

Wo si wola dɔn-fan kun-fɔlɛnu di saraka-masɔlɛnu ma Mari tɔgɛ rɔ. Wo si wola saga-siyinu matɛgɛ san wo la ka wonu fanan do di saraka-masɔlɛnu ma Mari tɔgɛ rɔ.

Tɔn-Fɔɛ-Fila-Nyɔgɛ 26:17

Wo ya a fɔ bi, ko wo tigi le Mari Alla la. Wo ara lanyiri kiri nun tɔn kɛnu bira-koenu ma. Wo ko a ya min bɛɛsi fɔ wo ye, wo si wonu bira.

Tɔn-Fɔɛ-Fila-Nyɔgɛ 26:2

wo si wola dɔn-fen-kun-fɔlɛnu bi ka anu sa sendenu tɔ ka ta anu na kan-tina-kelan wo rɔ wota Mari Alla si na min yabɔ wo si a bato kan min.

Tɔn-Fɔɛ-Fila-Nyɔgɛ 26:4

“Saraka-masɔlɛ wo si sende wo bi wo bolo ka a sigi wota Mari Allala saraka-mintan-tinɛ yarɔ.

Tɔn-Fɔɛ-Fila-Nyɔgɛ 8:18

Wo ni wo miri yati, ko wota Mari Alla le ya fan wonu di wo ma. A ye wonu mala wo ye bawo a ya lanyiri min kiri wo benbanu ye, wo kanbali-sɔgɛ ye a la.

Lankɛnimayɛ 22:9

Kɔnɔ a ya a fɔ n ye ko, “I kana wo ma de! Wobɛ i na-kelen-nyɔgɛ nɛbinu, ma wɔli-kɛ-nyɔgɛnu de ma nyɔgɔn na anubɛ min bɛɛ ye kitabu kɛta kumɛnu birala. I si Alla le dɔrɔn bato!”