Tɔn-Fɔɛ-Fila-Nyɔgɛ 25:5 - ALLALA KUMƐ

⁵ “Ni na-kelen-nyɔgɔma filɛ ye bɔn la, kelan ni faga, a ma den-kei to, kɛɛ-musi wo ti to kebila-gbɛrɛka-mɔgɛ ye. A si to ala kei na-kelen-nyɔgɔ-bɛrɛ wo ye.

Tɔn-Fɔɛ-Fila-Nyɔgɛ 25:5 ပူးပေါင်းရင်းမြစ်များ

Ko-Dabirɛnu 19:31

Ala dunmusu fɔlɔtɛ ya a fɔ a dɔgɛ ye ko, “Ma fa ara kɔrɔya. Ma furu-nyɔgɔn sa nyɔ tun ma si dan sɔrɔn minnu ma.

Matiyu 22:24

Anu ya Yisa manyinika ko, “Karan-mɔgɔ, Nɛbi Musa ya ma karan ko, ‘Ni kei fagara, a ma den to, a na-kelen-nyɔgɛ ni kɛɛ-musi wo bi alako wo ni dan sɔrɔn kei wo ye min fagara.’

Maraka 12:19

Anu ko, “Karan-mɔgɔ, Nɛbi Musa le ya tɔn kɛ sɛbɛ ma ye ko, ‘Ni kei fagara, a ma den to, a na-kelen-nyɔgɛ ni kɛɛ-musi wo bi alako wo ni dan sɔrɔn kei wo ye min fagara.’

Luka 20:28

“Karan-mɔgɔ, Nɛbi Musa ya a sɛbɛ ko, ‘Ni kei fagara, a ma den to, a na-kelen-nyɔgɛ ni kɛɛ-musi wo bi alako wo ni dan sɔrɔn kei wo ye min fagara.’

Ruti 1:11

Neyomi ya a fɔ anu ye ko, “Nba, nna dannu, min fisa, fɔ wo ni sɛgi wo warɛ. Nfen bi a mala, wo ye bilala n fɛ tun? Wole miri le ko n si den-kei-gbɛrɛ sɔrɔn wo si to min ye tun?

Ruti 3:13

I sa ha bandɛ ni ka. Banda wa ka, n si ta wo manyinika ni ale si sɔn i la. Ni a sɔnta i la, min kin, wo le wo la. Kɔnɔ ni a ma sɔn i la, n bara n keli Alla nimɛ rɔ ko nde si i furu. I sa yan ha bandɛ ni ka.”

Ruti 3:2

I wɔlita Bowasi minna wɔli-kɛlɛnu fɛ wo la, i ya a lɔn, nna kei na-kelen-nyɔgɛ do le wo la. N bi nala min fɔla i ye, i ni i hɛnkili to a ko ka wo ma. Ta i ku a kila-bɛrɛbɛrɛ fɛ ka i rabɛn yɔnyɔn, ka sɛnti-suma-diyamɛ kɛ i ma. Bi wurɛ la, i si a taran, Bowasi ye ala fui-fan gbesila. Kɔnɔ i wa ta nyɔ, Bowasi kana a lɔn mumɛ ko i ye nyɔ ha a si ban fen-dɔn-kɛla. Anu ba ban fen-dɔn-kɛla,

Ruti 3:9

Bowasi ya a manyinika ko, “Yon bi kɛ la?” Ruti ya a yabi ko, “N fa, ila wɔli-kɛlɛ Ruti le. Bawo nna kei na-kelen-nyɔgɛ le ile la, ile le ye n dunɛ bila gbɛ! I yandi, n furu.”

Ruti 4:5

Bowasi ya a fɔ a ye tun ko, “Awa, ni i ya dugi wo san Neyomi ma, a kin kɔnɔ i ni la a la fɔ i wa mala kɛɛ-musi Ruti bi, Mohabu dunmusi, kɔni, anubɛ dugi wo alako dugi wo kana bɔ furinɛta kebilɛ la.”