Tɔn-Fɔɛ-Fila-Nyɔgɛ 25:2 - ALLALA KUMƐ

² min yo sa kumɛ rɔ wo la, ni anu bi a gbesila le, kiti-tɛgɛlɛ si a fɔ ko a ni a sa dugi ma ka a laburun a ma. Anu si a gbesi iko a ya koe tinya nya min

Tɔn-Fɔɛ-Fila-Nyɔgɛ 25:2 ပူးပေါင်းရင်းမြစ်များ

Nihɛmaya 13:25

N ya musi tigi wonu makuma. N ya anu danka ka anu gbesi ka anu kun-sigi mawurun. Wo kɔma, n ya a ma, anu ya anu keli Alla ye ko anu denu wo, anuna dannu wo, furu-nyɔgɔnya ti don anubɛ sibolo-gbɛrɛnu tɛma tun.

Hɛnkilimaya-Kumɛnu 19:29

Mɔgɛ min si to mɔgɛ mayɛlɛnna, tɔrɔyɛ ye wo makɔnɔna. Gbesili fanan bi kun-takolɔn makɔnɔna.

Matiyu 10:17

Wo ni a ma wo fɛrɛma bawo mɔgɛ donu bi nyɔ minnu si wo bira ka ta wo la kiti tɛgɛ tinɛ. Anu si wo gbesi Yahudiya-dina-bɔnnu na.

Matiyu 27:26

Ale Pailɛti ya Barabasi boloka. A ya a ma, anu ya Yisa gbesi ka a don anu bolo a gbangban-koe la kɔlɔma ma.

Kɛwɔlɛnu 23:3

Pɔli ya a fɔ saraka-masɔla-kun-tigi-wɛ ye ko, “Ile nafigi, i manɛ iko dandan-magbɛnɛ. I sɔn ma kin, ado Alla si ile gbesi, yɔ! I siginɛ nyɔ nde kitila Nɛbi Musala tɔn rɔ kɔnɔ i ya a fɔ mɔgɛnu ye ko anu ni nde gbesi. I ya Allala tɔn le tinya wo la!”

Kɛwɔlɛnu 5:40

Anu ya Marita kilayɛnu kele bɔn la tun. Anu ya anu gbesi bosɛ la ka a fɔ anu ye ko anu kana kuma Yisa tɔgɛ rɔ tun! Wo kɔma, anu ya anu boloka.

1 Pita 2:20

Wo wa ko-yogomɛ kɛ tumɛ min, anu ni wo gbesi, ni wo ya wo munyu wo kɔrɔ, gbiliyɛ mintan bi wo rɔ? Kɔnɔ ni wo tɔrɔta wola ko-nyimɛla ko la, wo wa wo munyu wo kɔrɔ, wo si Allala duwɛ sɔrɔn wo rɔ.

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.