Tɔn-Fɔɛ-Fila-Nyɔgɛ 24:7 - ALLALA KUMƐ

⁷ “Ni min ya a na-kelen-nyɔgɛ Isirɛla mɔgɛ do kankan ka a ma ala yɔɔn la, ni wo ma, ka a mayira yɔɔnyɛ rɔ, wo si wo tigi faga don! Ni wo ya wo ma, wo si ko-yogoma-su wonu ban wo tɛma.

Tɔn-Fɔɛ-Fila-Nyɔgɛ 24:7 ပူးပေါင်းရင်းမြစ်များ

Yobu 24:3

Anu bi kelennɛnuna sofɛlɛnu bila anu bolo. Anu bi kɛɛ-musinuna sara-ninki bila anu bolo fɔrɔsɛ la ko fɔ anu ba ban anuna yili-kɔrɛ sarala.

Yobu 24:9

Karagbɛlɛnu si kelennɛnu don yɔɔnyɛ rɔ. Anu si bolo-kolɔnnuna dannu ma yili-sarɛnu na.

Bɔ-Koe-Iyipiti 21:16

“Ni min ya mɔgɛ kankan, ni a ya mɔgɛ wo mayira le wo, ni a tora a bolo le wo, wo ni kankan wo faga.

Isikiyɛli 27:13

Kiriki nyamanɛ wo, Tubali nyamanɛ wo, anubɛ Misɛki nyamanɛ wonu ya yɔɔnnu anubɛ sila-mirannu felen ale Taya kɛnu ma.

Tɔn-Fɔɛ-Fila-Nyɔgɛ 13:6

“Ni a sɔgɛ ya mɔgɛ do bira ka mɔgɛ do sagan kɛwuyɛ la bɛsi-kɔ-koe rɔ, hali wobɛ wo benbanu ma minnu kɔ tele-kelen-bɛrɛni, wo kana kinikini wo mɔgɔ-su ma. Hali a mara i na-kelen-nyɔgɛ le la wo, i halala-dan la wo, i diyana-musi la wo, i diyana-mɔgɔ-bɛrɛ la wo, wo kana mɔgɛ wo madɛnbɛ.

Tɔn-Fɔɛ-Fila-Nyɔgɛ 17:7

Sereya-bɔlɛ wonu fɔlɔn si a mabon kuri la. Wo kɔma, mɔgɛ bɛɛsi ni to a mabonna kuri la. Wo le si ko-yogoma-sufa kɛ labɔ wo tɛma.

Tɔn-Fɔɛ-Fila-Nyɔgɛ 19:19

anu bɛnta ka tɔrɔyɛ min sigi kuma-tigi wo ma, sereya-bɔlɛ wo si wo dunɛ bi. Ni wo ya wo ma, wo si karagbɛlɛnu ban wo tɛma.

Tɔn-Fɔɛ-Fila-Nyɔgɛ 24:6

“Ni mɔgɛ do tara mɔgɛ do warɛ tuluma sigi tinɛ, a kana sɔn, tuluma-sigilɛ wo ni ala dɔn-fen-bunden-fan sigi tulumɛ la a ma. Wo si a ma, ala denbayɛ ti ke anu de-nyini-fannu bundenna.

1 Timoti 1:10

yɛlannu wo, kei-maki-keinu wo, yɔɔn-mayiralɛnu wo, foninya-fɔlɛnu wo, foninya-sereya-bɔlɛnu wo, anubɛ ko-wo-ko min si tonya-karan masɔsɔ, tɔn kɛ sɛbɛnɛ wonu denu ye.

Lankɛnimayɛ 18:13

Anuna fan min tɔgɛ sinamɔn wo, kɛnɛ wo, isɛnti wo, mira wo, anubɛ farankinsɛnsɛ, yila-wo-yila sa nyɔ min si wonu fanan san. Baan wo, tulu wo, dɛgɛ-munku wo, fui-fen wo, wonu sanna-wo-sanna sa nyɔ. Ninki wo, sagɛ wo, soee wo, kirindi wo, yɔɔn wo, hali mɔgɔni-gbui, wonu fanan sanna-wo-sanna sa nyɔ.