Tɔn-Fɔɛ-Fila-Nyɔgɛ 24:2 - ALLALA KUMƐ

² Ni kei-gbɛrɛkɛ ya musi wo furu,

Tɔn-Fɔɛ-Fila-Nyɔgɛ 24:2 ပူးပေါင်းရင်းမြစ်များ

Isikiyɛli 44:22

Saraka-masɔla fenfen kana musi furu min bara bɔ kei-gbɛrɛkɛ bolo. Fɔ a ni Isirɛla sunkurun-nasolonɛ furu, ni wo ma, saraka-masɔlɛ dola musu-tonɛ.

Saraka-Masɔlɛnuta Tɔnnu 21:7

Mari ko saraka-masɔla wo saraka-masɔla kana musi-yɛlan furu, ni wo ma, musi min bara kei-koe lɔn, anubɛ yili-bɔ-musi bawo wole saraka-masɔlɛnu sɛninyanɛ de!

Saraka-Masɔlɛnuta Tɔnnu 22:13

Kɔnɔ ni ala den-sunkurɔn wola kei ara a ban a la, ka, ni a mara kɛɛ-nyaganɛ la, a ni a taran fanan, a ma den sɔrɔn, ala dunɛ sa kei-gbɛrɛkɛ kuma fɔ a fa, a si ke le worɔ ka sarakɛ wo do dɔn. Fɔ saraka-masɔlɛnuta denbayɛnu yɛ, wonu denu dɔrɔn si ke sarakɛnu dɔnna.

Yilan-Yilan Koe 30:9

“Ni a taranta musi do ye nyɔ, kɛɛ-musi le a la, ni wo ma, ala kei ara a yilibɔ, ni wo ya a dakan don, fɔ a ni lanyiri wo kanbali.

Matiyu 5:32

Kɔnɔ kaka, n bi a fɔla wo ye, ni mɔgɛ ya ala musi boloka, ni musi wo ma yɛlɛnyɛ kɛ, a ara musi wo sɔ yɛlɛnyɛ la wo rɔ, ado ni kei-gbɛrɛ ya a furu, wo fanan bara yɛlɛnyɛ kɛ.

Maraka 10:11

A ya a fɔ anu ye ko, “Kei min ba a ban ala musi la ka musu-gbɛrɛ furu, wo ara yɛlɛnyɛ kɛ ala musu-fɔlɔtɛ wo la.

1 Kɔrɛnti 7:15

Ile dɛnkɛninya-musi, tumado, ila misali-nyimɛ si a ma, ila kei ni dɛnkɛninya. Ile dɛnkɛninya-kei, tumado, ila misali-nyimɛ si a ma, ila musi ni dɛnkɛninya. Hali wo, ni a sɔgɛ ya dɛnkɛninyabɛlɛ bira ka dɛnkɛninya-mɔgɛ wo boloka, nba, tana ma. Dɛnkɛninya-mɔgɛ, a keima wo, a musuma wo, anu filɛ fenfen kirini ma bawo Alla ya wo kele yisi-kimɛ le ma.

Tɔn-Fɔɛ-Fila-Nyɔgɛ 24:1

“Ni kei do ya musi do furu kɔnɔ tɔ-a-la, a ni a yen musi wo kɛ-nya do ye nyɔ min ma kin a yala, a si furu-tinya-kɛdi sɛbɛ ka wo don musi wo bolo ka a gben ala bɔn la.

Tɔn-Fɔɛ-Fila-Nyɔgɛ 24:3

ni wo fanan ya a yen ko a sɔgɛ la ara bɔ a la, wo fanan si furu-tinya-kɛdi sɛbɛ ka a di a ma ka a gben. Hali ala kei fila nyɔgɛ wo ma furu-tinya-kɛdi di a ma, ni a fagara,