Tɔn-Fɔɛ-Fila-Nyɔgɛ 24:19 - ALLALA KUMƐ

¹⁹ Wo tenbi wola fui-fannu tɛgɛla tumɛ min, ni wo nyinara minnu ko, wo kana wo yɛ lasɛgi wonu ma ka wo tɛgɛ tun. Wo ni wonu to mɔgɔ-tɔrɔnɛnu ye minnu dɛnbɛna sa, a mara sundan na wo, a mara kelenni na wo, a mara kɛɛ-musu la wo. Ni wo ya wo ma, wota Mari Alla si ata duwɛ layigi wo kuma koe bɛɛ rɔ.

Tɔn-Fɔɛ-Fila-Nyɔgɛ 24:19 ပူးပေါင်းရင်းမြစ်များ

Yobu 42:12

A ya Marita duwɛ min sɔrɔn tɔɛ kɛ la, wo tenbira a fɔlɔtɛ la. A ya saga waga tan-ni-nani (14,000) sɔrɔn tun. Wo kɔma, a ya nyomo waga wɔrɔ (6,000) sɔrɔn tun. A ya sara-ninki waga fila (2,000) sɔrɔn tun. Wo kɔma, a ya sofɛlɛ waga kelen (1,000) sɔrɔn.

Yaburi 112:9

A si fen-siyaman di bolo-kolɔnnu ma. Ala kɛwɔli-nyimɛ ti ban mumɛ! A ma si kawa, ado gbiliyɛ ti dasa a la.

Hɛnkilimaya-Kumɛnu 14:21

Ni min ya a yɛ layigi a sigi-nyɔgɛ ma, wo tigi ara hakɛ kɛ. Kɔnɔ ni mɔgɔ-wo-mɔgɔ ya ko-nyimɛ kɛ bolo-kolɔn ye, wo tigi si barayi sɔrɔn.

Hɛnkilimaya-Kumɛnu 19:17

Ni mɔgɛ ya fen di bolo-kolɔn ma, a si ma iko a ara Mari le dɔndɔ bawo wo le ye fen-dilɛ sarala.

Aiseya 32:8

Kɔnɔ gbiliya-mɔgɛ si ko-telennɛ ladan. A si a sɔ gben, ko-telennɛla ko la.

Saraka-Masɔlɛnuta Tɔnnu 23:22

Mari ko ni mɔgɛ min bi ala dɔn-fan tɛgɛla ala sɛnɛ rɔ, a kana a tɛgɛ ha a konko dɛ ma anubɛ a mabunsannu. Mari ko ka wonu to fugarɛnu anubɛ sundannu ye bawo ale le ma Mari Alla la min ya kɛ fɔ.

Luka 6:35

Wo ni wo yogenu keni ka ko-nyimɛ kɛ anu ye. Wo ni anu dɔndɔ, hali wo ma wo hɛnkili lamiri fen-sɔrɔn-koe ma anu bolo tun. Wo si barayi-ba sɔrɔn. Alla min bi Fan Bɛɛ Kun na, wo si ma ale Allata dannu na, ado Alla ye ko-nyimɛ kɛla fisiriwɔlɛnu anubɛ wunduyogenu ye.

Luka 6:38

Wo ni mɔgɛnu kɔ, woletɔ Alla si wo kɔ, ado a si a suma wo ye a kin na! A la si fa pen ka a madɛndɛn ka a don wo bolo. Wo ye fan sumanna doinu ye nya min, Alla si a suma wo ye wo nya na le.”

Tɔn-Fɔɛ-Fila-Nyɔgɛ 14:29

Yaka wonu, Lifayi mɔgɛnutɛ le wonu na bawo dugi sa anu bolo anu si wɔli kan min. Sundannu wo, kelennɛnu wo, anubɛ kɛɛ-musi minnu bi wola soenu tɔ, wo ni wonu fanan nahina yaka kɛ rɔ kamasɔrɔn anu dɛnbɛna-gbɛrɛkɛ sa. Ni wo ya wo ma, wota Mari Alla si ata duwɛ layigi wo kuma koe bɛɛ rɔ.”

Tɔn-Fɔɛ-Fila-Nyɔgɛ 15:10

Ni wo ya wo ta-nyɔgɛnu makoe nyinya foninsereyɛ la, Mari Allata duwɛ si taran wo fɛ koe bɛɛ rɔ.

Tɔn-Fɔɛ-Fila-Nyɔgɛ 24:18

Wo ni wo miri ko wole fanan bi yɔɔnyɛ rɔ nun Iyipiti nyamanɛ rɔ kɔnɔ wota Mari Alla ya wo hɔrɔya. Woletɔ Mari Alla ya tɔn kɛnu di wo ma.

Tɔn-Fɔɛ-Fila-Nyɔgɛ 26:13

wo ye kumɛ kɛnu denu fɔla Mari ye ko, ‘N bara nna yaka damasi ratala Lifayi bɔnsɔn-mɔgɛnu na anubɛ sundannu anubɛ kelennɛnu anubɛ kɛɛ-musinu iko i ya a fɔ ma ye nya min nun. N ma ila tɔn tinya, hali ka nyina doni-bɛrɛni ila yaka-bɔ-koe kɛ la.

Ruti 2:2

Lunyɛ do, Ruti ya a fɔ a mama Neyomi ye ko, “N mama, a sɔgɛ ye n na, n ni ta sangban matɔnbɔn tinɛ. N lara a la ko n si mɔgɛ do taran nyɔ min si sɔn n ni bila a fɛ.” Neyomi sɔnta a ta-koe ma.