Tɔn-Fɔɛ-Fila-Nyɔgɛ 24:15 - ALLALA KUMƐ

¹⁵ A wa telen wɔlila gbɛn, yanni tele-kolo-wulan ma, a ni a sarɛ sɔrɔn bawo a makoe ye sarɛ wo la. Ni a ma a sarɛ sɔrɔn a tumɛ rɔ, a si wɔli-tigi wo yasere-masa Mari ye. Hakɛ le wo la wɔli-tigi bolo.

Tɔn-Fɔɛ-Fila-Nyɔgɛ 24:15 ပူးပေါင်းရင်းမြစ်များ

Yobu 31:13

Nna wɔli-kɛlɛ do wa a yasere-masa n ye nun, n si n tole masɔ a la ka ko-latelennɛ kɛ a ye.

Yobu 31:38

Ni n ya nna wɔli-kɛ-tinɛ kensunya mɔgɛ le ma

Yobu 34:28

Kun-tigi wonu ya bolo-kolɔnnu bira boloko-yogomɛ-kɛ ha bolo-kolɔn wonu dira Alla dala. Wo le ya a ma, ale fanan ya anu di-kɛ-kan lamɔɛn.

Yobu 35:9

Mɔgɛnu ba tɔrɔyɛ sɔrɔn, anu si to gbɛngbɛrɛnna. Anu si di mɔgɔ-gbɛrɛnu dala alako wonu ni anu nakisi fankalamɛnu ma.

Yobu 7:2

A manɛ fanan iko yɔɔn min bi nini nyinɛ la a si a sulen kan min. A mani de iko wɔli-kɛlɛ min hɔnnɛ a sara-koe la.

Yaburi 24:4

Fɔ minnu sɛninyanɛ anu kɛ-nya anubɛ anu miriya rɔ, ado wonu sa bɛsi kɔla, wonu sa foninya-sereya bɔla.

Yaburi 25:1

Mari, n bi i madiyala.

Yaburi 86:4

E, n tigi, sewɛ di nde, ila wɔli-kɛlɛ ma bawo nta madiyalɛ ye kela i ma.

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Yɛrɛmaya 22:13

Mari ko gbalo ye ale mansɛ ma, ale min bi ala bolɔn sɔla wunduyogoya-fan rɔ. A kɛnɛna mɔgɛnu bole labirala alako a ni ala bolɔn lakoloya. A ye a fɔla ko a si bolon-ba-belebele sɔ a nyɛrɛ ye. San-bɔn wo konkonu si ma fulan! A si wundan-ba-dɛgbɛnu sɔ ka sida-fɛrɛnnu sa a dandan ma tala. A wa ban, a si nɛrɛ-wulan nɔrɔn a ma. Kɔnɔ a ye ala mɔgɛnu nawɔlila, a sa fenfen dila anu ma. Hali fen-yantarani, a ti a di anu ma.

Saraka-Masɔlɛnuta Tɔnnu 19:13

“Wo kana tɔnɔ-wɛ labɔ wo ta-nyɔgɛnu kuma. Ni wo ya wɔli-kɛlɛ bi ka ta wola wɔli-kɛ-tinɛ, yanni i ni a boloka, wo ni a sarɛ don a bolo. Wo kana a sarɛ bira ha wo banda kɛ sɔgɔma.

Saraka-Masɔlɛnuta Tɔnnu 25:35

“Ni min sigi-nyɔgɛ bolo kolonyara, ado a ti ke a nyɛrɛ makoe nyinyala, yanni a ni ala dugi mayira mɔgɔ-gbɛrɛkɛ ma, fɔ i ni i sigi-nyɔgɛ dɛnbɛ a makoe wonu tɔ. Wo le si a ma, a si to i dafɛ.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Matiyu 20:8

“Wura dɛ la, sɛni-tigi ya a fɔ ala wɔli kun-tigi ye ko, ‘Wɔli-kɛlɛnu kele ka anu sara. I ni a dabira a labannu ma ka a laban a fɔlɔtɛnu ma.’

Maraka 10:19

Ka ila nyinikalɛ yabi, i ya tɔn kɛnu lɔn. Anu ko, ‘Wo kana mɔgɔ faga. Wo kana yɛlɛnyɛ kɛ. Wo kana kankanyɛ kɛ. Wo kana foninya-sereyɛ bɔ. Wo kana mɔgɔ kensunya. Wo ni wo na anubɛ wo fa gbiliya.’ ”

Tɔn-Fɔɛ-Fila-Nyɔgɛ 15:9

Hali a ya a taran, san wɔrɔnfilɛ kɛ ara gbɛrɛn, wo si yili boloka san min na, wo kana wo ban wo nyɔgɔn-dɔndɔ-koe ma. Hali miriya-yogoma-su wo kana na wo hɛnkili ma. Ni wo ya wo ban wo na-kelen-nyɔgɛnu dɔndɔ-koe ma, ni wo do ya a yasere-masa Allatala ye, wo tigi min ya karagbɛlɛyɛ sigi a la wo la, wo si yiliki sɔrɔn Alla bolo.

1 Timoti 5:18

ado a sɛbɛnɛ Allala kitabu rɔ ko, “Sara-ninki tenbi fui-fan tɛnna tumɛ min, i kana a dɛ makiri.” A sɛbɛnɛ fanan ko, “Wɔli-kɛlɛ ni a sarɛ sɔrɔn.”

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!