Tɔn-Fɔɛ-Fila-Nyɔgɛ 23:20 - ALLALA KUMƐ

²⁰ Kɔnɔ ni wole Isirɛla mɔgɛ min ya sibolo-gbɛrɛkɛ-mɔgɛ do dɔndɔ, ni a diyara wo ye, wo si tɔnɛ sa le a kuma. Ni wo ya tɔn kɛnu bira lanyiri-nyamanɛ rɔ, wota Mari Alla si ata duwɛ layigi wo kuma koe bɛɛ rɔ.

Tɔn-Fɔɛ-Fila-Nyɔgɛ 23:20 ပူးပေါင်းရင်းမြစ်များ

Nihɛmaya 5:7

N ya n miri a kɔrɛ ma tumɛ min, n ya kun-tiginu anubɛ mɔgɔ-banu makuma. N ko, “Wo ara a lagbɛlɛya wo na-kelen-nyɔgɛnu kuma.” Wo le ya a ma, n ya nyama kundɛn kan-tina-kelen ka ko-rabɛn-kɛ.

Yaburi 15:5

A si mɔgɔ dɔndɔ, a ti tɔnɔ sa a kuma. Ni mɔgɛ min yilikinɛ kumɛ rɔ, a ti sɔn dogonta-fan birala wo bolo. Min bi a mala a fɛrɛma ko sufa kɛ dama ma, mɔgɛ wo ra ti maga muk!

Bɔ-Koe-Iyipiti 22:24

n yisi si bɔ wo kuma. Ni min ya wo ma, n si wo tigi faga. Ale fanan musi si ma kɛɛ-musi la. Ala dannu si to kelenniyɛ rɔ.

Bɔ-Koe-Iyipiti 22:25

“Ni min ya nta mɔgɔ bolo-kolɔn do dɔndɔ wodi la, a kana tɔnɛ sa wodi wo kuma ka a nyɛrɛ ma mɔgɔ-bɔnɔnɛ la.

Hɛnkilimaya-Kumɛnu 19:17

Ni mɔgɛ ya fen di bolo-kolɔn ma, a si ma iko a ara Mari le dɔndɔ bawo wo le ye fen-dilɛ sarala.

Aiseya 1:19

A ko ni wo ya ala tɔnnu bira dɔrɔn, a si a ma, wo ni to wola sɛnita-fannu dɔnna wo fanbolo.

Aiseya 24:2

A si duninya mumɛ kɛ daga kelen tɔ. A saraka-masɔla wo, a saraka-masɔbɛli wo, a yɔɔn wo, a yɔɔn-tigi wo, a fen-mayirala wo, a fen-sanna wo, a sinkali-kɛla wo, a ye sinkala min ma wo, a fen-tigi wo, a bolo-kolon wo, wo bɛɛ si kɛ daga kelen tɔ.

Isikiyɛli 18:8

A wa mɔgɔ dɔndɔ, a ti tɔnɔ sa a kuma. A ye a banna ko-yogoma-kɛ ma. A ti kumɛ ladon binyɛ la mɔgɔ-wo-mɔgɔ ye.

Saraka-Masɔlɛnuta Tɔnnu 25:36

Ni i ya a dɔndɔ min na, i kana tɔnɛ sa wo kuma. Ni i ye ila dɔntɛ mayirala a ma, i kana tɔnɛ sa wo fanan kuma. Wo ni kilan nde, Alla la ka wo sigi-nyɔgɛnu fɛ-bira.

Luka 14:14

Ni i ya wonu kele, i si duwɛ sɔrɔn bawo wonu ti ke a yili sarala i la. Mɔgɔ-telennɛnu nawuli tumɛ ka bɔ sayɛ rɔ, Alla si i sara wulɔn-tele.”

1 Kɔrɛnti 15:58

Woletɔ n na-kelen-nyɔgɛnu, wo ni wo sɔ gben! Wo ni to wɔlila Mari ye tuma-wo-tuma bawo wo ya a lɔn ko wo ye min kɛla Marita wɔlɛ rɔ, wo ti ma fuyi la mumɛ!

Tɔn-Fɔɛ-Fila-Nyɔgɛ 14:21

“Ni soge min fagara a bolo ma, wo kana wonu dɔn. Wonu sɛninyani ma. Kɔnɔ sibole minnu bi wo tɛma, ni wonu ya sogo-sufa kɛnu dɔn, tana ma wo la. Ni a diyara wo ye, wo si a mayira sibolo-gbɛrɛnu ma. Kɔnɔ wole Isirɛla mɔgɛnu kana fen-sufa kɛnu dɔn bawo Marita mɔgɛ le wole la. “Wo kana saga-dan anubɛ baa-dan te a na kin-yi la.

Tɔn-Fɔɛ-Fila-Nyɔgɛ 15:10

Ni wo ya wo ta-nyɔgɛnu makoe nyinya foninsereyɛ la, Mari Allata duwɛ si taran wo fɛ koe bɛɛ rɔ.

Tɔn-Fɔɛ-Fila-Nyɔgɛ 15:3

Ni a taranta, minna yili ye sibolo-gbɛrɛ la, wo tigi si yili makele kɔnɔ wole kana yili-makele wo nyɔgɔn na san wo nyɛrɛ ma.

Tɔn-Fɔɛ-Fila-Nyɔgɛ 28:12

Wota Mari Alla si bandɛ lana a wati rɔ ka bɔ ala yi-bara-lafani-belebele-wɛ rɔ san-kole ma. Wo ye wɔlɛ minnu kɛla, ale si wɔlɛ wonu baraka, woletɔ sibolo-gbɛrɛkɛ-mɔgɛnu si ta wole wara dɔndɔ sa tinɛ kɔnɔ wole ti ta anu denu bara yili tɛgɛ tinɛ.