Tɔn-Fɔɛ-Fila-Nyɔgɛ 23:18 - ALLALA KUMƐ

¹⁸ Ni min ya wodi sɔrɔn yɛlɛnyɛ wo rɔ, a kana na wodi wo la wota Mari Alla Bato-Bɔn la ka wo ma a dakan-kanbali-fan la. Wo ko-sunu gbo Mari ye.

Tɔn-Fɔɛ-Fila-Nyɔgɛ 23:18 ပူးပေါင်းရင်းမြစ်များ

1 Mansɛnu 14:24

Batoli-kɛlɛnu ya yɛlɛnyɛ kɛ anuna bɛsi-kɔ-tinɛ kɛnu tɔ, kei wo, musi wo, iko anuna namu ye nya min. Yuda mɔgɛ kɛnu bi ko-yogomɛ mala iko Mari ya mɔgɛ minnu gben anu benbanu yarɔ, wonu bi a mala nya min nun.

Yaburi 22:16

N namininɛ karagbɛlɛnu bolo. Anu bi tola anu gbɛrɛnna n ma iko wulu-kurɔn. Anu bi n bolenubɛ n kian mafarafarala.

Hɛnkilimaya-Kumɛnu 26:11

Iko wuli si sɛgi ala teseri dɔn tinɛ nya min, kun-takolɔn fanan si to sɛgila ata kun-takolonyɛ ma wo nya na le.

Aiseya 61:8

Mari ko telenbagayɛ di a ye. A ko kankanyɛ anubɛ bumalɛ gbo a ye. A ko a si ko-telennɛ ladan ka barayi di ala mɔgɛnu ma. Anubɛ ala mɔgɛnu si sarama-kan kiri min ti bɔ a ma mumɛ!

Isikiyɛli 16:33

Yɛlan doinu bi fen sɔrɔnna yɛlɛnyɛ rɔ kɔnɔ ile ye fen sala i nyɛrɛ kuma yɛlɛnya-kɛ-tinɛ. I ye keinu sarala kan-tinɛ bɛɛ rɔ alako anu ni na anu sa i fɛ.

Saraka-Masɔlɛnuta Tɔnnu 18:22

Mɔgɔ kana a sa a ta-nyɔgɔ-kei fɛ. Wo ma di Alla ye mumɛ!

Saraka-Masɔlɛnuta Tɔnnu 19:29

“Wo kana sɔn, wola dunmusinu ni ta bɛsi-bɔn la yɛlɛnya-kɛ-tinɛ. Ni min ya wo ma, wo si nde, Alla boloka ka don bɛsi-kɔ-koe rɔ. Wo si a ma, ko sufa wonu si wara nyamanɛ wo rɔ.

Saraka-Masɔlɛnuta Tɔnnu 20:13

“Ni min ya a sa mɔgɔla yɔɔn-musi fɛ min mabiranɛ kei do bolo kɔnɔ a ma kunka wɛ, anu ti ale yɔɔn-tigi wo faga bawo a ya a sa ala yɔɔn-musi fɛ kɔnɔ a si yiliki-sarakɛ bɔ dɔrɔn.

Saraka-Masɔlɛnuta Tɔnnu 7:16

“Ni kei do nara yisi-kima-sarakɛ la Mari ye bawo a sewanɛ, ka, ni a ye nala a la bawo a ara a dakan bɔ, ni saraka-masɔlɛ ya sarakɛ wo faga, anu si a soge dɔn. Ni anu ma ke a banna tele wo rɔ, anu si a toe lamara ha wo banda-ke sɔgɔma.

Maika 1:7

Wola bɛsi-da-gbɛlɛmɛ wonu ta si bunden. Wo ye wola kɔlɔma-malɛsɛnɛ anubɛ wola kuru-malɛsɛnɛ minnu kɔla, wonu bolokanɛ si belenna sundu-kunyɛnu ma. Wole Samariya mɔgɛnu ya fan minnu di wola yɛlannu ma minnu bi wola bɛsi-bɔnnu na, fan wo donu si mintan gburr! Ni wo bolo-fan minnu ma mintan, wo yogenu si na wonu bi ka ta anu na anuna yɛlannu ye anuna bɛsi-kɔ-tinɛnu tɔ.”

Habakuku 1:13

Kɔnɔ Mari, ile si ke i munyuna karagbɛlɛ wonu kɔrɔ kama? I kolan sɛnima karagbɛlɛ wonu mafɛlan ma. I ti to i kolan bɛnna karagbɛlɛ wonu ma. Anu tenbi mɔgɔ-latelennɛnu kasarala wati min, nfenna i si i made, i ti kuma? Anu bi min kasarala, wonu telenta ka tenbi anu denu na.

Malakayi 1:14

Kensuntenu bi yili-madiyɛ kɛla ko anu si na saraka-hakikɛ la ka bɔ anuna wɔrɛnu tɔ kɔnɔ yaga, anu sa nala fenfen na fɔ saraka-manyimanɛnu. Alla ko a si wo danka wola ko la. Mari ko mansa-makawanɛ le ale la. Duninya mumɛ bɛɛ ye kilanna ale le la.

Matiyu 7:6

“Wo kana fen-sɛnimɛ di wulinu ma bawo ala ban, anu si sɛgi wo kan ma ka wo kin. Wo kana kuru-da-gbɛlɛnu nakɛ kɔsɛnu kɔrɔ bawo anu si wonu tatɛntɛn anu kian kɔrɔ.

Tɔn-Fɔɛ-Fila-Nyɔgɛ 12:6

Nyɔ si ma wola saraka-bɔ-tinɛ la, a mara saraka-mintantɛ la wo, a mara yaka la wo, a mara dato-saraka la wo, a mara hɛniki-sarakɛ la wo, a mara kolo-fen-den fɔlɔtɛ la wo,

Tɔn-Fɔɛ-Fila-Nyɔgɛ 22:21

anu si ta dunmusi wo la a fala bonda-dɛ la. Kei minnu bi soe wo burɔ, wonu si a mabon kuri la nyɔ, ha a ni faga. Sunkurɔn ya miliya-koe le ladan male Isirɛla mɔgɛnu tɛma bawo a ara kei-koe tɛgɛ a fa warɛ bɔn la, ado anu ma a latenbi wɛ ala kei ma fɔlɔn. Ni wole Isirɛla mɔgɛnu ya wo ma, wo si ko-yogomɛ kɛ sufa ban de wo tɛma.

Tɔn-Fɔɛ-Fila-Nyɔgɛ 23:21

“Ni mɔgɛ ya a dakan don Mari ye, a kana a kun kimaya dakan wo kanbali-koe rɔ. Ni mɔgɛ ya dakan kiri kɔnɔ a ma a kanbali, Mari si a bira wo yili la. Wo si ma hakɛ la a bolo.

Filipai 3:2

Wo ni a ma wo fɛrɛma ko-yogoma-kɛlɛnuna ko la. Minnu bara nɔrɔ fɛrɛ-tɛgɛ-koe ma, wuli le wonu na,

2 Pita 2:22

Tili min ko, “Wuli ara sɛgi tun ka a teseri dɔn,” wo ara ma tonyɛ la. Tili min ko, “Kɔsɔ-kunɛ, wo ara sɛgi ka a sa bore rɔ tun, tonyɛ le wo fanan na.”

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.