Tɔn-Fɔɛ-Fila-Nyɔgɛ 21:23 - ALLALA KUMƐ

²³ anu kana a furi-dunnɛ to nyɔ ha subagɛ ma. Fɔ anu ni wo togon wo tele nyɛrɛ rɔ, woletɔ Mari Allata dankɛ ti wola nyamanɛ bira. Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ.”

Tɔn-Fɔɛ-Fila-Nyɔgɛ 21:23 ပူးပေါင်းရင်းမြစ်များ

2 Samuwɛli 21:10

Mansa Sɔli fɛ-sigi-musi Risipa wo ya kasa-kurɛ rasa farɛ kuma furi wonu dafɛ kɔnkɛ kuma nyɔ. Ka a bi dɔn-fen-kun-fɔlɔ-tɛgɛ-wati wo ma ha ka a sigi banda-yi kun-fɔlɛ la, a ye furi wonu kandanna. Tele rɔ, a si konanu gben furi wonu ma. Suyi rɔ fanan, a ni sogenu gben anu ma.

2 Samuwɛli 21:6

Woletɔ wo ni kei mɔgɔ wɔrɔnfila bira, a kegeyɛnu, kɔni, ka wonu don ma bolo. Ma si anu faga ka anu dun kɔlɔma ma Kibiya soe burɔ Mari yala. Mari ya ale Sɔli min yabɔ ka a ma mansɛ la, a sɔrɔn-soe le Kibiya soe wo la.” Mansa Dawuda ko, “N si anu don wo bolo iko wo ara a fɔ nya min.”

2 Mansɛnu 10:8

Anu ya a fɔ Mansa Yehu ye min kɛ ko anu bara na Mansa Ehabu kegeyɛ wonu kunyɛnu na, a ya a fɔ anu ye ko anu ni ta wonu nadɛn kan-tina fila soe tarɛ-don-dɛ dafɛ ka anu to nyɔ ha sina sɔgɔma.

Isikiyɛli 39:12

Karɛ wɔrɔnfila dɛgɛdɛgɛ, Isirɛla mɔgɛnu bi furu-togɔn la alako nyamanɛ si sɛninya nya min.

Saraka-Masɔlɛnuta Tɔnnu 18:25

Anuna sɔn-yogoyɛ ya a ma, anuna dugi ma sɛninya. Kenan mɔgɛnu ya miliya-koe kɛ sufa bɛɛ ladan, woletɔ anuna dugi wo ma sɛninya. Mari nyɛrɛ si dugi wo tɔrɔya. Dugi wo si ko-yogoma-kɛlɛnu nateseri iko mɔgɛ si fen-kasanɛ lateseri nya min. Wo kana ko-yogomɛ wo sufa ma mumɛ! Isirɛla mɔgɛ wo, sundan wo, wo do-wo-do kana bɔ Marita tɔnnu kɔrɔ.

Yilan-Yilan Koe 25:4

Woletɔ Mari ya a fɔ Musa ye ko, “I ni nta kumɛ bira ka ko-yogoma-kɛlɛnuna karan-mɔgɛ wonu faga nyama bɛɛsi yala. Ni i ya wo ma, n fonde ti to bɔla wo kuma wo rɔ.”

Yɔni 19:31

Nba, Yahudiyanu ya Pailɛti madiya ko anu ni mɔgɛ wonu gbɛlannu takeri ka anu furinu nayigi kɔlɔmanu ma. Anu ya wo fɔ bawo Nyima le nun. Nba, anu sa a fɛ, furinu ni to kɔlɔma ma Sulen-Tele ma. Anuna Sulen-Tele-kolomɛ le wo la anu bolo.

1 Kɔrɛnti 16:22

Ni min ti Mari keni, dankatoe le wo tigi la. Ma Mari, na!

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Tɔn-Fɔɛ-Fila-Nyɔgɛ 25:19

Wota Mari Alla wa ban wo yogenu kɛlɛla ka wo sigi lanyiri-nyamanɛ rɔ yisi-kimɛ rɔ tumɛ min, wo kana nyina Amalɛkinu kɛlɛ-koe la. Wo ni ta anu kɛlɛ ka anu nato dogbe!”

Tɔn-Fɔɛ-Fila-Nyɔgɛ 4:21

Wole le ya a ma, Mari kɔrɔtɔra nde, Musa ma. A ya a fɔ ka a gbɛlɛya gben, ko nde ti ta lanyiri-nyamanɛ rɔ.

Tɔn-Fɔɛ-Fila-Nyɔgɛ 7:26

Anuna bɛsɛ wonu sɔgɛ la ni bɔ wo la lass bawo anu bi Marila dankɛ le kɔrɔ. Ni wo ya bɛsɛ kɛ do bi ka na a la wola bɔnnu na, dankɛ min bi anu kuma, wo si wole fanan bira.

Yasowa 7:12

Wola ko la, Isirɛla mɔgɛnu ma anu yogenu nɔ. Wo le ya a ma, anu ya anu nyɛrɛ halaki. N ti to wo fɛ tun fɔ wo wa tubi ka fan bɛɛ tinya minnu bi wo bolo ka bɔ Yɛrikɔ soe burɔ.

Yasowa 8:29

A ya Eyai mansɛ dun kɔlɔma la ha wurɛ la. Tele mayigira tumɛ min, Yasowa ya a fɔ mɔgɛnu ye ko, “Wo ni a layigi ka bɔ kɔlɔma la ka a furi sa tarɛ dɛ la. Wo ni kuru-kundinu nadɛn a kuma.” Anu ya a ma iko Yasowa ya a fɔ anu ye nya min. Ha bi, wo ye nyɔ.