Tɔn-Fɔɛ-Fila-Nyɔgɛ 21:16 - ALLALA KUMƐ

¹⁶ A bɛnta ka min di sarɛ wo ma, a kana wo bi ka a di ala bara-musila den-keminɛ ma.

Tɔn-Fɔɛ-Fila-Nyɔgɛ 21:16 ပူးပေါင်းရင်းမြစ်များ

Ko-Dabirɛnu 25:31

Kɔnɔ Yakoba ko, “Bawo den-kei-sarɛ le ile la, ita sɔ tinɛ mayira n ma.”

1 Ko-Kɔrɔta-Karan 26:10

Mɛrari kebila-mɔgɛ do le Hosa la. Hosa wo ya den-kei mɔgɔ nani sɔrɔn. Wonu tɔgɛ le kɛnu na. Simiri wo, Helikaya wo, Tɛbalaya wo, anubɛ Sakaraya. (Sara ma Simiri la kɔnɔ a fa Hosa ya ale Simiri sɔ den-kei-sarɛ sɔ tinɛ.) Mɔgɔ tan-ni-sawa min bɔra Hosa kebilɛ rɔ, wonu ya Bato-Bɔn makandan.

1 Ko-Kɔrɔta-Karan 5:2

Sɛnbɛ taranta Yuda bɔnsɔn-mɔgɛnu na, ado kun-tigi bɔra anu tɔ kɔnɔ hali wo, Yusufula dannu ya den-kei-sarɛta sɔ tinɛ wo sɔrɔn.)

2 Ko-Kɔrɔta-Karan 21:3

Anu fa Mansa Yɛhosafati ye a kɛndɛ la wati min, a ya sɛnɛ anubɛ wodi-gbɛ anubɛ fen-koloma-siyaman di anu ma. A ya ala dan kɛnu ma so-tiginu na Yuda so-latankanɛnu tɔ. Yɛhoram min bi ala sarɛ la, a ya a ma, wo tora ale gbɛ rɔ mansayɛ la.

Romu 8:29

ado Alla ara male min yabɔ, a ya ma yabɔ le ko ma ni ma iko a nyɛrɛta dan, Yisa. A ya wo ma alako ala dan, Yisa ni ma den-kei-sarɛ la male, a na-kelen-nyɔgɔ dɛnkɛninya-mɔgɛnu tɛma.

Tɔn-Fɔɛ-Fila-Nyɔgɛ 21:15

“Tumado musu fila ye kei do bolo, ala fɛ-sigi-musi anubɛ ala bara-musi. Musu filɛ wonu ni den-keinu sɔrɔn a ye. Ni a taranta, fɛ-sigi-musi ya kei wola sarɛ sɔrɔn, kei wo kana lafisayalɛ kɛ den-kei filɛ wonu tɛma.

Tɔn-Fɔɛ-Fila-Nyɔgɛ 21:17

A si fan min di den-kei-doi wo ma, a ni wo nyɔgɔn fila di sarɛ ma hali a ma ma bara-musila dan la. Fɔ kei wo ni ala den-kei-sarɛ gbiliya. A bɛnta, wo ni min sɔrɔn, a ni wo di wo ma. Sarɛ wo le si a fala keiyɛ labɔ gbɛ rɔ.”

Filipai 4:8

Ala ban, n na-kelen-nyɔgɛnu, tonyɛ ye koe min bɛɛ la wo, tantolɛ ye min tɔ wo, koe min bɛɛ telennɛ wo, koe min bɛɛ sɛnima wo, koe min bɛɛ kin wo, koe min bɛɛ bɛnnɛ wo, koe min bɛɛ kɛndɛ wo, gbiliyɛ ye min bɛɛ rɔ wo, wo ni wo hɛnkili to wonu denu ma tolon!