Tɔn-Fɔɛ-Fila-Nyɔgɛ 20:8 - ALLALA KUMƐ

⁸ “Kɛlɛ-kurugbɛ si nyinikalɛ sa tun ko, ‘Mɔgɛ do ye wo tɛma yan tɔ, kilandɔgɔtore min na? Ni wo tigi ye wo tɛma, a ni ta a warɛ. Ni wo tigi tara wo fɛ kɛlɛ rɔ, a si a ma, a ta-nyɔgɛnu ni kilan.’

Tɔn-Fɔɛ-Fila-Nyɔgɛ 20:8 ပူးပေါင်းရင်းမြစ်များ

Bɔ-Koe-Iyipiti 15:15

Idɔm kɛnu si kilan ha ka a dan-natenbi. Mohabu mɔgɔ-banu si yɛrɛyɛrɛn. Kenan kɛnu mankulan si bɔ anu ma kilan bolo.

Hɛnkilimaya-Kumɛnu 24:10

Mɔgɛ min ti ke a munyuna tɔrɔyɛ rɔ, yutoe le wo tigi la.

Yilan-Yilan Koe 13:31

Kɔnɔ Kelabu ta-nyɔgɛ minnu tara a fɛ, wonu ya Kelabu sɔsɔ ka a fɔ ko, “Ma ti wonu nɔ. Mɔgɛ wonu kolo-gbɛlɛ ma ko.”

Yilan-Yilan Koe 32:9

Anu tara wula-yan la ha Tɔnsɔn fole ma ka Kenan nyamanɛ mafɛlɛn. Wonu nara tumɛ min, anu ya anu ta-nyɔgɛnu yisi tinya alako anu kana ta lanyiri-nyamanɛ wo rɔ Mari ya min di anu ma.

Luka 9:62

Yisa ya a fɔ wo ye ko, “Mɔgɔ-wo-mɔgɔ ya sara-ninki bi dugu-wɔrɔ tinɛ, ni a tora a yɛ lasɛgila a kɔma, wo ti bɛn Allala mansayɛ ma.”

1 Kɔrɛnti 15:33

Wo kana sɔn ko mɔgɛnu ni wo yanfa. “Wo bɔ-yogomɛnu si wola kɛ-nya-nyimɛnu tinya.”

Tɔn-Fɔɛ-Fila-Nyɔgɛ 1:28

Ma ye tala nyɔ nfenna? Ko-lakɔrɔsilɛ minnu tara, wonu bara ma rakilan. Anu ko mɔgɛ minnu bi nyɔ, wonu kolo, ado anu yan ma ko. Anu ko tara-layan-bɛnu mininɛ anuna soenu ma sokesoke! Anu ko mɔgɔ-yan-bɛnu bi nyɔ minnu makilannɛ.’

Tɔn-Fɔɛ-Fila-Nyɔgɛ 20:9

Kɛlɛ-kurugbɛnu ba ban kɛnu fɔla, anu si kun-tiginu sigi kɛlɛ-dan kɛnu kun na.

Tɔn-Fɔɛ-Fila-Nyɔgɛ 23:9

“Wo tenbi wo yogenu kɛlɛla tumɛ min, ni wo ya wo daga makɛ kan min, wo kana wo tugu fenfen na min sɛninyani ma iko tɔn ya a fɔ nya min.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Lankɛnimayɛ 3:16

Kɔnɔ a tɛrɛfɛrɛ le. A kaliyani ma, a kimani ma. N bi a fɛ ka wo lateseri ka wo labɔ n dɛ rɔ!

Kɛlɛ-Kurugbɛnu 7:3

A fɔ ila kɛlɛ-dannu ye ko ni minnu kilandɔgɔ anu tɛma, wonu ni sɛgi anu kɔma. Kɔnɔ minnu ti kilan, wonu ni to sigini Kaliyadi kɔnkɛ dafɛ yan.” Mɔgɔ waga mogan-ni-fila (22,000) tɛgɛra anu na purunsan! Wonu sɛgira anu kɔma. Fɔ mɔgɔ waga tan (10,000) pe, wo le tora nyɔ.