Tɔn-Fɔɛ-Fila-Nyɔgɛ 20:5 - ALLALA KUMƐ

⁵ “Kɛlɛ-kurugbɛ wonu si anuna kɛlɛ-dannu manyinika ka a fɔ ko, ‘Mɔgɛ do ye wo tɛma yan tɔ min bara ban ala bɔn sɔla kɔnɔ a ma a dantɛgɛ wɛ Mari ma? Ni mɔgɛ wo do ye wo tɛma, wo tigi ni sɛgi a warɛ. Ni wo tigi ma sɛgi, a ni ta a kunyɛ to kɛlɛ rɔ, mɔgɔ-gbɛrɛkɛ si ala bɔn wo bi ka a dantɛgɛ Mari ma gbɛ!

Tɔn-Fɔɛ-Fila-Nyɔgɛ 20:5 ပူးပေါင်းရင်းမြစ်များ

Nihɛmaya 12:27

Anu wuli tarɛ dantɛgɛla Mari ma Yerusalɛm soe burɔ, anu ya kilayɛ lata Lifayi bɛɛ ma Yuda nyamanɛ rɔ alako anu ni na kofu anu ma ladɛn wo rɔ. Anu ya wo ma le alako wonu ni na anu dɛnbɛ baraka-bira-bɛti-bɔɛ anubɛ wasanba-fɔɛ anubɛ sɔrɔn-fɔɛnu na.

Yaburi 30:1

Mari, n si i tanto bawo i wara n nakisi. I ya a ma, n yogenu ma yɛlɛn n ma.

Yilan-Yilan Koe 31:14

Musa diminyara kɛlɛ-den-kun-tiginu ma.

Yilan-Yilan Koe 31:48

Kɛlɛ-den-kun-tiginu nara anu dantɛgɛ Musa ye. Anu ko,

Tɔn-Fɔɛ-Fila-Nyɔgɛ 1:15

Wo ya hɛnkilimɛ minnu yabɔ ka anu yira n na, n ya wonu sigi wo kun na ka anu ma wola kiti-salɛnu na. N ya donu sigi mɔgɔ waga kelen-kelen kun na. N ya donu sigi mɔgɔ kɛmɛ-kɛmɛ kun na. N ya donu sigi mɔgɔ bi-loli bi-lolɛ kun na. Ka ban, n ya donu sigi mɔgɔ tan-tan kun na. Wonu mara wola kun-tiginu na wo kuma.

Tɔn-Fɔɛ-Fila-Nyɔgɛ 16:18

Musa ya Mari kuman-kan kɛ latenbi Isirɛla mɔgɛnu ma ko, “Wo ye nala soe minnu sɔrɔnna Mari Alla bolo, wo ni kiti-tɛgɛlɛnu sigi nyɔnu tɔ. Mɔgɛ wonu ni kiti sa a kila-bɛrɛbɛrɛ fɛ.

Tɔn-Fɔɛ-Fila-Nyɔgɛ 20:6

Mɔgɛ do ye wo tɛma yan tɔ minna ki-fan gbɔ-fɔlɔtɛ ara ke keri ma? Ni wo ye wo tɛma, a ni sɛgi a warɛ. Ni wo tigi ya a tui, a ni ta a kunyɛ to kɛlɛ rɔ, mɔgɔ-gbɛrɛkɛ si to a diya ala ki-fan wonu tɔ.

1 Samuwɛli 17:18

I ni fɛnɛ kiri tan kɛnu fanan bi ka ta wonu to anuna kɛlɛ-den-kunyɛ ma. Wo kɔma, i ni a lɔn, ni i kɔrɔnu bi nyɔ nya min. I si na anu bolo-fan donu na min si a yira n na ko i ya anu kɛndɛ yen de serr!