Tɔn-Fɔɛ-Fila-Nyɔgɛ 20:4 - ALLALA KUMƐ

⁴ Wota Mari ye wo fɛ. A si wo sɛnbɛ don, wo ni anu nɔ feu!’

Tɔn-Fɔɛ-Fila-Nyɔgɛ 20:4 ပူးပေါင်းရင်းမြစ်များ

1 Ko-Kɔrɔta-Karan 14:15

Ni i ya kinta-kan lamɔɛn pɔpɔ-kɔlɔma-yanbɛnu ma san ma, i si a lɔn worɔ ko nde, Alla ara ta wo ya rɔ anu kɛlɛ tinɛ. Wobɛ ila kɛlɛ-dannu si anu kɛlɛ ka anu nɔ.”

2 Ko-Kɔrɔta-Karan 13:12

Alla nyɛrɛ-nyɛrɛ le ma kun-tigi la min sɔnɛ ma yarɔ. Ata saraka-masɔlɛnu bi yan anubɛ anuna burinu. Wonu tabɛnnɛ ka kɛlɛ-kɛ-buri fɛ alako ma ni na wo kɛlɛ nya min. Wo le ya a to, wole Isirɛla mɔgɛnu, wo kana wo benbanuta Mari Alla kɛlɛ. Wo ti a nɔ.”

Bɔ-Koe-Iyipiti 14:14

Wo ni a makɔnɔ. Mari si wola kɛlɛ kɛ.”

Romu 8:37

Kɔnɔ nɔlɛ ye ma bolo koe kɛ bɛɛ rɔ feu! Ale min bara ma keni, ma ara nɔ-ko sɔrɔn ale le baraka rɔ,

Tɔn-Fɔɛ-Fila-Nyɔgɛ 1:30

N ko mata Mari Alla si sɔ ma yarɔ. A si kɛlɛ kɛ ma ye iko a ya a ma ma yala nya min Iyipiti nyamanɛ rɔ.

Tɔn-Fɔɛ-Fila-Nyɔgɛ 11:25

Wo tara nyamanɛ wo kan-tina wo kan-tina rɔ, wota Mari Alla si a ma, nyɔ-mɔgɛnu ni kilan wo la iko a ya lanyiri kiri wo ye nya min. Mɔgɔ-wo-mɔgɔ ti ke kilɛ tɛgɛla wo ma.

Tɔn-Fɔɛ-Fila-Nyɔgɛ 3:22

Wo kana kilan anu na. Wota Mari Alla nyɛrɛ si kɛlɛ kɛ wo ye.’

Tɔn-Fɔɛ-Fila-Nyɔgɛ 31:6

Wo si wo yisi gbɛlɛya ka wo kerinteya. Wo kana kilan anu na bawo wo tigi Mari Alla si to wo fɛ. A ti wo baya, ado a ti wo boloka mumɛ!”

Tɔn-Fɔɛ-Fila-Nyɔgɛ 32:30

Nfen ya a to, anu mɔgɔ kelan ya wo mɔgɔ waga kelan gbesi? Nfen ya a to, anu mɔgɔ filɛ ya wo mɔgɔ waga tan gben? Min ya a to, wonu mara bawo wota Fara-Kole Mari ya a bɔ wo fɛ.

Yasowa 10:11

Amora mɔgɛnu bi anu burila tumɛ min ka yigi kɔnkɛ la, Mari ya banda-kolo-wɛ layigi anu kuma ha anu kera Asika soe ma. Banda-kolo-wɛ wonu ya mɔgɔ-siyaman faga. Isirɛla mɔgɛnu ya Amora mɔgɔ-siyaman faga kɔnɔ banda-kole wonu ya Amora mɔgɔ siyaman faga ka tenbi Isirɛlata kɛlɛ-dannutɛ la.

Yasowa 10:42

Yasowa anubɛ ala kɛlɛ-dannu ya sɛnbɛ sɔrɔn kɛlɛ-wa-kelan wo rɔ bawo Isirɛlata Mari Alla ya kɛlɛ wo kɛ anu ye.

Yasowa 23:10

Hali wole mɔgɔ kelen si ke ka mɔgɔ waga kelen gben bawo wota Mari Alla ye kɛlɛ kɛla wo ye iko a ya lanyiri kiri nya min.

1 Samuwɛli 14:23

Anu tara kɛlɛ kɛla furr, fɔɔ Bɛti-Efɛn soe kɔma. Mari ya Isirɛla mɔgɛnu natanka wulɔn de!