Tɔn-Fɔɛ-Fila-Nyɔgɛ 20:16 - ALLALA KUMƐ

¹⁶ “Wo wa ta Kenan mɔgɛnu kɛlɛ tinɛ tumɛ min, wo si a mɔgɛ damasi faga.

Tɔn-Fɔɛ-Fila-Nyɔgɛ 20:16 ပူးပေါင်းရင်းမြစ်များ

Yilan-Yilan Koe 21:35

Woletɔ Isirɛla mɔgɛnu wulita anu kɛlɛla. Anu ya Mansa Ɔku anubɛ a kebilɛ faga. Anu ma mɔgɔ-wo-mɔgɔ kɛndɛ to a niyi la. Anu ya anu bɛɛsi faga tɛrr! Wo kɔma, anu sigira nyɔ le Mansa Ɔkuta nyamanɛ rɔ.

Yilan-Yilan Koe 31:17

Wo le ya a ma, Mari ya ata mɔgɛ donu faga wo wati rɔ. Wo ni Midiyan den-kei bɛɛsi faga anubɛ a musi minnu bara kei-koe lɔn.

Yilan-Yilan Koe 33:52

wo ni a mɔgɛ bɛɛsi gben ka anu bɔ nyɔ feufeu! Anuna kuru-malɛsɛnɛnu anubɛ anuna nɛgɛ-ladannɛ minnu manɛ anuta bɛsɛnu na, wo ni wonu nakerikeri ka anu tatii. Wo ni anuta bɛsi-kɔ-tinɛnu fanan tinya.

Tɔn-Fɔɛ-Fila-Nyɔgɛ 20:15

Wo wa ban sigila lanyiri-nyamanɛ rɔ tumɛ min, wota Mari ni fɛrɛ di wo ma ka ta nyamanɛ do kɛlɛ tinɛ min fɛ-yan wo la, wo ye a mala anuna soenu na wo nya na le.

Tɔn-Fɔɛ-Fila-Nyɔgɛ 20:17

Wo si anu faga ka anu nato dogbe! Hɛtinu wo, Amoranu wo, Kenannu wo, Pɛrasanu wo, Hefanu wo, anubɛ Yebusinu, wo si anu damasi faga tɛrr, iko Mari ara a fɔ wo ye nya min.

Tɔn-Fɔɛ-Fila-Nyɔgɛ 24:4

a mara nya-wo-nya gbɛ, ala kei fɔlɔtɛ ti a ma ala musi la tun. Musi wo ni ma a yala iko musu-sɛninyabɛlɛ iko tɔn ya a fɔ nya min. Ni a ya ala musu-kɔrɛ wo bi tun, kei wo ara bila Mari la. Wota Mari Alla ye nala lanyiri-nyamanɛ min dila wo ma, wo kana ko-yogoma-su kɛnu nana wo tɛma wo rɔ.”

Tɔn-Fɔɛ-Fila-Nyɔgɛ 31:5

Wota Mari si a ma, wo si wo yogenu nɔ. Woletɔ wo ni anu bira iko n ya a fɔ wo ye nya min.

Tɔn-Fɔɛ-Fila-Nyɔgɛ 4:21

Wole le ya a ma, Mari kɔrɔtɔra nde, Musa ma. A ya a fɔ ka a gbɛlɛya gben, ko nde ti ta lanyiri-nyamanɛ rɔ.

Tɔn-Fɔɛ-Fila-Nyɔgɛ 7:16

Mari Alla ye sibole minnu donna wo bolo, wo kana kinikini anu ma. Wo ni anu damasi faga tɛrr! Wo kana anuna bɛsɛnu kɔ. Ni wo ya wo ma, wo si ma gbalo la wo ye.

Yasowa 10:20

Yasowa anubɛ Isirɛla mɔgɛnu ya mɔgɔ-siyaman faga kɔnɔ minnu kɛndɛ tora, wonu sɛgira anuna soenu tɔ tarɛ mininɛ minnu ma.

Yasowa 10:28

Wo banda kɛ, Yasowa ya Makida mansɛ bira ka soe wo mɔgɛ bɛɛ faga. Mɔgɔ-wo-mɔgɔ ma to a niyi la. Iko a ya a ma Yɛrikɔ mansɛ la nya min, a ya wo le fanan ma Makida mansɛ la.

Yasowa 10:40

Yasowa anubɛ ala kɛlɛ-dannu ya sɛnbɛ sɔrɔn nyamanɛ wo kuma anubɛ a mansɛ minnu bi kɔnkɔ-nyamanɛ rɔ anubɛ minnu bi dugula wara la. Ka a dabira Kɛdɛsi-Baniya soe dugu la ha ka ta ke Kesa soe ma kɔgɔ-yi dafɛ anubɛ Kosɛn nyamanɛ bɛɛ ma ha ka ke Kibiyon soe ma, anu ya nyamanɛ wo bɛɛ halaki iko Isirɛlata Mari Alla ya a fɔ anu ye nya min.

Yasowa 11:14

Isirɛla mɔgɛnu ya fen-nyimɛ bɛɛ bi anu nyɛrɛ ye anubɛ kolo-fannu kɔnɔ anu ya nyɔ-mɔgɛ bɛɛ faga.

Yasowa 6:24

Anu ya soe bɛɛ mintan fɔ fan minnu nadannɛ sɛnɛ la anubɛ wodi-gbɛ anubɛ silɛɛ anubɛ nɛgɛ-dogbɛrɛnu. Anu ya wo bɛɛ di Mari ma ka wonu to Marila fen namara tinɛ rɔ.

Yasowa 8:25

Yasowa ma ala tanbɛ wo bɔ Eyai la ha anu banta Eyai mɔgɛnu fagala tumɛ min. Mɔgɛ min bɛɛ ye Eyai wo wati rɔ, anu bɛɛ fagara wo tele nyɛrɛ rɔ. Wonu tenbira mɔgɔ waga tan-ni-fila la, kei wo, musu wo.

Yasowa 8:8

Wo wa soe bira-a-la tumɛ min, wo ni a mintan iko Mari ya wo lawuli nya min. Wo ye a mala ka le.”

Yasowa 9:24

Kibiyon mɔgɛnu ya Yasowa yabi ko, “Ma ya wo yanfa bawo ma kilannɛ ma niyi kuma. Ma ya a lɔn ko Mari Alla ara Nɛbi Musa lawuli nun ka nyamanɛ kɛ bɛɛ di ile ma ka a mɔgɛ bɛɛsi faga wo yarɔ. Woletɔ ma ya kɛ bɛɛsi ma.

Yasowa 9:27

Kɔnɔ wo wati rɔ, a ya anu ma wɔli-kɛlɛnu na. Anu mara sɔgɔ-nyininɛnu anubɛ yi-bilɛnu na. Mari ya saraka-mintan-tinɛ min yabɔ a bato-koe la Isirɛla mɔgɛnu ye, anu bi wɔlɛ wo le kun na bɔn la nyɔ ha bi.

Yasowa 9:7

Kɔnɔ Isirɛla mɔgɛnu ya a fɔ anu ye ko, “Ma ye lanyiri kirila wo ye nfenna? Tumado, wole siginɛ ma da kɔrɔ, woletɔ ma ti lanyiri kiri wo ye.”

1 Samuwɛli 15:3

A ko wo ni ta bui Amalɛkinu ma ka anu nato dogbe! Wo ni anu bolo-fan bɛɛsi halaki pɔ! Kei wo, musu wo, den wo, anubɛ anuna kolo-fannu, wo ni wo damasi halaki.”