Tɔn-Fɔɛ-Fila-Nyɔgɛ 20:1 - ALLALA KUMƐ

¹ Musa ya Mari kuman-kan latenbi ko, “Wo wa ta wo yogenu kɛlɛ tinɛ, ni wo ya a yen ko anuna soeenu anubɛ anuna kirindinu siya wotɛnu ko, hali anuna kɛlɛ-dannu siya wotɛnu ko, wo kana kilan anu na. Wota Mari Alla min ya wo kisi ka wo labɔ Iyipiti, wo si to wo fɛ.

Tɔn-Fɔɛ-Fila-Nyɔgɛ 20:1 ပူးပေါင်းရင်းမြစ်များ

Ko-Dabirɛnu 26:3

To nyamanɛ kɛ rɔ bɛ min na fɔlɔn. N si to i fɛ ka nta duwɛ layigi i kuma. N si nyamanɛ kɛ bɛɛsi di wobɛ i bɔnsɔn ma. N si i bɔnsɔn lasiyaya iko san-kole lolenu ka nyamanɛ kɛ di anu ma. Duninya-mɔgɛ bɛɛ si duwɛ sɔrɔn i bɔnsɔn kɛnu fɛ kamasɔrɔn Iburayima ya n kuman-kan kɛnu namɔɛn ka nta tɔnnu bira. N ya lanyiri minnu kiri mabɛ i fa Iburayima tɛma nun, n si wonu ma.”

2 Ko-Kɔrɔta-Karan 14:10

Mansa Esa anubɛ ala kɛlɛ-dannu tara anu kun-kɔrɔ-bɛn. Anu kurun filɛ bɛɛ ya anu sɔ tinɛnu bi Safata lɛɛ rɔ Marasa soe dafɛ ka anu ya-lamunun anu nyɔgɔn na.

2 Ko-Kɔrɔta-Karan 14:11

Mansa Esa ya ata Mari Alla matara, a ko, “Ka kɛlɛ-den-siyamɛnu dɛnbɛ wo, ka kɛlɛ-den-dandenu dɛnbɛ wo, wo damasi kelen ile yala. Woletɔ, mata Mari Alla, i yandi, ma dɛnbɛ. Ma ye ma yigi sala ile rɔ. Ma ara na kɛlɛ-den-siyamɛ kɛnu kɛlɛ tinɛ ile tɔgɔ rɔ. Mari, mata Alla le ile la. Mɔgɔ-wo-mɔgɔ ti ke ile nɔla.”

2 Ko-Kɔrɔta-Karan 20:12

Mata Alla le ile la. Kɛlɛ-den-siyamɛ minnu bara na ma kan ma kɛ la, ma dɛnbɛna-gbɛrɛ sa kɛlɛ kɛ rɔ fɔ ile. I yandi, na ma yoge kɛnu tɔrɔ ma ye. Ma kɔndɔfilinɛ. Ma yɛ bɛnnɛ ile le ma ma dɛnbɛn-koe rɔ.”

2 Ko-Kɔrɔta-Karan 20:15

Yahasayɛli wo ya a fɔ ko, “N tigi Mansa Yɛhosafati, wobɛ ila mɔgɛnu, wo ni wo tole masɔ. Yerusalɛm so-burɔ-mɔgɛnu wo, Yuda nyamanita-mɔgɛnu wo, Mari ko wo yisi ma kana gboya, ado wo kana kilan kɛlɛ-den-siyamɛ kɛnu na. Alla letan kɛlɛ kɛ la, woleta ma.

Yaburi 118:6

N ti kilan bawo Mari ye n fɛ. Mɔgɛnu si ke nfen mala nde la worɔ?

Yaburi 20:7

Donu lanɛ anuna kɛlɛ-kɛ-kirindinu na. Donu fanan lanɛ anuna soeenu denu na. Kɔnɔ male lanɛ mata Mari Allata sɛnbɛ le la.

Yaburi 23:4

Hali n bi tenbila saya-kilɛ pinpi-wɛ le tɔ, Mari si a ma, n ti kilan fenfen na bawo a ye n fɛ. Ale le ye n matankala ko-yogomɛ bɛɛ ma.

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 46:7

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 46:8

Wo na a yen Mari ara min ma. Wo na ata kabana-ko-ladannɛ yen duninya rɔ.

Bɔ-Koe-Iyipiti 20:2

“Nde le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Aiseya 31:1

Minnu bi tala Iyipiti anu dɛnbɛn-koe rɔ, gbalo ye wonu kuma. Anu lanɛ Iyipiti kɛnuna soeenu anubɛ anuna kirindinu anubɛ anuna kɛlɛ-kɛ-dannu na dɔgɔma-ma-de! Kɔnɔ Isirɛlata Mari Alla-sɛnimɛ, anu ma la ale la. Anu ti a manyinika anu dɛnbɛn-koe la.

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 43:2

A ko ma tenbi dumɛ tɛma, a ye ma fɛ nyɔ rɔ. Ma kunyɛ ti to tɔrɔyɛ wo rɔ. Hali ma tenbi tɛ tɛma, a ko ma ti mintan. Ma kunyɛ ti to gbɛlɛyɛ wo rɔ.

Aiseya 7:14

Woletɔ Mari nyɛrɛ ko a si tamasere yira i la. Sunkurun-nasɔlɔnɛ si buyi bi ka den-kei sɔrɔn. Wo si a tɔgɔ sa Imanuwɛli.

Yɛrɛmaya 16:14

Wo wati ye nala, wo si wo keli ale Mari tɔgɔ rɔ tun. Kɔnɔ wo ti a kele tun ko, “Alla min ya ma bɔ Iyipiti nyamanɛ rɔ.”

Sakaraya 10:5

A ko anu si nɔ-ko sɔrɔn iko kɛlɛ-dan minnu si anu yogenu matɔrɔngba bore rɔ. A ko anu si kɛlɛ kɛ bawo ale Mari ye anu fɛ. Hali kɛlɛ-dan minnu siginɛ soee la, anu si wonu nɔ.

Yilan-Yilan Koe 10:9

Ni wo yogenu nara wo taran wola nyamanɛ rɔ, Aruna anubɛ ala dannu si buri wonu fɛ. Nde, Mari Alla si n miri wo ma ka wo kisi.

Yilan-Yilan Koe 23:21

N bara a yen, wati ye nala, Isirɛla mɔgɛ kɛnu ti nanparan mumɛ sɔrɔn. Anuta Mari Alla ye anu fɛ. Anu si a fɔ ka a gbɛ feu, ko anuta mansɛ le Alla la.

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

Tɔn-Fɔɛ-Fila-Nyɔgɛ 1:29

“Hali wo, nde, Musa ya a fɔ ko ma kana kilan mɔgɛ wonu na.

Tɔn-Fɔɛ-Fila-Nyɔgɛ 2:7

“Wo ni wo miri wo ara koe min bɛɛsi ma ko wota Mari Allata duwɛ tora wo kuma wonu tɔ. A ya wo fɛ-bira ka wo kandan wo tumɛ wo ye wula-da-rakolɔn rɔ. San bi-nanɛ kɛ mumɛ bɛɛsi kɔrɔ, wo ye nyinina min bɛɛsi ma, a ya wonu di wo ma.

Tɔn-Fɔɛ-Fila-Nyɔgɛ 20:2

Yanni wo ni ta kɛlɛ rɔ, wola saraka-masɔlɛ do si sɔ wo yarɔ ka a fɔ ko,

Tɔn-Fɔɛ-Fila-Nyɔgɛ 20:3

‘Wole Isirɛla mɔgɛnu, wo ni wo tole masɔ n kuman-kan la. Wo ni wo yisi gbɛlɛya. Wo kana kilan wo yogenu na ka wo buri anu kɔrɔ.

Tɔn-Fɔɛ-Fila-Nyɔgɛ 31:6

Wo si wo yisi gbɛlɛya ka wo kerinteya. Wo kana kilan anu na bawo wo tigi Mari Alla si to wo fɛ. A ti wo baya, ado a ti wo boloka mumɛ!”

Tɔn-Fɔɛ-Fila-Nyɔgɛ 31:8

Mari nyɛrɛ si taran i fɛ ka sɔ i yarɔ. A ti i baya, ado a ti i boloka. I yisi kana tinya kilan bolo.”

Tɔn-Fɔɛ-Fila-Nyɔgɛ 7:1

Musa ya a fɔ Isirɛla mɔgɛnu ye tun ko, “Wota Mari Alla si ta wo la nyamanɛ wo rɔ, wo ye nala sigila kan min. Wo tamatoe, wo si sibolo wɔrɔnfila gben wo yarɔ. Wonu fanka kolo wotɛ ko, ado anu siya wo ko. Sibole wonu tɔgɛ le kɛnu na. Hɛtinu wo, Kagasanu wo, Amoranu wo, Kenannu wo, Perasanu wo, Hefanu wo, anubɛ Yebusinu.

Tɔn-Fɔɛ-Fila-Nyɔgɛ 7:21

Wo ka kilan mɔgɛ kɛnu na mumɛ! Wota Mari Alla ye wo fɛ. Alla-makawanɛ le ale la. A bɛnta mɔgɛ ni kilan a la.

Tɔn-Fɔɛ-Fila-Nyɔgɛ 9:3

Kɔnɔ kaka, wo si a yen wota Mari Alla ye tala wo yarɔ iko ta-wɔnkɔrɔmɛ. Wo ye tala nya min, ale Mari ye tala mɔgɛnu nɔla wo yarɔ wo nya na le. Wo si ke le ka anuna nyamanɛ bi anu bolo ka anu faga tiriya iko Mari ya lanyiri kiri wo ye nya min.

Yasowa 1:5

Mɔgɔ-wo-mɔgɔ ti ile, Yasowa nɔ i siyi-tele-bɛɛ rɔ. N tora Musa fɛ nya min, n si to ile fanan fɛ wo nya na le. N si to i fɛ tuma-wo-tuma. N ti i boloka dɛɛ!

Yasowa 1:9

N ma a fɔ i ye fɔlɔ nun ko i ni i yisi ragbɛlɛya ka i kerinteya, wa? I kana kilan, i yisi kana tinya. I tara kan-bo-kan, nde, ita Mari Alla si to i fɛ nyɔ.”

Yasowa 11:9

Yasowa ya a ma iko Mari ya a fɔ a ye nya min ka anuna soeenu kin-kɔma-fasɛnu natɛgɛ ka anuna kirindinu mintan.

Kɛlɛ-Kurugbɛnu 6:12

Melika wo ya a nyɛrɛ yira ale Kidiyɔn la. A ko, “Sɛnbɛ-tigi anubɛ kerinte le ile la. Nde, Mari ye i fɛ.”

Kɛlɛ-Kurugbɛnu 6:16

Mari ya a fɔ Kidiyɔn ye ko, “I si a nɔ le bawo nde, Mari le ye i dɛnbɛna. I si Midiyan kɛnu tatɛn iko mɔgɔ kelan tenbi i kɔrɔ.”

1 Samuwɛli 17:32

Dawuda ke Mansa Sɔli ma, a ya a fɔ a ye ko, “N tigi, a ma kin mɔgɛ ni kilan Filisiti-kei kɛ la. Nde si ta a kɛlɛ.”