Tɔn-Fɔɛ-Fila-Nyɔgɛ 2:37 - ALLALA KUMƐ

³⁷ Kɔnɔ ma ma gbɛrɛn Amonnuna nyamanɛ ma anubɛ Yabɔki bɛ ma. Ma ma gbɛrɛn soe wonu ma minnu bi kɔnkɔ-nyamanɛ rɔ anubɛ kan tinɛ wonu tɔ ma Mari Alla ma sɔn ma ni ke kan min.”

Tɔn-Fɔɛ-Fila-Nyɔgɛ 2:37 ပူးပေါင်းရင်းမြစ်များ

Ko-Dabirɛnu 32:22

Suyi wo nyɛrɛ rɔ, Yakoba ya a lasɔ ka ala musu filɛ anubɛ wonuna solo-dununa filɛ bi. A ya ala den mɔgɔ tan-ni-kelan fanan bi. A ya anu natɛgɛ yi do la min tɔgɛ Yabɔki.

Yilan-Yilan Koe 21:24

Kɔnɔ hali Amora kɛlɛ-dannu nara fanka la anu kan ma, Isirɛla mɔgɛnu ya mansɛ anubɛ ata mɔgɛnu nɔ. Isirɛla mɔgɛnu ya anuna nyamanɛ bi ka bɔ Anɔn bɛ ma ha ka ke Yabɔki bɛ ma ha tele-bɔɛ ma Amon mɔgɛnu bi kan min. Anu ma ke donna Amonnuna nyamanɛ rɔ bawo wonuna dan fɛ-biranɛ anu bolo gben!

Tɔn-Fɔɛ-Fila-Nyɔgɛ 2:19

Wo wa tenbi nyɔ la, wo ara gbɛrɛn Amonnuna nyamanɛ ma. Lɔti bɔnsɔn le wonu na. Wo kana yakɔrɔ-mamɔɛ anubɛ nanparan sanba anu ma bawo Mari ti anuna nyamanɛ di wo ma. A ya nyɔ di anu denu ma pe.’ ”

Tɔn-Fɔɛ-Fila-Nyɔgɛ 2:5

kɔnɔ hali wo, wo kana anu nanyini min si a ma, anu yisi ni bɔ wo kɛlɛ-koe la. Mari ko a ti anuna dugi pɛtɛrɛ-kunduni di wo ma bawo a ara ban Idɔm nyamanɛ wo dila Isɔ kegeyɛnu ma.

Tɔn-Fɔɛ-Fila-Nyɔgɛ 2:9

Mari ya a fɔ n ye fanan ko, ‘Wo kana Mohabu mɔgɛnu yakɔrɔ-mamɔ. Lɔti kegeyɛ le wonu na. Wo kana anu kɛlɛ de! N bara Ari soe di anu ma. Hali anuna nyamanɛ sibiri-kunduni, wo ti a sɔrɔn.’ ”

Tɔn-Fɔɛ-Fila-Nyɔgɛ 3:16

Ka a dabira Kaliyadi nyamanɛ ma ha ka ta ke Anɔn bɛ ma, n ya wonu di Rubɛn anubɛ Kadi bɔnsɔnnu ma. Dan min bi tala dugu la, wo dan le Anɔn bɛ tɛmɛ la. Dan min bi tala kan tɔ, wo fanan dan le Yabɔki bɛ la min bi anubɛ Amonnu dan la.

Yasowa 12:2

Isirɛla mɔgɛnu ya mansɛ minnuna soenu bi, a fɔlɔtɛ le Mansa Saihɔn la. Amora bɔnsɔn-mɔgɛ do le min siginɛ Hɛsibɔn soe rɔ. Ata nyamanɛ-dabirɛ le Anɔn bɛ ma dugu la ha ka ke Yabɔki bɛ ma Amon dan kantɔ anubɛ Kaliyadi nyamani-talɛ ma.

Kɛlɛ-Kurugbɛnu 11:15

“Ka a fɔ ko Isirɛla mɔgɛnu bara Amonnuna nyamanɛ anubɛ Mohabu kɛnuna nyamanɛ bi anu bolo, tonya sa wo rɔ.

Kɛlɛ-Kurugbɛnu 11:22

Ka a bi Anɔn bɛ ma dugula ha ka ta a sigi Yabɔki bɛ la kantɔ, ka a bi Yorodan bɛ ma ha ka ta a sigi wulɛ la tele-bɔɛ wara la, anu ya wo bɛɛsi bi anu bolo tɛrr!”