Tɔn-Fɔɛ-Fila-Nyɔgɛ 2:36 - ALLALA KUMƐ

³⁶ Mata Mari Alla ya ma dɛnbɛ ka anuna soe bɛɛ kɛlɛ ka a dabira Arɔra soe ma min bi Anɔn ba lɛɛ rɔ ka ta ke a dafɛ-soe do ma min bi anuna lɛɛ tɛma. Wo kɔma, ma tara ha ka ke Kaliyadi nyamani-dan ma. Anuna soenu tarɛ keri-koe ma gbɛlɛya ma kuma.

Tɔn-Fɔɛ-Fila-Nyɔgɛ 2:36 ပူးပေါင်းရင်းမြစ်များ

2 Samuwɛli 24:5

Anu ya Yorodan bɛ tɛgɛ tumɛ min, anu ya anu daga makɛ Arɔra soe dugu la. Arɔra soe wo sɔnɛ lɛɛ tɛma Kadi bɔnsɔn-mɔgɛnuna nyamanɛ rɔ. Anu bɔra nyɔ ka yɛlɛ kan tɔ ka ta Yasa soe burɔ.

2 Mansɛnu 10:33

tele-bɔɛ wara la Yorodan bɛ kɔgɔma. A ya kan tinɛ min bi Yorodan bɛ kɔgɔma dugula wara la, wo le tara furr, ha Arɔra soe min bi Anɔn bɛ dafɛ. Kaliyadi nyamanɛ anubɛ Basan nyamanɛ le nyɔ waralɛ la nun. Kɔnɔ Kadi bɔnsɔn anubɛ Rubɛn bɔnsɔn anubɛ Manasa bɔnsɔn-talɛ denu siginɛ nyɔ rɔ.

Yaburi 44:3

Kɛlɛ ma a ma, ita mɔgɛnu ya nyamanɛ wo sɔrɔn. Anu ma a sɔrɔn anuta sɛnbɛ dɔrɔn na. Ita sɛnbɛ anubɛ ita fanka, wo le ya a ma, anu ya a sɔrɔn. Anu ya a lɔn min kɛ ko ile ye anu fɛ, wo le ya a yira anu na ko anu di i ye.

Bɔ-Koe-Iyipiti 23:31

“N si wola nyamani-dan dabira Kɔgɔ-Yi-Wulen bolɔn doi ma ha ka ke Mɛdetereniyan kɔgɔ-yi ma Filisitinu bi kan min. Dan min bi a fɔlɔla wulɛ ma, wo le ye tala ha ka ke Yufereti bɛ ma. N si nyamanɛ wo duguran kunyɛnu don wo bolo. N si anu gben-sɛnbɛ di wo ma.

Aiseya 17:2

ado a ko Siriyanuna so-mɛsɛnu si to tonbonyɛ la tolon! A ko anu si ma ninki anubɛ sagɛnu de-nyini-tinɛnu na, ado anu gbenna fenfen ti taran.

Yɛrɛmaya 48:19

Wole min siginɛ Arɔra soe burɔ, wo ni wo sɔ kilɛ la ka to wo yɛ lakalanna. Wo ni kɛlɛ-kɔrɔ-burilɛnu manyinika ko, “Nfen mara nun?”

Yilan-Yilan Koe 32:34

Kadi bɔnsɔn ya soe kɛnu sɔ a kurɛ la ka tarɛnu mini soe wonu ma, Dibon anubɛ Ataroti anubɛ Arɔra anubɛ Atoti-Sofan anubɛ Yeyasa anubɛ Yɔgabɛha anubɛ Bɛti-Nimira anubɛ Bɛti-Haram. Anu ya saga-karakarannu nadan fanan.

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

Tɔn-Fɔɛ-Fila-Nyɔgɛ 3:12

Musa ya a fɔ tun ko, “Ma ya anuna nyamanɛ bi anu bolo tumɛ min, n ya nyamanɛ wo tala bɔnsɔn filɛ anubɛ a talɛ tɛma. Ka a fɔlɔ Arɔra soe ma min bi Anɔn bɛ dafɛ ha ka ta kantɔ pon, anubɛ Kaliyadi kɔnkɔ-nyamanɛ do, n bara wonu di Rubɛn anubɛ Kadi bɔnsɔnnu ma katarala a soenu ma.

Tɔn-Fɔɛ-Fila-Nyɔgɛ 4:48

dan wo le ya a fɔlɔ Arɔra soe ma min bi Anɔn bɛ dafɛ. Dan wo le tara fɔ Hɛrɔman kɔnkɛ ma, anu bi a fɔla min ma fanan ko Siriyon kɔnkɛ.

Yasowa 1:5

Mɔgɔ-wo-mɔgɔ ti ile, Yasowa nɔ i siyi-tele-bɛɛ rɔ. N tora Musa fɛ nya min, n si to ile fanan fɛ wo nya na le. N si to i fɛ tuma-wo-tuma. N ti i boloka dɛɛ!

Yasowa 12:2

Isirɛla mɔgɛnu ya mansɛ minnuna soenu bi, a fɔlɔtɛ le Mansa Saihɔn la. Amora bɔnsɔn-mɔgɛ do le min siginɛ Hɛsibɔn soe rɔ. Ata nyamanɛ-dabirɛ le Anɔn bɛ ma dugu la ha ka ke Yabɔki bɛ ma Amon dan kantɔ anubɛ Kaliyadi nyamani-talɛ ma.

Yasowa 13:16

Anuna nyamanɛ ya a dabira Yorodan bɛ ma tele-yigi wara la ka ke Anɔn bɛ ma ha kɔnkɛ min tasiginɛ ye Midaba soela foolɛ rɔ.

Yasowa 13:9

Anuna nyamanɛ tara ha Arɔra soe min bi Anɔn lɛɛ anubɛ nyamanɛ min bɛɛ ye Dibon dugu la ha ka ke Midaba soe ma.

Yasowa 21:44

Mari ya yisi-kimɛ di anu ma iko a ya lanyiri kiri anu benbanu ye nya min fɔlɔn. Hali sibolo-kelen-bɛrɛn ma nɔ-ko sɔrɔn anu ma bawo Mari ya sɛnbɛ di Isirɛla mɔgɛnu ma anu yogenu kuma kɛlɛ-kɛ-tinɛ.

Kɛlɛ-Kurugbɛnu 11:22

Ka a bi Anɔn bɛ ma dugula ha ka ta a sigi Yabɔki bɛ la kantɔ, ka a bi Yorodan bɛ ma ha ka ta a sigi wulɛ la tele-bɔɛ wara la, anu ya wo bɛɛsi bi anu bolo tɛrr!”

Kɛlɛ-Kurugbɛnu 11:26

A san kɛmɛ sawɛ le kɛ la, Isirɛla mɔgɛnu siginɛ Hɛsibɔn soe wo, Arɔra soe wo, anubɛ wo dafɛ-so-mɛsɛnu tɔ anubɛ soe minnu bi Anɔn bɛ dafɛ tala. Wo ma wo miri anu bi-koe ma ma bolo fɔ bi, wa?