Tɔn-Fɔɛ-Fila-Nyɔgɛ 2:34 - ALLALA KUMƐ

³⁴ Ma ya anuna soe bɛɛ bira-a-la ka anu halaki, kei wo, musu wo, den wo. Mɔgɔ-wo-mɔgɔ ma to a niyi la. Ma ya anu nato dogbe!

Tɔn-Fɔɛ-Fila-Nyɔgɛ 2:34 ပူးပေါင်းရင်းမြစ်များ

Tɔn-Fɔɛ-Fila-Nyɔgɛ 3:6

Ma ya wonu fanan bira-a-la ka a mɔgɛ damasi faga, kei wo, musi wo, hali anuna dennɛnu iko ma ya a ma Mansa Saihɔnta nyamanita-mɔgɛnu na nya min.

Tɔn-Fɔɛ-Fila-Nyɔgɛ 7:2

Wota Mari Alla wa mɔgɛ kɛnu don wo bolo tumɛ min ka anu nɔ, wobɛ mɔgɛ wonu kana ko-wo-ko lakiri wo nyɔgɔn tɛma. Wo kana kinikini anu ma fanan, fɔ ka anu damasi faga tɛrr!

Tɔn-Fɔɛ-Fila-Nyɔgɛ 7:26

Anuna bɛsɛ wonu sɔgɛ la ni bɔ wo la lass bawo anu bi Marila dankɛ le kɔrɔ. Ni wo ya bɛsɛ kɛ do bi ka na a la wola bɔnnu na, dankɛ min bi anu kuma, wo si wole fanan bira.

Yasowa 10:28

Wo banda kɛ, Yasowa ya Makida mansɛ bira ka soe wo mɔgɛ bɛɛ faga. Mɔgɔ-wo-mɔgɔ ma to a niyi la. Iko a ya a ma Yɛrikɔ mansɛ la nya min, a ya wo le fanan ma Makida mansɛ la.

Yasowa 10:40

Yasowa anubɛ ala kɛlɛ-dannu ya sɛnbɛ sɔrɔn nyamanɛ wo kuma anubɛ a mansɛ minnu bi kɔnkɔ-nyamanɛ rɔ anubɛ minnu bi dugula wara la. Ka a dabira Kɛdɛsi-Baniya soe dugu la ha ka ta ke Kesa soe ma kɔgɔ-yi dafɛ anubɛ Kosɛn nyamanɛ bɛɛ ma ha ka ke Kibiyon soe ma, anu ya nyamanɛ wo bɛɛ halaki iko Isirɛlata Mari Alla ya a fɔ anu ye nya min.

Yasowa 11:14

Isirɛla mɔgɛnu ya fen-nyimɛ bɛɛ bi anu nyɛrɛ ye anubɛ kolo-fannu kɔnɔ anu ya nyɔ-mɔgɛ bɛɛ faga.

Yasowa 6:21

Kɛlɛ-dannu ya soe bira-a-la ka mɔgɛnu faga faan la, kei wo, musu wo, anubɛ anuna dennɛnu. Anu ya kolo-fan fanan bɛɛ faga.

Yasowa 7:11

Isirɛla mɔgɛnu bara hakɛ kɛ. Anu ma nta kumɛ bira bawo anu ya kankanya-fan wonu ma anutɛ la Yɛrikɔ, a bɛnnɛ nun ka min halaki. Anu ya foninyɛ fɔ ka fan wonu ma anutɛ la.

Yasowa 9:24

Kibiyon mɔgɛnu ya Yasowa yabi ko, “Ma ya wo yanfa bawo ma kilannɛ ma niyi kuma. Ma ya a lɔn ko Mari Alla ara Nɛbi Musa lawuli nun ka nyamanɛ kɛ bɛɛ di ile ma ka a mɔgɛ bɛɛsi faga wo yarɔ. Woletɔ ma ya kɛ bɛɛsi ma.

1 Samuwɛli 15:3

A ko wo ni ta bui Amalɛkinu ma ka anu nato dogbe! Wo ni anu bolo-fan bɛɛsi halaki pɔ! Kei wo, musu wo, den wo, anubɛ anuna kolo-fannu, wo ni wo damasi halaki.”