Tɔn-Fɔɛ-Fila-Nyɔgɛ 19:6 - ALLALA KUMƐ

⁶ Ni wo ya so kelen de dɔrɔn yabɔ nyamanɛ wo damasi rɔ, a si ma wulɛ la donu bolo. Furi wota mɔgɛ minnu bi a tayili sarala yisi-bɔɛ bolo, wonu si ke mɔgɛ wo birala le bawo soe wo fɛ-yan a la. Ko tinyanta wo min bolo, ni anu ya kei wo faga, anu bara a faga fu bawo a ta-nyɔgɛ wo fagara a bolo sɔgɔ tɛgɛ tinɛ, a ma a lawuli a ma.

Tɔn-Fɔɛ-Fila-Nyɔgɛ 19:6 ပူးပေါင်းရင်းမြစ်များ

2 Samuwɛli 14:7

N na-kelen-nyɔgɛ bɛɛsi ara n magboya. Anu ko nna dan min ya a na-kelen-nyɔgɛ faga wo la, n ni wo don anu bolo alako anu ni ale fanan faga a na-kelen-nyɔgɛla sayɛla ko la. Ni anu ya wo ma, den mumɛ sa n bolo worɔ tun, ado ni wo mara, n yigi ara tɛgɛ. Nna kei sugi la ara to fanan.”

Yilan-Yilan Koe 35:12

Ni mɔgɛ wo ara ke lakisi-soe wo rɔ, furi wo na-kelen-nyɔgɛ ti ke a tayili sarala wati wo ma, alako anu si mɔgɔ fagalɛ wo kiti sa nya min. Mɔgɔ-wo-mɔgɔ ti a bole tugu mɔgɔ-fagalɛ wo la fɔ anu ba ata kiti fɔ.

Tɔn-Fɔɛ-Fila-Nyɔgɛ 19:5

Tamasere le kɛ la. Ni mɔgɔ fila tara firɛ rɔ sɔgɔ tɛgɛ tinɛ, doi ni to sɔgɛ tɛgɛla, tɛgɛran ni bɔ a la, wo ni ta bɛn a ta-nyɔgɛ wo la, wo ni faga, nba, a si a buri ka ta lakisi-soe wo do burɔ.

Tɔn-Fɔɛ-Fila-Nyɔgɛ 19:7

Woletɔ Mari Alla ara a fɔ wo ye ko wo ni mɔgɔ-lakisi-so sawa yabɔ nyamani sawɛ wo rɔ.

Tɔn-Fɔɛ-Fila-Nyɔgɛ 21:22

“Ni mɔgɛ ya ko-yogomɛ ladan min si a ma, anu ni a faga, ni anu ya wo furi dun kɔlɔma la ka a ma tamasere la,

Yasowa 20:5

Ni mɔgɛnu nara a sagaranna, mɔgɛ minnu bi soe wo burɔ, anu kana kei wo don anu bolo bawo kei wo ma a faga-koe lawuli a ma diminyɛ bolo.