Tɔn-Fɔɛ-Fila-Nyɔgɛ 19:14 - ALLALA KUMƐ

¹⁴ “Mari ye nala nyamanɛ min dila wo ma, wo wa ta sigi nyɔ tumɛ min, wo kana wo sigi-nyɔgɛnuna dan-kuru-kɔrɛnu bɔ anu gbɛ rɔ.

Tɔn-Fɔɛ-Fila-Nyɔgɛ 19:14 ပူးပေါင်းရင်းမြစ်များ

Yobu 24:2

Mɔgɛnu bi dan-kurinu bɔla anu gbɛ rɔ, alako do ni sa anuta dugi kuma. Anu bi mɔgɛnuna sagɛnu kankanna ka wo kofu anuta kolo-fannu ma.

Bɔ-Koe-Iyipiti 21:13

Kɔnɔ ni min ma a lawuli a ma, a ni mɔgɛ do faga, ado Alla kitira a la, mɔgɛ wo si a buri ka ta kan tinɛ do rɔ n bi nala min yirala wo la. A si to a niyi la nyɔ.

Hɛnkilimaya-Kumɛnu 15:25

Mari si mɔgɔ-wasinɛnu kɔmɛ rade dogbe kɔnɔ a si kɛɛ-musi latanka ka a wara-koe lasabati.

Hɛnkilimaya-Kumɛnu 22:28

I benbanu ya dan-kuri min sigini to, i kana wo bɔ a gbɛ rɔ.

Hɛnkilimaya-Kumɛnu 23:10

I kana dan-kuri bɔ a gbɛ rɔ ka kelennɛnuna dugi do tɛgɛ a la

Hoseya 5:10

Mari ko ale ara diminya bawo Yuda mɔgɔ-banu bara do tɛgɛ Isirɛla kɛnuna dugi la ka a sa anutɛ kuma. A ko a si tɔrɔyɛ latugu Yuda kɛnu kun na iko yi.

Tɔn-Fɔɛ-Fila-Nyɔgɛ 27:17

“ ‘Alamɛ Allata dankɛ taranta wo mɔgɛnu kuma minnu si anu ta-nyɔgɛnuna dan-kurinu bɔ anu gbɛ rɔ.’ “Anu si a labira ko, ‘Amina.’

Tɔn-Fɔɛ-Fila-Nyɔgɛ 3:18

“Wo wati nyɛrɛ rɔ, n ya a fɔ bɔnsɔn filɛ anubɛ a talɛ ye ko ma Mari Alla ya a ma, anu bara Yorodan-bɛ-kɔmɛ kɛ sɔrɔn tele-bɔɛ wara la. Anu ni a ma, anuna kɛlɛ-dannu ni anu tabɛn ka wuli. Yanni bɔnsɔn-toenu ni bɛ tɛgɛ, anu fɔlɔn ni bɛ tɛgɛ. N ko anu ni ta anu na-kelen-nyɔgɛnu dɛnbɛ kɛlɛ-kɛ-tinɛ.

Tɔn-Fɔɛ-Fila-Nyɔgɛ 4:41

Musa ya so sawa yabɔ Yorodan bɛ tele-bɔɛ wara la ka anu ma mɔgɔ-lakisi-soenu na.