Tɔn-Fɔɛ-Fila-Nyɔgɛ 18:8 - ALLALA KUMƐ

⁸ Hali a ya a bolo-fan bɛɛsi mayira ka nɔnfuli sɔrɔn a bɔra kan min kɔnɔ saraka-masɔlɛnu bi fan min bɛɛsi sɔrɔnna Marita kan-tina-yabɔnɛ wo rɔ, anu damasi bɛnta worɔ.

Tɔn-Fɔɛ-Fila-Nyɔgɛ 18:8 ပူးပေါင်းရင်းမြစ်များ

2 Ko-Kɔrɔta-Karan 31:4

Ale Mansa Hɛsakaya ya a fɔ Yerusalɛm kɛnu ye ko anu ni na anuna kɔ-fannu na a bɛnta, saraka-masɔlɛnu anubɛ Lifayinu ni min sɔrɔn. Anu si fɛrɛ di anu ma alako anu sɔndɔmɛ ni sa Marita wɔlɛ kuma wati bɛɛ.

Nihɛmaya 12:44

Anu bi yakanu namarala Bato-Bon-konko minnu na, a fui-fen wo, a ki-fen wo, anu ya mɔgɛ donu sigi wonu kun na. Wonuta wɔlɛ ma fenfen na fɔ ka yakanu makele mɔgɛnu bolo saraka-masɔlɛnu anubɛ Lifayinu ye sɛnɛnu tɔ soenu dafɛ iko tɔn ya a fɔ nya min. Yuda nyamanita-mɔgɛnu sewara saraka-masɔlɛnu anubɛ Lifayinu na

Nihɛmaya 12:47

Ka a bi Sarababuluta wati ma ka a sigi Nihɛmayata wati la, tele-wo-tele, Isirɛla mɔgɛnu si anu bolo labui Bato-Bon-fɔli-kɛlɛnu anubɛ a makandannɛnu ye. Wo kɔma, anu si kɔ-fen-sɛnimɛnu sa a dan na Lifayinu ye. Wo kɔma, Lifayinu ya saraka-masɔlɛnutɛ bɔ kɔ-fan wonu tɔ.

Saraka-Masɔlɛnuta Tɔnnu 27:30

“Fenfen bɔra wola sɛnɛ anubɛ wola ki-fannu tɔ, wonu yaka, Maritɛ le wonu na.

Yilan-Yilan Koe 18:21

Mari ya a fɔ tun ko, “Isirɛla mɔgɛnu bi yaka min bɛɛ dila nde ma, n bara wo latenbi wole Lifayi mɔgɛnu ma. Wo sarɛ le kɛ la kamasɔrɔn wo ara nta Fani-Bɔn fɛ-bira a kilɛ fɛ.

Luka 10:7

Wo ni to bon kelan wo la. Dɔn-fen wo, min-kɛ-yi wo, anu ba min di wo ma, wo ni wo dɔn bawo a bɛnta, wɔli-kɛlɛ ni a sarɛ sɔrɔn. Wo kana to yilan-yilanna wo yiya tinɛ.