Tɔn-Fɔɛ-Fila-Nyɔgɛ 18:6 - ALLALA KUMƐ

^6-7 “Ni saraka-masɔlɛ do bɔra wola soe donu tɔ ka ta saraka-masɔ-wɔlɛ kɛ Mari ye, kan-tina-yabɔni-kelan wo rɔ nyɔ, a si wɔlɛ wo kɛ le iko saraka-masɔlɛ doi minnu siginɛ nyɔ.

Tɔn-Fɔɛ-Fila-Nyɔgɛ 18:6 ပူးပေါင်းရင်းမြစ်များ

Yaburi 26:8

E, Mari, i mayiginɛ Bato-Bɔn min na, bɔn wo di n ye kati! Kan-tinɛ le wo la ita gbiliyɛ ye kan min.

Yaburi 27:4

N bara Mari manyinika ko kelen pe lela ko ma. N bi nyinina wo le ma a bolo, wo le, ka n siyi-tele mumɛ bɛɛ dunu Mari Bato-Bɔn la. Wo si a ma, n ni to kawala ata nyimayɛ ma nyɔ rɔ ka to hɛnkili sɔrɔnna a bolo.

Yaburi 84:10

Ka tele kelan bɔ i Bato-Bɔn la, wo fisa tele waga kelan ko kan-tina-gbɛrɛ. Yanni n ni to siginɛ karagbɛlɛnuna bɔn la, a fisa, n ni to sɔni ile nta Alla Bato-Bɔn don-dɛ la.

Yaburi 84:5

Minnu ya sɛnbɛ sɔrɔn i bolo, wonu sewanɛ kati! Anu sewanɛ le ye tala Yerusalɛm kɔnkɔ-sɛnimɛ kuma.

Yilan-Yilan Koe 35:5

A yanyɛ si ma kian-nya waga sawa la. A kɔnɛ si ma kian-nya waga sawa la fanan. Anuna soe wonu si to kɛnu tɛma gben!

Tɔn-Fɔɛ-Fila-Nyɔgɛ 12:11

Wo wati rɔ, wota Mari Alla si kan-tina-kelen pe yabɔ wo si a bato kan min. Wo si na fan wonu di a ma nyɔ le iko n bara a fɔ wo ye nya min, saraka-mintanta wo, yaka wo, dato-saraka wo, anubɛ a saraka-toenu, wo si wonu di a ma nyɔ.

Tɔn-Fɔɛ-Fila-Nyɔgɛ 12:14

Mari ara kan-tina-kelan min yabɔ wo ye bɔnsɔn-mɔgɛ donuta nyamanɛ rɔ, wo ni sarakɛnu bɔ nyɔ rɔ. Wo ni a bɛɛsi ma nyɔ le iko n bara a fɔ wo ye nya min kɛ la.

Tɔn-Fɔɛ-Fila-Nyɔgɛ 12:5

Wo bɔnsɔn mumɛ lakofunɛ, Mari Alla si kan-tina-kelen yabɔ bɔnsɔn tan-ni-filɛ wo ye wola nyamanɛ wo rɔ wo si ta a bato kan min.

Tɔn-Fɔɛ-Fila-Nyɔgɛ 16:2

San-bo-san, Abibu karɛ kɛ la, wo si ta kan-tina-kelan wo rɔ min yabɔnɛ Mari bolo. Wo si wola kolo-fannu kan natɛgɛ nyɔ ka wo ma wola Kanan-Ko-Ladiyɛ dɔn-fen-sarakɛnu na.

1 Timoti 3:1

Tonya-kumɛ le kɛ la, ni chɔchi-mɔgɔ-bayɛ-sɔgɛ ye mɔgɛ do la, wɔli-nyimɛ-sɔgɛ ye a la wo la.

1 Pita 5:2

N bi wo madiyala ko Alla ara mɔgɛ minnu di wo ma, wo ni wonu kandan iko saga-fɛ-biralɛ si ala saga-kurɔn kandan nya min. Wo ni anu kandan a kin na, ado wo le di Alla ye. Wo kana a kɛ fɔrɔsɛ la. Wo kana a kɛ sara-koe la. Wo ni to wɔlila sewɛ rɔ wo yisi bɛɛ la.