Tɔn-Fɔɛ-Fila-Nyɔgɛ 18:22 - ALLALA KUMƐ

²² Ni nɛbi kɛ ye kumala Alla tɔgɛ le tɔ kɔnɔ a kuman-kan sa bɔla-a-la, wo si a lɔn worɔ ko kumɛ wo ma bɔ Alla bolo. Nɛbi wo ya a sakorɔ-kumɛ le fɔ. Wo kana kilan mɔgɔ-sufa wonu na.”

Tɔn-Fɔɛ-Fila-Nyɔgɛ 18:22 ပူးပေါင်းရင်းမြစ်များ

1 Mansɛnu 22:28

Nɛbi Mɛkaya ya a fɔ ale mansɛ ye ko, “Ni ile kɛndɛ sɛgira tun ka bɔ kɛlɛ rɔ, nba Mari ma kuma nde ye worɔ. Mɔgɛ bɛɛ ni a yili to nna kumɛ kɛ ko.”

2 Mansɛnu 20:1

Kɛ wati ya a taran, Mansa Hɛsakaya kun ma ara kɔ kirayɛ bolo. A tora doni, a ni lakiraya. Emɔsila den Nɛbi Aiseya tara a kɔndɔn tinɛ. A ya a fɔ a ye ko, “Mari ko yanni i ni faga, i ni i fɛ-koe mumɛ bɛɛ rabɛn bawo a ko i ti kirayɛ kɛ nɔ.”

Hɛnkilimaya-Kumɛnu 26:2

Iko kona ye tenbila mɔgɛnu kuma nya min ka ta a ye pon, mɔgɛ min ma ko tinya, ni i ya wo danka, dankɛ wo fanan bi tenbila wo kuma wo nya na le fɛlɛlɛ!

Aiseya 41:22

Wo ni na yan. Koe min bi nala mala, wo ni na wo fɔ ma ye. Ni wo ara ma, male ni na to a lɔnna. Koe min bara ma kɔrɔma la, wo ni wonu takaran kiti-salɛnu ye. Wo wa ban wo la, wo ni na to anu kɔrɛ faranfasila anu ye.

Yona 3:4

Nɛbi Yona donta soe wo ratagama rɔ. A telenta soe wo ratagamana. Wo kɔma, a donta Allata kumɛ mayɔn rɔ mɔgɛnu ye ko, “A ara to tele bi-nani, Ninɛfa kɛ ye nala halakila.”

Yona 4:2

A ya a fɔ Mari ye ko, “Yanni n ni bɔ n barɛ, n ya a lɔn ko i ye anu makotola le, woletɔ n ya n buri. N ko n ni ta Sipeni. N ya a lɔn nun ko mɔgɛnu di i ye kosɛbɛ, i kinikinite. I si i munyu mɔgɛnu kɔrɔ, i kɛ-nya kin. Hali i si mɔgɛ minnu halaki kɔnɔ i latiri i fonde yɛlɛmana ka kinikini anu ma.

Sakaraya 2:13

Bɛɛ ni a rade Mari yala bawo a ye bɔla ata kan-tina-sɛnimɛ rɔ ka na.

Tɔn-Fɔɛ-Fila-Nyɔgɛ 18:20

Ni foninya-nɛbi min kumara Mari Alla tɔgɛ rɔ, a ma min sɔ wo wara, wo tigi si faga. Ni nɛbi min ya bɛsɛ dola koe fɔ wo ye, wo tigi fanan si faga.

Tɔn-Fɔɛ-Fila-Nyɔgɛ 18:21

“Wo si to kɔndɔfili rɔ wo rɔ, ni nɛbi do ya kumɛ do fɔ min ma bɔ-a-la. Wo si a lɔn kama worɔ ko kumɛ wo bɔra Alla le bolo?

1 Samuwɛli 3:19

Samuwɛli tora koloyala. Mari tora a fɛ. Samuwɛli ya koe min bɛɛsi fɔ mɔgɛnu ye, wonu mara tonyɛ la.