Tɔn-Fɔɛ-Fila-Nyɔgɛ 18:2 - ALLALA KUMƐ

² Anu ti anu halala-dugi sɔrɔn iko bɔnsɔn-toenu si anutɛ sɔrɔn nya min. Anu denu baralɛ, anu ya gbiliyɛ sɔrɔn ka ma saraka-masɔlɛnu na Mari ye iko a ya lanyiri kiri anu ye nya min.

Tɔn-Fɔɛ-Fila-Nyɔgɛ 18:2 ပူးပေါင်းရင်းမြစ်များ

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

Yaburi 119:57

E, Mari, n bi nyinina i kelen pe le ma. N bara i yili-madiya ila tɔnnu-bira-koe rɔ.

Yaburi 16:5

Ile Mari ye n bolo min kɛ, fan bɛɛ ye n bolo worɔ. N makoe ye fan min bɛɛ la, ile le ye wonu dila n ma. Hali n si fan min bɛɛsi sɔrɔn yarɔ, wo bɛɛ ye ile ma.

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Aiseya 61:6

Anu si wo kele ko Marita saraka-masɔlɛnu. Mɔgɛnu si wo lɔn Allata wɔli-kɛlɛnu na. Duninya-sibole bɛɛ si na fen-kolomɛnu na wo ye. Wo si a ma, wo wasa ma ni ka.

Nimisa Koe 3:24

Mari kelen pe le nde bolo. N mako-nyinyalɛ le ale la. N si n yigi sa ale rɔ.

Isikiyɛli 44:28

“Saraka-masɔlɛnu kɛɛ le saraka-masɔ-wɔlɛ kɛ la n ya min di anu ma, ado anu bi wɔlɛ kɛ le tola anu kegeyɛnu bolo. Anu ti anu halala-dugu fenfen sɔrɔn. Anu mako-nyinyalɛ le nde kelen pe la.

Yilan-Yilan Koe 18:20

Mari ya a fɔ Aruna ye ko, “Wo wa ke kan tinɛ wo rɔ wo ye nala tala kan min, wobɛ ila denbayɛ ti dugu mumɛ sɔrɔn wo nyɛrɛ ye. Woleta kan tinɛ le nde nyɛrɛ la.”

Yilan-Yilan Koe 18:7

Wota dunɛ le kɛ la bawo n bara saraka-masɔ-wɔlɛ di wo ma. Mɔgɔ-wo-mɔgɔ min ma bɛn ka wɔlɛ wo kɛ, ni wo ya nyɛrɛmankolayɛ ladan, wo nyɛrɛ si faga.”

Tɔn-Fɔɛ-Fila-Nyɔgɛ 10:9

Anu mɛ saraka-masɔlɛnu na Mari ye iko Mari Alla ya a fɔ anu ye nya min, wo le ya a ma, anu bɔnsɔn ma anuna lanyiri-nyamani-fen sɔrɔn anu nyɛrɛ ma iko bɔnsɔn doinu ya a sɔrɔn nya min. Anu mako-nyinyalɛ le nde le kelen pe la.

Yasowa 13:14

Musa ma nyamanɛ di Lifayi bɔnsɔn ma bawo Isirɛlata Mari Alla ara a fɔ nun ko, “Isirɛla mɔgɛnu bi sarakɛ minnu bɔla n ye, wo do si di Lifayi bɔnsɔn ma.”

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ