Tɔn-Fɔɛ-Fila-Nyɔgɛ 18:16 - ALLALA KUMƐ

¹⁶ “Wo tumɛ ma ye Sinayi kɔnkɛ dafɛ, wo ya Alla madiya nyɔ ko wo kana a kuman-kan lamɔɛn nyɔ rɔ, anubɛ ka ale Alla yen ta-mɛlan rɔ nyɔ bawo wo ya a lɔn ko wo ye fagala le.

Tɔn-Fɔɛ-Fila-Nyɔgɛ 18:16 ပူးပေါင်းရင်းမြစ်များ

Bɔ-Koe-Iyipiti 20:18

Mɔgɛnu ya banda-nyin-masɔgɛ yen ka san-sɛran anubɛ buru-fɛ-kan lamɔɛn ta-sisi-fin-bɛ rɔ kɔnkɛ kuma tumɛ min, anu yɛrɛyɛrɛnta ka anu masɛgi anu kɔma.

Bɔ-Koe-Iyipiti 20:19

Mɔgɛ wonu ya a fɔ Musa ye ko, “I yandi, Alla kana kuma ma ye kamasɔrɔn ma kilannɛ a la. Ni a kumara ma ye, ma si faga. Ni ile nyɛrɛ kumara ma ye, ma si a lamɔɛn de!”

Yɛrɛmaya 1:9

Mari ban kɛ fɔla, a ya a kɔɛn lana ka a tugun n dɛ la. A ya a fɔ n ye ko, “I ma a yen, n bi nna kumɛnu donna i da rɔ.

Tɔn-Fɔɛ-Fila-Nyɔgɛ 1:6

Musa ya a fɔ Isirɛla mɔgɛnu ye ko, “Wo tumɛ ma ye Sinayi kɔnkɛ dafɛ, Mari Alla ya a fɔ ma ye ko, ‘Wo ara mɛ yan tɔ kosɛbɛ!

Tɔn-Fɔɛ-Fila-Nyɔgɛ 10:4

Wo tumɛ wo ladɛnnɛ Sinayi kɔnkɛ kɔrɔ, Mari kumara wo ye kɔnkɛ wo kuma ta-mɛlan rɔ ka Tɔn-Tan di wo ma. Mari ya Tɔn-Tan min di wo ma ta-mɛlan rɔ, wonu denu sɛbɛnɛ kuru-walan fɔlɔtɛ ma. A ya wo le sɛbɛ a tolatɛ fanan ma. Mari ya kuru-walan wonu don n bolo.

Tɔn-Fɔɛ-Fila-Nyɔgɛ 9:10

Wo ladɛnnɛ Sinayi kɔnkɛ kɔrɔ tumɛ min, wo ya kuman-kan min namɔɛn ta-mɛlan wo rɔ, Mari ya kumɛ wonu denu sɛbɛ kuru-walan filɛ wo ma a nyɛrɛ kɔɛn la ka anu ma tɔn la.

Hiburunu 12:19

Anu ya buru-fɛ-kan anubɛ kuman-kan min namɔɛn, wole ma wonu namɔɛn. Isirɛla mɔgɛnu ya Allata kuman-kan wo lamɔɛn tumɛ min, anu kilanta ha anu ya a madiya alako anu kana wo su lamɔɛn tun