Tɔn-Fɔɛ-Fila-Nyɔgɛ 18:15 - ALLALA KUMƐ

¹⁵ Yanni wo ni kɛ ma, wota Mari Alla si to ata nɛbinu nanala ka bɔ wo tɛma minnu si ma iko nde, Musa. Wo ni wonu kuman-kan bira.

Tɔn-Fɔɛ-Fila-Nyɔgɛ 18:15 ပူးပေါင်းရင်းမြစ်များ

Hoseya 12:14

Kɔnɔ wole Isirɛla mɔgɛnu ya a ma, Mari fonde bɔra wo kan ma dɔgɔma-ma-de! A ko a bɛnta nun, wo dama ni faga ka a tɛgɛ wola karagbɛlɛyɛla ko ma. Mari ko a si wo tɔrɔ a kilɛ fɛ bawo wo ara a lamiliya.

Yilan-Yilan Koe 12:6

Mari ya a fɔ anu ye ko, “Wo ni wo tole masɔ. Nɛbinu bi wo tɛma tumɛ min, n si ko-rayirɛ kɛ anu ye kiyo rɔ.

Yilan-Yilan Koe 12:8

Mabɛ Musa si kuma ma nyɔgɔn na kɔnɔ n sa tamayi-kumɛ fɔla a ye. Ka tenbi wo bɛɛ la, a ya n nyɛrɛta tamasere yen, yɔ! Nfen ya a to gbɛ, wo sa kilanna ka murutiya-kumɛ kɛ fɔ a ma.”

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Matiyu 21:11

Nyama ya anu yabi ko, “Nɛbi Yisa le kɛ la ka bɔ Nasarɛti soe burɔ Kalili sigisɔn rɔ.”

Luka 10:16

Yisa ya a fɔ ala karan-dannu ye ko, “Min ba a tole masɔ wole la, wo tigi ara a tole masɔ nde la. Min ba a ban wole la, wo tigi ara a ban nde la. Min ba a ban nde la, wo ara a ban n sɔlɛ la.”

Luka 2:25

Mɔgɛ do ye Yerusalɛm soe burɔ nun min tɔgɛ Simiyɔn. Mɔgɔ-nyimɛ le, a telennɛ. A ye Isirɛlata kisi-koe makɔnɔna nun, ado Allata Ni-Sɛnimɛ ye a fɛ.

Luka 2:32

I wara ila waan raka min si a ma, sibolo-gbɛrɛnu ni ila kilɛ yen anubɛ ka gbiliyɛ di ita Isirɛla mɔgɛnu ma!”

Luka 24:19

Yisa ya a manyinika ko, “Koe nyamintannu?” Anu ya a yabi ko, “Koe minnu bara ma Yisa Nasarɛti kɛ la. Nɛbi le kei wo la nun. Sɛnbɛ ye ala kɛwɔlɛnu anubɛ ala kumɛnu tɔ Alla anubɛ mɔgɛ bɛɛ yala.

Luka 7:16

Mɔgɛ bɛɛ kilanta bɛrɛkɛ! Anu ya Alla tanto ko, “Nɛbi-ba ara bɔ gbɛ rɔ ma tɛma! Alla ara na ala mɔgɛnu kisi tinɛ!”

Luka 9:35

Kuman-kan bɔra banda-finyɛ wo rɔ, a ko, “Nna dan le kɛ la, n bara min yabɔ. Wo ni wo tole masɔ a la!”

Yɔni 1:21

Anu ya a manyinika tun ko, “Yon bi ile la worɔ? Nɛbi Ilaya le ile la, wa?” Yɔni ya anu yabi ko, “Ade, wo ma nde la.” Anu tora a manyinikala ko, “Anu bi nɛbi min ma, nɛbi wo le ile la, wa?” A ya anu yabi ko, “Wo ma nde la.”

Yɔni 1:25

wonu ya Yɔni manyinika ko, “Ni Allata-Mɔgɔ-Yabɔnɛ ma ile la, Ilaya ma ile la, ale nɛbi wo ma ile la, nfenna worɔ, i ye batasili kɛla?”

Yɔni 1:45

Filipi ya Nataniyɛli yen. A ya a fɔ a ye ko, “Musa ya mɔgɛ minna koe sɛbɛ tɔn-kitabu rɔ, ma ara wo yen, ado nɛbinu fanan ya wola koe sɛbɛ. A tɔgɛ le Yisa, Yusufula dan ka bɔ Nasarɛti soe burɔ.”

Yɔni 4:19

Musi ko, “N fa, n bara a ragbɛ ko nɛbi le ile la.

Yɔni 6:29

Yisa ya anu yabi ko, “Alla ye a fɛ, wo ni wɔlɛ min kɛ, wo le ko wo ni la nde la, a ara min sɔ.”

Yɔni 9:17

Woletɔ Farisinu ya kei wo manyinika tun ko, “I ko a ya i yɛ laka. Nba, ile ko kama wo rɔ ala ko la?” A ya anu yabi ko, “Kei wo, nɛbi le.”

Kɛwɔlɛnu 7:37

Ale Musa le wo la min ya a fɔ Isirɛla mɔgɛnu ye ko Alla si nɛbi do lana anu ma iko a ya ale lana nya min, ado a si nɛbi wo yabɔ anu denuta mɔgɛnu tɛma.

Tɔn-Fɔɛ-Fila-Nyɔgɛ 34:10

Ka a fɔlɔ wo wati ma, nɛbi-gbɛrɛkɛ mumɛ ma taran Isirɛla mɔgɛnu tɛma min si ma iko Nɛbi Musa bawo anubɛ Mari kumara anu nyɔgɔn na iko mɔgɔ si kuma a ta-nyɔgɛ la nya min.

Tɔn-Fɔɛ-Fila-Nyɔgɛ 5:5

Wo wati rɔ, n sɔnɛ wole anubɛ Mari tɛma ka a kuman-kan latenbi wole ma bawo wo ye kilanna tɛ la, woletɔ wo ma sɔn ka yɛlɛ kɔnkɛ kuma. “Mari ya a fɔ ko

1 Timoti 2:5

Alla kelen de nyɔ, ado mɔgɔ kelen de nyɔ fanan min bi Alla anubɛ mɔgɛnu tɛmɛ rabɛnna. Wo mɔgɛ le Yisa Kirasiti la.

1 Yɔni 3:23

Alla ya tɔn minnu di ma ma, wo le kɛnu na—ma ni dɛnkɛninya ala den Yisa Kirasiti tɔgɛ ma ka ma nyɔgɔn keni iko Kirasiti ya a fɔ ma ye nya min.