Tɔn-Fɔɛ-Fila-Nyɔgɛ 18:12 - ALLALA KUMƐ

¹² Ko-su min ma daga wole Isirɛla mɔgɛnu tɛma, ni min ya wo ko-sufa ma, wota Mari Alla si diminya mɔgɔ-su wonu ma. Woletɔ Mari ya anu gben wo yarɔ nun.

Tɔn-Fɔɛ-Fila-Nyɔgɛ 18:12 ပူးပေါင်းရင်းမြစ်များ

2 Mansɛnu 23:24

Wo kɔma, a yi-kɔrɔ-fɛlɛnna wo, a bolo-tafɛlɛnna wo, a bɛsɛ min namaranɛ mɔgɛnu bolo bɔn la wo, anubɛ bɛsɛ wonu kɔ mirannu wo, Mansa Yosaya ya wonu wara-koe ban Yerusalɛm soe anubɛ Yuda nyamanɛ bɛɛ rɔ. A ya wo ma alako mɔgɛnu ni tɔn sɛbɛnɛ wonu bira, Saraka-Masɔla-Kun-Tigi-Wɛ Helikaya ya min yen Mari Bato-Bɔn la.

Isikiyɛli 31:11

Woletɔ n bara n ban a la. N si a kunyɛ don mansa-sundan do bolo. A bɛnta kɔlɔma ni min sɔrɔn ata karagbɛlɛyɛla ko la, ale mansɛ si wo sigi a ma.

Saraka-Masɔlɛnuta Tɔnnu 18:24

“Wo ye tala kan min, Mari ye nala Kenan mɔgɛnu gbenna wo yarɔ bawo mɔgɛ wonu bi ko-yogomɛ kɛ siyaman mala. Anu ya anu nyɛrɛ ma mɔgɔ-sɛninyabɛlɛnu na Mari yala. Wole fanan kana wo nyɛrɛ ma wo nya.

Saraka-Masɔlɛnuta Tɔnnu 18:25

Anuna sɔn-yogoyɛ ya a ma, anuna dugi ma sɛninya. Kenan mɔgɛnu ya miliya-koe kɛ sufa bɛɛ ladan, woletɔ anuna dugi wo ma sɛninya. Mari nyɛrɛ si dugi wo tɔrɔya. Dugi wo si ko-yogoma-kɛlɛnu nateseri iko mɔgɛ si fen-kasanɛ lateseri nya min. Wo kana ko-yogomɛ wo sufa ma mumɛ! Isirɛla mɔgɛ wo, sundan wo, wo do-wo-do kana bɔ Marita tɔnnu kɔrɔ.

Tɔn-Fɔɛ-Fila-Nyɔgɛ 14:27

“Wo tenbi wonu mala, wo kana nyina Lifayi mɔgɛnu ko de bawo anu halala-fen sa anu bolo.

Tɔn-Fɔɛ-Fila-Nyɔgɛ 22:5

“Kei kana musila kurɛ don a kan na, musi kana keila kurɛ don a kan na. Minnu bi kɛ ko sufa mala, wo ma di wota Mari Alla ye muk!

Tɔn-Fɔɛ-Fila-Nyɔgɛ 9:4

“Wota Mari Alla wa ban fanka dila wo ma tumɛ min ka mɔgɛ kɛnu faga, wo kana wo miri bawo wo sɔn kin, woletɔ a ya nyamanɛ wo di wo ma. Kɔnɔ a sa wo nya. A ya nyamanɛ wo di wo ma bawo Kenan mɔgɛnu wunduyogo.

Tɔn-Fɔɛ-Fila-Nyɔgɛ 9:5

Iko n ya a fɔ nya min, Mari ye nala nyamanɛ kɛ dila wo ma. A ma wo ma bawo wo mɔgɔ-nyimɛ le wo la, ado wo telenta. Wo ma de! Kɔnɔ a ya wo ma bawo Kenan mɔgɛnu wunduyogo, ado fanan, Mari Alla ya ata lanyiri min kiri wo benba Iburayima, Isiyaka anubɛ Yakoba ye, a ye wo kanbali-koe rɔ.