Tɔn-Fɔɛ-Fila-Nyɔgɛ 17:2 - ALLALA KUMƐ

^2-3 “Mari ye nala lanyiri-nyamanɛ min dila wo ma, wo wa ban wo sigi-bole rabɛnna nyɔ, bɛsɛ wo, tele wo, lole wo, karɛ wo, ni mɔgɛ do ya wo fenfen kɔ wo tɛma nyɔ, wo tigi ara hakɛ kɛ Mari la ka ata tɔn anubɛ lanyiri tinya min bi ale anubɛ wole tɛma.

Tɔn-Fɔɛ-Fila-Nyɔgɛ 17:2 ပူးပေါင်းရင်းမြစ်များ

2 Mansɛnu 18:12

Samariya soe kasarata bawo Isirɛla mɔgɛnu ya hakɛ kɛ anuta Mari Alla la. Min sanɛ wo kuma, anubɛ Mari sarata min ma, anu ya wo tinya. Marita wɔli-kɛla Musa nyɛrɛ ya tɔn min bɛɛsi di anu ma, anu ya wonu tinya. Anu ma anu tole masɔ ka tɔn wonu bira.

2 Mansɛnu 21:3

A fa Mansa Hɛsakaya ya Alla-batobɛlɛnuna kɔ tinɛ minnu tinya, Mansa Manasa ya wonu sɔ a kurɛ la tun. A ya bɛsi-kɔ-tina-mayɛlɛnɛnu nadan anu si Beyali kɔ kan min. A ya kɔlɔma lɛsɛ musila muninyɛ rɔ iko Isirɛla Mansa Ehabu ya a ma nya min nun. Bɛsɛ wo tɔgɛ le Asura. Min sanɛ wo kuma, a ya lolenu fanan bato.

Yobu 31:28

Ni n ya wo ma nun, a bɛnta, n ni faga bawo n bara bila Alla la.

Bɔ-Koe-Iyipiti 22:19

“Ni min ya a sa kolo-fan, ni wo ma, soge do fɛ, wo ni wo tigi faga yati!

Bɔ-Koe-Iyipiti 22:20

“Min ba bɛsɛ kɔ nde, Mari Alla kɔma, wo ni wo tigi faga feu!

Yɛrɛmaya 31:32

A ko kɛ ti ma iko anubɛ anu benbanu ya min kiri anu nyɔgɔn tɛma anuna bɔɛ Iyipiti. A ko hali anu biranɛ a bolo iko mɔgɛ si ala musi bira nya min, anu ma sɔn ata sarama-kan birala.

Yɛrɛmaya 34:18

A Yuda mɔgɔ-ba wo, a Yerusalɛm kun-tigi wo, a mansala mɔgɔ-banu wo, a saraka-masɔla wo, a kun-tigi-toenu wo, wonu dama tenbira tura-sɛnsɛnnɛ tɛma sarama-kan-misalayɛ la. Kɔnɔ wole ya sarama-kan wo tinya. Wo ma wo waralɛ latɔnbagaya. Woletɔ a ko a si wole fanan sɛnsɛn iko wo ya turɛ wo sɛnsɛn nya min.

Isikiyɛli 16:38

I wara yɛlɛnyɛ anubɛ fagalɛ min dan-natenbi, woletɔ n bara itɛ bɔ tɔn rɔ. N si i faga don, nta yisi-bɔ-wulen-bɛ la.

Hoseya 6:7

“Sarama-kan min bi wole anubɛ nde, Mari tɛma, wo ya wo tinya tiriya iko ma benba Hadama ya a ma nya min.

Hoseya 8:1

Mari ko, “Wo ni kɛlɛ-buri fɛ. Wo yogenu bi nala wo kan ma iko kokɛ bawo wo ya sarama-kan min kiri wobɛ nde, Mari tɛma, wole ara wo waralɛ tinya ka murutiya nta tɔnnu ma.

Saraka-Masɔlɛnuta Tɔnnu 26:15

Ni wo ma sɔn ka nta sereya kɛnu bira, ni wo ya wota sarama-kan tinya min bi ma tɛma wona,

Saraka-Masɔlɛnuta Tɔnnu 26:25

N si mɔgɛnu nana wo tɛma ka wo kɛlɛ. Wonu si wo tɔrɔya bawo wo ara sarama-kan tinya min bi ma tɛma wo na. Hali wo ya wo ladɛn wola soenu tɔ alako wo ni kisi wo yogenu ma, n si kiraya-yogomɛ lana wo tɛma min ti dandan muk! Wo ra si nama anu kɔrɔ ka wo nyɛrɛ don anu bolo.

Tɔn-Fɔɛ-Fila-Nyɔgɛ 17:5

wo si mɔgɛ wo bi ka bɔ a la soe kɔma ka a mabon kuri la. A ni faga don!

Tɔn-Fɔɛ-Fila-Nyɔgɛ 29:18

Kei wo, musu wo, kebila wo, bɔnsɔn wo, wo ni a ma wo fɛrɛma, wo kana sibolo-gbɛrɛnuna bɛsɛnu kɔ ka wo kan-kɔ sɔ wota Mari Alla la. Ni min ya wo ma, wo si ma wo tɛma iko kulu-dalamɛ min bi mɔgɔ nyinina a kin-gbɛ ma.

Tɔn-Fɔɛ-Fila-Nyɔgɛ 29:25

Wo yabilɛ si ma ko, ‘Anu bɔɛ Iyipiti, Mari ya lanyiri kiri ata mɔgɛnu ye kɔnɔ wonu kegeyɛnu ya lanyiri wo tinya ka don bɛsi-kɔ-koenu tɔ, ado anu benbanu ma bɛsɛnu kɔ. Mari ya a fɔ anu ye nun ko anu kana bɛsɛnu kɔ hali!

Tɔn-Fɔɛ-Fila-Nyɔgɛ 31:20

N bara anu benbanu yili-madiya nyamani-hakikɛ min na, n si anu bi ka ta anu na nyɔ rɔ. Anu bi nyinina dɔn-fan min bɛɛsi ma, anu si wo bɛɛsi sɔrɔn nyɔ rɔ. Anu si taran anu diya nyɔ. Kɔnɔ hali wo, anu si anu kan-kɔ sɔ n na ka don bɛsi-kɔ-koenu tɔ. Anu si anu ban n na ka ma-tɛma-sarama-kan tinya.

Tɔn-Fɔɛ-Fila-Nyɔgɛ 4:23

Wo ni a ma wo fɛrɛma, wo kana nyina wobɛ Mari Alla sarata min na. Wo ni ata kumɛ bira, wo kana bɛsi-wo-bɛsi ladan wo nyɛrɛ ye

Hiburunu 10:28

Ni sere fila, ni wo ma, sawa ya mɔgɔ bira Nɛbi Musata tɔn tinya tinɛ, anu ti kinikini wo tigi ma, fɔ anu ni a faga.

Yasowa 23:16

Ni wo ya bɛsɛnu kɔ, Marita diminya-wɛ si wo tɔrɔ, ado a si wo bɔ nyamani-hakikɛ kɛ rɔ.”

Yasowa 7:11

Isirɛla mɔgɛnu bara hakɛ kɛ. Anu ma nta kumɛ bira bawo anu ya kankanya-fan wonu ma anutɛ la Yɛrikɔ, a bɛnnɛ nun ka min halaki. Anu ya foninyɛ fɔ ka fan wonu ma anutɛ la.

Yasowa 7:15

N si mɔgɔ kelan wo bira min ya fan wo kankan. Wo si yiliki ka mintan tɛ la anubɛ ala denbayɛ bɛɛ anubɛ fan min bɛɛsi ye a bolo. A ara nta kumɛ tinya ka miliya-ko-wɛ lana Isirɛla mɔgɛnu kuma.”

Kɛlɛ-Kurugbɛnu 2:20

Mari fonde si na bɔ tun ka a fɔ ko, “Mabɛ anu benbanu sarata min ma, mɔgɛ kɛnu bara anutɛ wo tinya.

Kɛlɛ-Kurugbɛnu 6:31

Kɔnɔ Yowasi ya a fɔ anu ye ko, “A sɔgɛ ye wo la wo ni Beyalita kɛlɛ kɛ, ado mɔgɔ-wo-mɔgɔ ya a fasaya Beyali-koe kɛ la yanni sɔgɔma, wo tigi si faga. Ni Alla-bɛrɛbɛrɛ le Beyali kɛ la, ni min ya ata saraka-bɔ-tinɛ tinya, ale ni a tayili sara wo tigi la.”