Tɔn-Fɔɛ-Fila-Nyɔgɛ 17:19 - ALLALA KUMƐ

¹⁹ Wo si to ale mansɛ bolo. A ni to a karanna a siyi-tele mumɛ bɛɛ kɔrɔ. Wo si a ma, a ni ata Mari Alla gbiliya ka ata tɔnnu bira a bolo filɛ la gben!

Tɔn-Fɔɛ-Fila-Nyɔgɛ 17:19 ပူးပေါင်းရင်းမြစ်များ

2 Mansɛnu 22:10

Wo kɔma, a ya a fɔ mansɛ ye tun ko, “I ma buku do yen Saraka-Masɔla-Kun-Tigi-Wɛ Helikaya ya min don n bolo?” A donta buku wo karan rɔ mansɛ ye.

Yaburi 1:2

Ale le si sewa Marita tɔnnu birɛ la. A ye ala kumɛ karanna su-ni-tele ka to a mirila a ma.

Yɔni 5:39

Wo ye Allata kitabu karanna bawo wo miri ko wo si habadan-nimayɛ sɔrɔn wo rɔ. Kitabu wo ye sereyɛ bɔla n ye fanan!

Tɔn-Fɔɛ-Fila-Nyɔgɛ 11:18

“Wo ni wo miri tɔn kɛnu ma ka anu bira wo yisi rɔ gben! Wo ni anu sɛbɛ ka anu kiri wo bolenu na. Wo ni anu kiri wo telɛ ma, woletɔ wo si to wo mirila anu ma a kilɛ fɛ.

Tɔn-Fɔɛ-Fila-Nyɔgɛ 4:9

“Wo ni a ma wo fɛrɛma de! Wo ara min yen wo nyɛrɛ yɛ la kɛ la, wo kana nyina wo ko wo siyi-tele bɛɛ kɔrɔ. Wo benbanu ya min yen anu sɔra Mari yakɔrɔ Sinayi kɔnkɛ kɔrɔ tumɛ min, wo ni wo rakaran wola dannu anubɛ wo mamanɛnu ye. Mari ya a fɔ nde, Musa ye nun ko n ni Isirɛla mɔgɛnu nadɛn kan-tina-kelen kɔnkɛ wo kɔrɔ nyɔ. Mari ko a sɔgɛ ye a la, anu ni a lamɔɛn a ye nala min fɔla nyɔ woletɔ anu si ale Mari gbiliya anu siyi-tele bɛɛ rɔ. Wo si a ma, anu ni anuna dannu karan alako anu si mata Mari Alla gbiliya nya min.

Tɔn-Fɔɛ-Fila-Nyɔgɛ 5:1

Musa ya Isirɛla mɔgɛnu nadɛn anu nyɔgɔn fɛ ka a fɔ anu ye ko, “Wole Isirɛla mɔgɛnu, n bi nala tɔn minnu karanna wo ye bi, wo ni wo tole masɔ wonu na. Wo si anu karan a kila-bɛrɛbɛrɛ fɛ. Wo ni la anu na serr, ka anu bira gben!

Yasowa 1:8

I ni i miri nta tɔnnu ma ka i hɛnkili to wonu ko su-ni-tele. Minnu sɛbɛnɛ tɔn kɛ rɔ, i ni a ma i fɛrɛma wo bɛɛla ko la. Ni i ya wo ma, i wara-koe si sabati.