Tɔn-Fɔɛ-Fila-Nyɔgɛ 17:17 - ALLALA KUMƐ

¹⁷ A fila nyɔgɛ, mansɛ wo kana musu-siyaman furu bawo musi wonu si a ma, a ni Allata kilɛ boloka. A sawa nyɔgɛ, a kana a raya ka sɛnɛ anubɛ wodi-gbɛ ladɛn a nyɛrɛ ye ka a nyɛrɛ ma nɔnfulu-tigi la mɔgɛnu kuma.

Tɔn-Fɔɛ-Fila-Nyɔgɛ 17:17 ပူးပေါင်းရင်းမြစ်များ

Ko-Dabirɛnu 2:24

Woletɔ kei si a na anubɛ a fa boloka ka tugun ala musi la. Anu si ma mɔgɔ kelen na.

2 Samuwɛli 12:11

Mari ko a ara ban a latɛgɛla ko fɔ ila bonna-mɔgɛ do wa tɔrɔyɛ lana i kuma. A ko fɔ a wa ila musinu bi i bolo ka anu di kei-gbɛrɛkɛ ma. Wo wa ma tumɛ min, i si a lɔn wo rɔ ko a ara min fɔ, tonyɛ le wo la. Kei wo si a sa ila musinu fɛ tele rɔ gbaga!

2 Samuwɛli 5:13

Mansa Dawuda bɔɛ Hiburɔn soe burɔ ka ta a sigi Yerusalɛm soe burɔ, a ya musu-siyaman furu. Wo kɔma, a ya fɛ-sigi-musi donu bi. Wonu fanan ya dan donu sɔrɔn a ye tun.

1 Mansɛnu 10:21

Ala yi-lafɛnu anubɛ ala bonna-mirannu, wo damasi ladanta sɛnɛ le la. Ala bɔn min kelenɛ Lɛbanan Gbɔngbɔn Kɔlɔma Bɔn, miran minnu bi bɔn wo la, wo bɛɛ ladanta sɛnɛ le la. Anu ma miran-wo-miran ladan wodi-gbɛ la mansɛ ye bawo anu ma wodi-gbɛ lɔn fen-koloma la ata wati wo rɔ.

1 Mansɛnu 10:27

Mansa Silamɛnita wati rɔ, wodi-gbɛ rakanɛ Yerusalɛm soe burɔ iko kuru-kundi. Lɛbanan fɛran minnu dɛ gbɛlɛ, wonu bi nyɔ duk! Kurukurun ti a ban, tarali ti a ban. Anu siya iko kɔlɔma minnu bi anu halala-nyamanɛ rɔ.

1 Ko-Kɔrɔta-Karan 14:3

Mansa Dawuda siginɛ Yerusalɛm soe burɔ tumɛ min, a ya musi donu furu. Wonu fanan ya dan donu sɔrɔn a ye tun.

2 Ko-Kɔrɔta-Karan 1:15

Sɛnɛ anubɛ wodi-gbɛ raboroko-barakanɛ ata wati rɔ. Fɛrɛn-da-gbɛlɛ, wonu bi nyɔ duk! Kurukurun ti a ban, tarali ti a ban.

2 Ko-Kɔrɔta-Karan 11:21

Ale mansɛ ya musi min furu ka yɛ, mɔgɔ tan-ni-segin anubɛ fɛ-sigi-musu mɔgɔ bi-wɔrɔ. A ya den-kei mɔgɔ mogan-ni-segin sɔrɔn anubɛ dunmusi mɔgɔ bi-wɔrɔ. Ala musinu anubɛ ala fɛ-sigi-musinu tɛma, a ya Meyaka ma a bara-musi la.

Nihɛmaya 13:26

N ya a fɔ anu ye ko, “Sibolo-gbɛrɛ furu-nyɔgɔnyɛ, wo le ya a ma, Mansa Silamɛni ya hakɛ kɛ. A mankan koloyara mansɛ bɛɛtɛ ko. A diyara Alla ye furr, ha a ya a ma Isirɛla mansɛ la. Yaga, wo ye hakɛ kɛla le.

Yaburi 62:10

I kana i yigi sa kɛlɛ-nyɔgɔnyɛ kuma. I kana i hɛnkili latɛgɛ kankanya-fen-sɔrɔn ma. Hali ila nɔnfuli sabatira nya-wo-nya, i kana i hɛnkili latɛgɛ wo ma.

Hɛnkilimaya-Kumɛnu 31:3

i kana i to musinu ma. Wonu bara mansɛ minnu tabunden, wonu siya.

Malakayi 2:15

Alla ma wobɛ wola musinu ma fen kelen de la, wa? Nfenna Alla ya kɛ ma? A ya kɛ ma le alako wo ye dan minnu sɔrɔnna, wonu ni ma ale Alla-halalɛ la. Wo do-wo-do kana lanyiri kɛ tinya wola musinu bara la.

Matiyu 13:22

Sugi min buira wɔnɛnu tɛma, wo mani de iko mɔgɛ min bi kumɛ lamɔɛnna kɔnɔ duninya-hɔn-koe anubɛ nɔnfulu-keni ya a ma, kumɛ wo fagara a yisi rɔ feu! A ti gbɔ hali!

Matiyu 19:5

Wo le ya a to, kei si a na anubɛ a fa boloka ka tugun ala musi la. Anu filɛ si ma mɔgɔ kelen na iko a sɛbɛnɛ nya min.

Luka 12:15

Wo kɔma, a ya a fɔ anu dama ye ko, “Wo ni a ma wo fɛrɛma wasabɛlɛnuna ko la bawo mɔgɔ niyi ti suma ka a bɛn a bolo-fannu ma, hali a bananyara nya bɛɛ ma.”

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.

1 Timoti 6:9

Kɔnɔ minnu bi a fɛ ka ma nɔnfulu-tigi la, wonu si bui nata-yogoma-su bɛɛ rɔ. Yuwaya-koe anubɛ sɔn-yogoma-siyamɛ si ma gbɛrɛ la anu ye. Wonu bi nala buila ka don nyɛrɛ-tinya anubɛ halaki-koe rɔ