Tɔn-Fɔɛ-Fila-Nyɔgɛ 17:16 - ALLALA KUMƐ

¹⁶ Wo ye mansɛ min yabɔla ka a sigi wo kuma, a fɔlɔtɛ, a kana a raya ka soeenu nadɛn siyaman ata kɛlɛ-dannu ye. A kana mɔgɛnu nata so san tinɛ Iyipiti bawo Mari ya a fɔ ko Isirɛla mɔgɛnu kana sɛgi nyɔ tun mumɛ!

Tɔn-Fɔɛ-Fila-Nyɔgɛ 17:16 ပူးပေါင်းရင်းမြစ်များ

2 Samuwɛli 8:4

Kɛlɛ-dan minnu bi soeenu naburila, Mansa Dawuda ya wonu mɔgɔ waga kelen anubɛ mɔgɔ kɛmɛ wɔrɔnfila (1,700) bira. So sa kɛlɛ-dan minnu bolo, a ya wonu mɔgɔ waga mogan (20,000) bira. Soee minnu si ke kirindi kɛmɛ saganna, a ya wonu namara. A toe, a ya wonu kin-kɔma-fasɛnu natɛgɛ.

1 Mansɛnu 1:5

Wo ya a taran, Mansa Dawudala den Abasalɔm bara faga. A tagbara-sɛ Hagiti-Adonaya siginɛ a gbɛ rɔ. Adonaya, wo mafɛlɛn di kɔnɔ a fa ma a kolo hali lun-kelen-bɛrɛn. Mansaya-sɔgɛ ya Adonaya bira kosɛbɛ! A ya soee-laburi-kirindinu sɔrɔn a nyɛrɛ ye anubɛ kemini mɔgɔ bi-loli minnu si sɔ a yarɔ.

1 Mansɛnu 4:26

So lamara tinɛ waga nani (4,000) ye Silamɛni bolo ala soeenuna ko la minnu bi kirindi saganna. So-laburilɛ si soee minnu naburi, wonu waga tan-ni-fila (12,000) ye a bolo fanan.

1 Mansɛnu 5:6

Woletɔ a fɔ ila mɔgɛnu ye ko anu ni kɔlɔma-kuru-wɛ donu tɛgɛ n ye Lɛbanan nyamanɛ rɔ. Nna wɔli-kɛlɛnu anubɛ ita wɔli-kɛlɛnu si wɔlɛ kɛ anu nyɔgɔn fɛ. N si ila wɔli-kɛlɛnu sara iko i ye a fɔla n ye nya min. I ya a lɔn ko nna mɔgɛnu ma kusan kɔlɔma tɛgɛla iko ila mɔgɛnu.”

2 Ko-Kɔrɔta-Karan 1:16

Mansa Silamɛnina yilanu ya soeenu san a ye Iyipiti anubɛ Kuwɛ nyamanɛ rɔ iko a sɔnkɛ ye nya min.

2 Ko-Kɔrɔta-Karan 9:25

So lamara tinɛ waga nani (4,000) ye Mansa Silamɛni bolo. Soee wonu bi kirindinu saganna. A ya kɛlɛ-kɛ-soee minnu nadɛn a nyɛrɛ ye, wo le waga tan-ni-fila (12,000). A ya donu namara Yerusalɛm soe burɔ. A ya donu namara soe donu tɔ.

Yaburi 20:7

Donu lanɛ anuna kɛlɛ-kɛ-kirindinu na. Donu fanan lanɛ anuna soeenu denu na. Kɔnɔ male lanɛ mata Mari Allata sɛnbɛ le la.

Bɔ-Koe-Iyipiti 13:17

Nba, ale mansɛ ya Isirɛla mɔgɛnu boloka tumɛ min, Alla ma sɔn anu ni bɔ Filisitinuna kilɛ fɛ. Hali Filisitinuna kilɛ fɛ-wuru, Alla ma sɔn anu ni bɔ nyɔ kilɛ la alako ni kɛlɛ wulita tumɛ min, anu kana na anu nasɛgi Iyipiti nyamanɛ rɔ.

Bɔ-Koe-Iyipiti 13:18

Kɔnɔ Alla ya anu nabɔ anuna kɛlɛ-kɛ-mirannu na anu bolo Iyipiti nyamanɛ rɔ kilɛ laminimininɛ fɛ Kɔgɔ-Yi-Wulan wara la wulɛ rɔ.

Bɔ-Koe-Iyipiti 14:13

Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun.

Aiseya 2:7

Ila mɔgɛnuna nyamanɛ lafanɛ sɛnɛ anubɛ wodi-gbɛ la, ado fen-kolomɛnu ti ban anu bolo. Soeenubɛ kirindinu fanan ti ban anu bolo.

Yɛrɛmaya 42:19

“Mari ara ban a latɛgɛla ko wole minnu bara to Yuda, wo kana ta Iyipiti. N bi tonyɛ fɔla wo ye,

Isikiyɛli 17:15

Kɔnɔ Yuda mansɛ wo murutiyara. A ya kilayɛnu nata Iyipiti nyamanɛ rɔ alako a ni kɛlɛ-soeenu anubɛ kɛlɛ-den-siyaman sɔrɔn. A si ke wo bɛɛ mala le, wa? Ade, a ti sarama-kan wo tinya, a tɔrɔbɛlɛ ni to!

Hoseya 11:5

“Wo ya wo ban wo ya-lamununna n na woletɔ n ko fɔ wo wa ta Iyipiti, ado fɔ Asiriya wa sigi wo kun na.

Hoseya 14:3

Wo kɔma, wo ni a fɔ ko, “Asiriyanu ti ke ma lakisila. Mala kɛlɛ-kɛ-soeenu ti ke ma lakisila. Ma ti a fɔ tun ko bɛsɛ le mata Alla la.” Wo ni a fɔ ko, “E, Mari, i ni ma dɛnbɛ bawo ma mani de iko kelennɛ minnu bi dɛnbɛnɛ sɔrɔnna ile le bolo.”

Maika 5:10

Mari ko wo wati wa na tumɛ min, a si wole, Isirɛla mɔgɛnuna soeenu anubɛ wola kirindinu tinya wo tɛma.

Tɔn-Fɔɛ-Fila-Nyɔgɛ 28:68

Hali wota Mari ya a fɔ ko wo ti sɛgi Iyipiti tun kɔnɔ wola ko-yogomɛ si a ma, Mari ni wo lasɛgi Iyipiti tun yi-kuma-kulɔn rɔ. Wo wa ke nyɔ tumɛ min, wo si wo nyɛrɛ mayira wo yogenu ma alako wo ni ma yɔɔnnu na anu kɔrɔ kɔnɔ anu ti sɔn wo la.”

1 Samuwɛli 8:11

A ya a fɔ anu ye ko, “Wo ye mansɛ min sɔrɔnna, a ye wo birala ka le. A si wola den-keinu bi ka anu ma kɛlɛ-dannu na. Donu si kɛlɛ kɛ kirindi la. A si a ma, donu fanan si kɛlɛ kɛ soee la. Donu fanan si anu buri ala kirindinu yarɔ ka ta kɛlɛ-kɛ-tinɛ.