Tɔn-Fɔɛ-Fila-Nyɔgɛ 17:14 - ALLALA KUMƐ

¹⁴ “Mari Alla ye nala nyamanɛ min dila wo ma, wo wa ta wo sigi-bole rabɛn nyɔ rɔ, ni a sɔgɛ ya wo bira ka wota mansɛ sigi wo kuma iko wo dafɛ mɔgɛnuta mansɛnu siginɛ anu kuma nya min,

Tɔn-Fɔɛ-Fila-Nyɔgɛ 17:14 ပူးပေါင်းရင်းမြစ်များ

Saraka-Masɔlɛnuta Tɔnnu 14:34

fundannu bɔ-koe bɔnnu ma. (Kɔnɔ tɔn kɛnu sa Isirɛla mɔgɛnuna ko la anu bi kan min kaka. Kɔnɔ anu ba ta Kenan nyamanɛ rɔ tumɛ min, anu si tɔn kɛnu bira.)

Yilan-Yilan Koe 33:53

Wo si ta nyamanɛ wo bi ka wo sigi nyɔ kamasɔrɔn n bara nyɔ di wo ma.

Tɔn-Fɔɛ-Fila-Nyɔgɛ 11:31

A ara to doni, wo ni Yorodan bɛ tɛgɛ ka ta wo sigi lanyiri-nyamanɛ rɔ. Wo wa ban nyamanita-mɔgɛ wonu kɛlɛla tumɛ min ka wo sigi-bole rabɛn,

Tɔn-Fɔɛ-Fila-Nyɔgɛ 18:9

“Mari Alla ye nala wota nyamanɛ min dila wo ma, wo wa ta nyɔ rɔ tumɛ min, wo kana mɔgɛ wonu kɛ-nya-yogomɛnu bi minnu siginɛ nyɔ de!

Tɔn-Fɔɛ-Fila-Nyɔgɛ 26:1

“Wota Mari Alla ye nala lanyiri-nyamanɛ min dila wo ma, wo wa ta wo sigi-bole rabɛn nyɔ rɔ tumɛ min,

Tɔn-Fɔɛ-Fila-Nyɔgɛ 26:9

A nara ma la nyamani-hakikɛ kɛ rɔ.

Tɔn-Fɔɛ-Fila-Nyɔgɛ 7:1

Musa ya a fɔ Isirɛla mɔgɛnu ye tun ko, “Wota Mari Alla si ta wo la nyamanɛ wo rɔ, wo ye nala sigila kan min. Wo tamatoe, wo si sibolo wɔrɔnfila gben wo yarɔ. Wonu fanka kolo wotɛ ko, ado anu siya wo ko. Sibole wonu tɔgɛ le kɛnu na. Hɛtinu wo, Kagasanu wo, Amoranu wo, Kenannu wo, Perasanu wo, Hefanu wo, anubɛ Yebusinu.

Yasowa 1:13

“Nɛbi Musa ya kumɛ min fɔ wo ye nun, wo ni wo hɛnkili to wo ko, ko Mari si nyamanɛ kɛ di wo ma.

Yasowa 21:43

Mari ya nyamanɛ wo bɛɛsi di Isirɛla mɔgɛnu ma iko a ya lanyiri kiri anu benbanu ye nya min. Anu tara ka nyamanɛ wo mɔgɛnu kɛlɛ ka anu nɔ. Anu tora nyɔ.

1 Samuwɛli 10:19

A ko ale le wota Alla la min bi wo bɔla wola kɔndɔfilinu tɔ. Kɔnɔ a ko kaka, wo ara don mansa-kura-nyinɛ rɔ ka wo ban ale la. A ko ale le wo la. A ara sɔn wo bolo. Kɔnɔ a ko wo ni wo ladɛn wola bɔnsɔn anubɛ wola kebilɛ ma ale Mari yakɔrɔ.”

1 Samuwɛli 10:25

A bɛnta, mansɛ ni min ma anu na, Samuwɛli ya wonu takaran anu ye. Anu ya wonu sɛbɛ buku do rɔ. Samuwɛli ya buku wo bi ka a sa kan-tina-sɛnimɛ do rɔ. A ya mɔgɛnu masara ka anu nata anu barɛnu tɔ.

1 Samuwɛli 12:19

Anu ya a fɔ Samuwɛli ye ko, “N fa, i yandi. Ita Mari Alla madiya ma ye alako ma kana na faga. Ma ara hakɛ do sa mala hakɛnu kuma tun bawo ma ya a manyinika mansa-sɔrɔn-koe ma.”

1 Samuwɛli 16:3

I wa ke nyɔ tumɛ min, i ni Yɛsi kele ila saraka-bɔɛ kuma. Ile si min ma nyɔ, nde si wo fɔ i ye. N ba mɔgɛ min yira i la nyɔ, ile si wo dantɛgɛ ka a ma mansɛ la.”

1 Samuwɛli 8:11

A ya a fɔ anu ye ko, “Wo ye mansɛ min sɔrɔnna, a ye wo birala ka le. A si wola den-keinu bi ka anu ma kɛlɛ-dannu na. Donu si kɛlɛ kɛ kirindi la. A si a ma, donu fanan si kɛlɛ kɛ soee la. Donu fanan si anu buri ala kirindinu yarɔ ka ta kɛlɛ-kɛ-tinɛ.