Tɔn-Fɔɛ-Fila-Nyɔgɛ 17:12 - ALLALA KUMƐ

^12-13 Ni min ya a tui ka kun-tigi kɛnu kuman-kan masɔsɔ, wo si wo tigi faga. Woletɔ mɔgɔ-gbɛrɛkɛ minnu bi wo sufa rayenna, wonu si kilan ka wo nyɔgɔn ko sufa ma. Ni wo ya mɔgɔ-sufa wo faga, wo si karagbɛlɛyɛ wo sufa ban de Isirɛla mɔgɛnu tɛma.

Tɔn-Fɔɛ-Fila-Nyɔgɛ 17:12 ပူးပေါင်းရင်းမြစ်များ

Ɛsira 10:8

Ni min ma na yanni tele sawa kɔrɔ, anu si wo bolo-fan bɛɛ toronde a la iko mɔgɔ-banu bara a latɛgɛ nya min. Wo kɔma, wo tigi ma si gboya.

Yaburi 19:13

N bi a lawulila a ma ka hakɛ minnu kɛ, wonu fanan masɛgi n na. Anu kana na nɔ-ko sɔrɔn n ma. Fɛɛ ti taran n na worɔ. N na si fɛrɛ hakɛ-kɛ-koe ma.

Hɛnkilimaya-Kumɛnu 21:11

Mɔgɛ min si hɛnkili bɔrɔbɔ, anu ba a tɔrɔ, wo si a ma, kuntan fanan ni hɛnkili sɔrɔn kɔnɔ i wa hɛnkilimɛ karan min na, a si wo kɔrɛ lɔn ka a tɔnɛ sɔrɔn.

Hoseya 4:4

Mari ko, “Wole saraka-masɔlɛnu kana wo bole telen wo sigi-nyɔgɔnnu na bawo kɛlɛ ye mabɛ saraka-masɔlɛnu denu tɛma.

Yilan-Yilan Koe 15:30

“Ni mɔgɛ do ya a tui ka tɔn wo do tinya, a ara bila nde, Mari la. Wo si mɔgɛ wo bira ka a faga. Wo mara dugurɛn na wo, a mara sundan na wo, wo tigi si faga

Yilan-Yilan Koe 15:31

kamasɔrɔn a ara murutiya nde, Mari ma. Wo tigi nyɛrɛ tɔgɛ si to a nyɛrɛ la, yɔ!”

Matiyu 10:14

Ni mɔgɛ do ye bɔn wo la, ni wo ma, soe wo burɔ min ma sɔn wo rabirala ka anu tole masɔ wola kumɛ la, wo ni bɔ nyɔ rɔ. Wo ni wo kin-gbangban ragbɔngbɔn anu kan ma nyɔ rɔ.

Luka 10:16

Yisa ya a fɔ ala karan-dannu ye ko, “Min ba a tole masɔ wole la, wo tigi ara a tole masɔ nde la. Min ba a ban wole la, wo tigi ara a ban nde la. Min ba a ban nde la, wo ara a ban n sɔlɛ la.”

Yɔni 12:48

Min ba a ban n na, ado a ma nna kumɛ bira, nna kumɛnu si ma kiti-tɛgɛlɛ la min si wo tigi yiliki. N bi kumɛ minnu fɔla, wonu denu si wo tigi yiliki tele-laban-lun!

Yɔni 20:23

Ni wo ya minnu hakɛ makoto, wonu ma ara koto. Ni wo ma minnu hakɛ makoto, Alla ti wonu makoto.”

Tɔn-Fɔɛ-Fila-Nyɔgɛ 1:43

N bara wo makawandi kɔnɔ wo ma sɔn ka wo tole masɔ nde, Musa la. Wo ya tolo-gbereyɛ ladan. Wo wasimatoe tara anu kɛlɛ tinɛ.

Tɔn-Fɔɛ-Fila-Nyɔgɛ 10:8

Wo wati rɔ, Mari ya Lifayi bɔnsɔn-mɔgɛnu yabɔ ko anu ni tɔn-kenkirɛ wo fɛ-bira. Anu si ma saraka-masɔlɛnu na. Anu si to Mari anubɛ mɔgɛnu tɛma ka duwa anu ye Mari tɔgɛ rɔ. Wɔli-su wo le anu bolo ha bi.

Tɔn-Fɔɛ-Fila-Nyɔgɛ 13:11

Ni wo sɔnta mɔgɔ-sufa wo mabonna, Isirɛla mɔgɛ toenu ba wo lamɔɛn tumɛ min, anu si kilan kɛwuya-su wo ladanna anu ta-nyɔgɛnu na wo rɔ.

Tɔn-Fɔɛ-Fila-Nyɔgɛ 13:5

Ni wɔlɔyi anubɛ kiyo-kɔrɔ-takarannɛ do ya wo labila kɛwuyɛ do la alako wo ni murutiya Alla ma, wo si wo tigi faga. Wota Mari le ya wo kunka ka wo labɔ Iyipiti nyamanɛ rɔ. Maritɛ le wole la gbɛ! Mɔgɔ-sufa wo yogo. A sɔgɛ ye mɔgɔ-sufa wo la ka wo labɔ Allata kilɛ fɛ. Wo si a faga alako ka ko-yogoma-sufa wonu nabɔ wo tɛma.

Tɔn-Fɔɛ-Fila-Nyɔgɛ 13:6

“Ni a sɔgɛ ya mɔgɛ do bira ka mɔgɛ do sagan kɛwuyɛ la bɛsi-kɔ-koe rɔ, hali wobɛ wo benbanu ma minnu kɔ tele-kelen-bɛrɛni, wo kana kinikini wo mɔgɔ-su ma. Hali a mara i na-kelen-nyɔgɛ le la wo, i halala-dan la wo, i diyana-musi la wo, i diyana-mɔgɔ-bɛrɛ la wo, wo kana mɔgɛ wo madɛnbɛ.

Tɔn-Fɔɛ-Fila-Nyɔgɛ 17:7

Sereya-bɔlɛ wonu fɔlɔn si a mabon kuri la. Wo kɔma, mɔgɛ bɛɛsi ni to a mabonna kuri la. Wo le si ko-yogoma-sufa kɛ labɔ wo tɛma.

Tɔn-Fɔɛ-Fila-Nyɔgɛ 18:20

Ni foninya-nɛbi min kumara Mari Alla tɔgɛ rɔ, a ma min sɔ wo wara, wo tigi si faga. Ni nɛbi min ya bɛsɛ dola koe fɔ wo ye, wo tigi fanan si faga.

Tɔn-Fɔɛ-Fila-Nyɔgɛ 18:5

Mari Alla ya Lifayi bɔnsɔn-mɔgɛnu yabɔ Isirɛla bɔnsɔn doinu tɛma ka anu denu ma aleta wɔli-kɛlɛnu na.

1 Tɛsalonaika 4:2

Mari Yisa ya ma sɔ kumɛ min fɔ-koe la wo ye, wo ya wo lɔn,

1 Tɛsalonaika 4:8

Woletɔ mɔgɔ-wo-mɔgɔ wa a ban karan kɛ ma, wo ma a ban mɔgɔ bolo de fɔ Alla min bi ata Ni-Sɛnimɛ dila wo ma.

1 Timoti 5:20

Minnu ti sɔn hakɛ bolokala wo tɛma, wonu makuma gbɛ rɔ, alako mɔgɔ-toenu si kilan nya min.

Yasowa 1:18

Ni mɔgɔ-wo-mɔgɔ ya ila kumɛ masɔsɔ wo, ni a ya a kalabanteya wo, wo tigi si faga. Kɔnɔ i ni i yisi ragbɛlɛya ka i kerinteya.”

Kɛlɛ-Kurugbɛnu 20:13

Karagbɛlɛ minnu bi wo tɛma Kibiya soe burɔ, wo ni wonu don ma bolo. Ma si anu faga alako ko-yogoma-su kɛ ni bɔ male Isirɛla mɔgɛnu tɛma.” Kɔnɔ Bɛnyamɛ bɔnsɔn-mɔgɛnu ya anu tengberenya. Anu ma sɔn wo mala.

1 Samuwɛli 3:13

N si a kebilɛ tɔrɔ nya min habadan, n bara ban wonu fɔla a ye nun bawo ala dannu ya ko-yogomɛ minnu ma, a ya wonu lɔn kɔnɔ a ma sɔn anu nakalala.