Tɔn-Fɔɛ-Fila-Nyɔgɛ 17:11 - ALLALA KUMƐ

¹¹ Wo ni a ma wo fɛrɛma, ni kun-tigi wonu ya sereya min sa wo kɔrɔ, wo ni wo bira. Wo ni kilɛ tagama ka a bɛn wo ma.

Tɔn-Fɔɛ-Fila-Nyɔgɛ 17:11 ပူးပေါင်းရင်းမြစ်များ

2 Samuwɛli 14:19

Mansɛ ya a fɔ a ye ko, “Yohabu, wo le ya i labila kɛ la, nyɛ?” Musi wo ko, “N bara n keli iko ita mansayɛ anubɛ ila simayɛ ye nya min, ila nyinikali kɛ masangba-kunya sa. Ila kɛlɛ-den-kun-tigi Yohabu, wo le ya n nabila kɛ nya na, yɔ!

Hɛnkilimaya-Kumɛnu 4:27

I ni ko-yogoma-kilɛ masangba ka ta kila-telennɛ fɛ. Hali kin-fa-nya kelan, i kana a bɔ telenbagaya-kilɛ fɛ.

Saraka-Masɔlɛnuta Tɔnnu 10:11

Fɔ wo ni Isirɛla mɔgɛnu karan tɔn kɛnu damasi la n ya min di i dɔgɛ Musa ma ka a di ile Aruna ma.”

Tɔn-Fɔɛ-Fila-Nyɔgɛ 17:10

Kun-tigi wonu ya kiti sa nya-wo-nya gbɛ, wo si a bira iko anu ya a fɔ wo ye nya min.

Tɔn-Fɔɛ-Fila-Nyɔgɛ 17:20

Fananta a ye tɔn wonu karanna, a si a lɔn worɔ ko anubɛ Isirɛla mɔgɛ toenu, kelen de anu na. A ma tenbi anu na nya-wo-nya. Min sanɛ wo kuma, a ti Marita tɔnnu fanan tinya mumɛ! Wo si a ma, a ni mɛ mansayɛ la. Hali ala dannubɛ a mamanɛnu anubɛ a kegeyɛnu si a gbɛ bi Isirɛla mɔgɛnu kuma.

Tɔn-Fɔɛ-Fila-Nyɔgɛ 25:1

“Ni Isirɛla mɔgɔ fila sɔsɔra, anu si ta kiti-tɛgɛlɛnu bara. Ni kiti-tɛgɛlɛnu ya kumɛ wo mafɛlɛn, mɔgɔ kelan yo, mɔgɔ kelan yiliki,

Tɔn-Fɔɛ-Fila-Nyɔgɛ 28:14

Kɔnɔ Mari ko wo kana ata tɔn tinya doni-bɛrɛni! Wo kana bɛsɛnu kɔ hali ka wo niyi sa anu kuma.”

Tɔn-Fɔɛ-Fila-Nyɔgɛ 5:32

Musa ya a fɔ anu ye tun ko, “N ya a fɔ wo ye ko ni wota Mari Alla ya fenfen fɔ wo ye, wo ni kɛwɔlɛ kɛ wo la. Wo kana tɔn kɛ do-wo-do masɔsɔ.

Taita 3:1

I ni ila mɔgɛnu hɛnkili bila ko anu ni sonnɛya kun-tiginu anubɛ sɛnbɛ-tiginu ye. Anu ni wonuna kumɛ bira. Anu ni anu tabɛn kɛwɔli-nyimɛ-bɛɛ kɛ tinɛ.

Yasowa 1:7

I ni i yisi gbɛlɛya ka i wakila. I ni nna kumɛ bira iko n ya tɔnnu fɔ Musa ye nya min. Hali tɔn kelen, i kana nyina wo ko. I wa ta kan-bo-kan wo rɔ, n si to i fɛ ka i wara-koe sabati.

Yasowa 23:6

“Wo ni a ma wo fɛrɛma ka tɔn wo bɛɛsi bira min sɛbɛnɛ Musata tɔn-kitabu rɔ. Wo kana wo bɔ tɔn kɛnu fɛ hali!

2 Pita 2:10

Ado minnu bi tagamana anu fɛrɛ-bɔnku-nata fɛ, hali ka Allala mansayɛ lafɛya, a si a lagbɛlɛya wonu kuma. Foninya-karan-mɔgɛ wonu wasira. Anu si anu nyɛrɛ kɔrɔbi kati! Melika-gbiliyanɛ minnu bi san ma, anu ti wonu gbiliya mumɛ, fɔ ka to wonu mɔɛnna.

Yude 1:8

Foninya-karan-mɔgɔ kɛnu fanan bi ko-rayirɛ kɛla wo nya na le. Wonu bi anu nyɛrɛ bagbuyi latinyana. Anu bi Allala sɛnbɛ lafɛyala ka kuma-yogomɛ fɔ gbiliya-tiginu ma minnu bi san-kole rɔ.