Tɔn-Fɔɛ-Fila-Nyɔgɛ 16:2 - ALLALA KUMƐ

² San-bo-san, Abibu karɛ kɛ la, wo si ta kan-tina-kelan wo rɔ min yabɔnɛ Mari bolo. Wo si wola kolo-fannu kan natɛgɛ nyɔ ka wo ma wola Kanan-Ko-Ladiyɛ dɔn-fen-sarakɛnu na.

Tɔn-Fɔɛ-Fila-Nyɔgɛ 16:2 ပူးပေါင်းရင်းမြစ်များ

2 Mansɛnu 23:21

Mansa Yosaya ya a fɔ mɔgɛnu ye ko anu ni Kanan-Ko-Ladiyɛ kɛ ka anuta Mari Alla gbiliya iko a ya a yen tɔn-buku rɔ nya min.

2 Ko-Kɔrɔta-Karan 35:7

Ka a tɛgɛ Kanan-Ko-Ladiyɛ kɛ ma, ale mansɛ ya saga-dan anubɛ baa-dan minnu bɔ, wo bɛnta waga bi-sawa (30,000) ma. Wo kɔma, a ya tura waga sawa (3,000) bɔ.

Yilan-Yilan Koe 9:2

“A bɛnta, Isirɛla mɔgɛnu ni Kanan-Ko-Ladiyɛ kɛ a kilɛ fɛ. Anu ni a dabira a karɛ fɔlɔtɛ kɛ, tele tan-ni-nanɛ, tele-kolo-wulan ma.”

Matiyu 26:17

Biredi-Yɛlɛbɛlɛ-Dɔn-Ladɛn tele fɔlɔtɛ ma, Yisala karan-dannu nara a wara ka a manyinika ko, “I ye a fɛ, ma ni Kanan-Ko-Ladiyɛ ladan i ye mi?”

Matiyu 26:2

“Iko wo ya a lɔn nya min, a ara to tele fila, Kanan-Ko-Ladiyɛ ni ke. Nba, anu si nde, Hadama-dan don n yogenu bolo tɔ. Anu si n gbangban kɔlɔma ma.”

Maraka 14:12

Biredi-Yɛlɛbɛlɛ-Dɔn-Ladɛn-tele fɔlɔtɛ ma, anu si saga-dannu faga lunyɛ min, Yisala karan-dannu nara a wara ka a manyinika ko, “I ye a fɛ, ma ni Kanan-Ko-Ladiyɛ ladan i ye mi?”

Luka 22:15

A ya a fɔ anu ye ko, “Yanni n ni tɔrɔyɛ sɔrɔn, a sɔgɛ ye n na ko n ni Kanan-Ko-Ladiyɛ kɛ kɛ wo fɛ

Luka 22:8

Yisa ya Pita anubɛ Yɔni sɔ. A ya a sara anu na ko, “Wo ta Kanan-Ko-kimanɛ rabɛn ma ye.”

1 Kɔrɛnti 5:7

Wo ni ko-yogoma-kɛlɛ wo gben wo tɛma. Wo si ma iko biredi-yɛlɛ-fan sa dɛgɛ min tɔ wo rɔ, ado ni hakɛ sifa sa wo tɛma, wole ara ban mala iko yɛlɛ-fen sa dɛgɛ min tɔ. Kirasiti ara ban mala sarakɛ la nun. Mata saga-dan le ale la mata Kanan-Ko-Ladiyɛ rɔ.

Tɔn-Fɔɛ-Fila-Nyɔgɛ 12:11

Wo wati rɔ, wota Mari Alla si kan-tina-kelen pe yabɔ wo si a bato kan min. Wo si na fan wonu di a ma nyɔ le iko n bara a fɔ wo ye nya min, saraka-mintanta wo, yaka wo, dato-saraka wo, anubɛ a saraka-toenu, wo si wonu di a ma nyɔ.

Tɔn-Fɔɛ-Fila-Nyɔgɛ 12:14

Mari ara kan-tina-kelan min yabɔ wo ye bɔnsɔn-mɔgɛ donuta nyamanɛ rɔ, wo ni sarakɛnu bɔ nyɔ rɔ. Wo ni a bɛɛsi ma nyɔ le iko n bara a fɔ wo ye nya min kɛ la.

Tɔn-Fɔɛ-Fila-Nyɔgɛ 12:18

Wobɛ wola dannu anubɛ wola wɔli-kɛlɛnu anubɛ Lifayi mɔgɛ minnu siginɛ wo tɛma, wo damasi ni kɔ-fan kɛnu dɔn wota Mari Allata kan-tina-yabɔnɛ wo rɔ. Wo si sewa nyɔ rɔ ka a tɛgɛ wo ara koe minnu nadan Mari ye.

Tɔn-Fɔɛ-Fila-Nyɔgɛ 12:26

“Mari ya kan-tina-kelen pe min yabɔ wo ye, wo si ta wola sarakɛnu anubɛ wola kɔ-fannu na nyɔ rɔ.

Tɔn-Fɔɛ-Fila-Nyɔgɛ 12:5

Wo bɔnsɔn mumɛ lakofunɛ, Mari Alla si kan-tina-kelen yabɔ bɔnsɔn tan-ni-filɛ wo ye wola nyamanɛ wo rɔ wo si ta a bato kan min.

Tɔn-Fɔɛ-Fila-Nyɔgɛ 15:20

San-bo-san, wole Isirɛla mɔgɛnu anubɛ wola denbayɛnu si kolo-fan kɛ donu dɔn Marita kan-tina-sɛnimɛ rɔ.

Tɔn-Fɔɛ-Fila-Nyɔgɛ 16:1

Musa ya Mari kuman-kan latenbi Isirɛla mɔgɛnu ma ko, “Wo dama si Kanan-Ko-Ladiyɛ kɛ Abibu karɛ ma. Mari ya wo labɔ yɔɔnyɛ rɔ Iyipiti nyamanɛ rɔ suyi rɔ karɛ wo le la. Wo ni kɛ ma ka wota Mari Alla gbiliya.

Tɔn-Fɔɛ-Fila-Nyɔgɛ 16:3

Wo si anubɛ biredi dɔn isiti sa min tɔ. Wo si to biredi wo dɔnna tele wɔrɔnfila kɔrɔ iko wo burimatoe ya a ma nya min wo tumɛ wo ye bɔla Iyipiti nyamanɛ rɔ. Wo si biredi kɛ kele tɔrɔya-biredi. Wo tenbi a dɔnna, wo si wo miri wo tele ma wo bɔra tɔrɔyɛ rɔ lunyɛ min.