Tɔn-Fɔɛ-Fila-Nyɔgɛ 16:16 - ALLALA KUMƐ

¹⁶ “Isirɛla kei mumɛ bɛɛ si na Marita kan-tina-yabɔnɛ wo rɔ kinyama sawa san kɔrɔ. A dabira fɔlɔtɛ wo le Kanan-Ko-Ladiyɛ la, wo wa ban, Dɔn-Fen-Kun-Fɔlɛ-Ladɛn, wo wa tenbi, Lele-Sɔɛ-Ladɛn. Kei-wo-kei kana ta sɔ Mari yakɔrɔ nyɔ a bolo lakolɔn

Tɔn-Fɔɛ-Fila-Nyɔgɛ 16:16 ပူးပေါင်းရင်းမြစ်များ

1 Mansɛnu 9:25

Mansa Silamɛni ya saraka-mintan-tinɛ min sɔ Mari ye, san-bo-san, a si saraka-mintantɛ anubɛ yisi-kima-sarakɛnu bɔ a kuma kinyama sawa, wo kɔma ka isɛnti fanan mintan Mari ye. Silamɛni tora Mari Bato-Bɔn fɛ-birala a kilɛ fɛ.

2 Ko-Kɔrɔta-Karan 8:13

Iko Nɛbi Musata tɔn ya a fɔ nya min, a tora saraka-mintantɛnu bɔla tele-sɛnimɛnu ma, a Sulen-Tele wo, a Karɛ-Kurɛ-Ladɛn wo, a Biredi-Yɛlɛbɛlɛ-Dɔn-Ladɛn wo, a Dɔn-Fen-Kun-Fɔlɛ-Ladɛn wo, anubɛ a Lele-Sɔɛ-Ladɛn.

Ɛsira 3:1

Anu sɛgira san min na, wo karɛ wɔrɔnfila nyɔgɛ ya a taran, Isirɛla mɔgɛnu bara ban anu sigi-bole rabɛnna. Wo kɔma, Isirɛla mɔgɛ bɛɛ ya anu kundɛn Yerusalɛm soe burɔ.

Nihɛmaya 8:15

Wole ya a ma, anu ya kilayɛ ranyɛnsɛn Yerusalɛm tɛngbɛnya anubɛ soe bɛɛ rɔ ko bɛɛ ni ta kɔnkɛnu tɔ ka na kɔlɔma-tagbanamɛnu na anu bolo. Ɔlifi-kɔn wo, tin-yanba wo, panpa-kɔn wo, anubɛ kɔlɔma donu fanan, anu ni ta wo bolɔnnu tɛgɛ ka na lelenu sɔ iko tɔn ya a fɔ nya min.

Yaburi 122:4

Isirɛla bɔnsɔn na-tinɛ le kɛ la ka baraka bira Mari ye iko komi, a ara tɔn di anu ma nya min nun.

Yaburi 84:7

Anu tenbi tagama wo kun na, anutɛ ye tola gbɛlɛyala le bawo a sɔgɛ ye anu na ka ta anu nyɛrɛ latenbi allanuta Alla ma Bato-Bɔn la.

Yaburi 84:8

E, Mari Alla Sɛnbɛ-Bɛɛ-Tigi, i ni mata madiyali-kan lamɔɛn. E, Yakobata Alla, i wɔlɔ matɔlɔ ma kan la.

Yaburi 96:8

Wo ni Mari tanto a tɔgɔ-gbiliyanɛla ko la. Wo na kɔ-fannu na wo bolo a bato tinɛ.

Bɔ-Koe-Iyipiti 34:20

Ni sofɛlɛ le, wo ni anuna den fɔlɔtɛnu kunka saga-dannu na. Ni wo ma sofɛli-dan wonu kunka, wo ni anu kan keri. “Mɔgɔ-wo-mɔgɔ bolo lakolɔn kana ta nta ladɛn wonu kuma.

Aiseya 23:18

Wo ye tɔnɛ min bɛɛ sɔrɔnna yilayɛ rɔ, wo si a lasɛgi ale Mari ma fɔrɔsɛ la. Wo ti a lamara wo nyɛrɛ ye. Kɔnɔ wo ye Marita wɔli-kɛlɛnu sarala wodi wonu denu na.

Aiseya 33:20

Yerusalɛm so-lafɛrɛnɛ mafɛlɛn, ma ye mala ladiya-sarakɛnu bɔla kan min, nyɔ-sigi di ma ye dɔgɔma-ma-de! Wo si ma iko fani-bɔn min bi a gbɛ rɔ tolon! A balan-yili anubɛ a balan-kɔlɔmanu ra ti maga dɛɛ!

Isikiyɛli 36:38

Bi ma, soe minnu tinyata, wonu na si fa mɔgɛnu na iko Yerusalɛm na si fa saraka-sagɛnu na nya min ladɛn-wati rɔ. Wo kɔma, anu ni to a lɔnna wo le ma ko nde le Mari la.”

Hegayi 1:9

Wo yili-madiyanɛ ko wo si dɔn-fen-siyaman tɛgɛ kɔnɔ wo wa a tɛgɛ tumɛ min, a ma kolo. Wo wa na a la soe, a si ma iko fɔnyɔ wa sigi fen kɔrɔ. Nfen ya a to, n ya wo ma? Min ya a to, n ya wo ma kamasɔrɔn nta Bato-Bɔn wuyanɛ. Kɔnɔ wota bɔnnu, wo ye wonu nadanna a kin na wo nyɛrɛ ye.

Matiyu 2:11

Anu donta bɔn la dennɛ anubɛ a na Mariyama ye kan min. Anu ya dennɛ yen min kɛ, anu ya anu nyɛnkin ka a bato. Wo kɔma, anu ya anuna bɔrɛnu naka ka a sanbɛnu di a ma. Anu ya a sanba sɛnɛ la, anubɛ isɛnti min tɔgɛ farankinsɛnsɛ, anubɛ tulu-suma-diyamɛ min tɔgɛ mira.

Maraka 12:3

Kɔnɔ anu ya wɔli-kɛlɛ wo bira ka a gbesi ka a lasɛgi a bolo-lakolɔn.

Yɔni 7:2

Nba, wo ya a taran, Yahudiyanuna Lele-Sɔɛ-Ladɛn ara gbɛrɛn nun.

Tɔn-Fɔɛ-Fila-Nyɔgɛ 16:15

bawo Marita duwɛ ara to wo ye. Wola ki-fannu sabatira. Wo ni wota Mari Alla gbiliya ka Lele-Sɔɛ-Ladɛn kɛ tele wɔrɔnfila kɔrɔ Marita kan-tina-yabɔnɛ wo rɔ.

Tɔn-Fɔɛ-Fila-Nyɔgɛ 16:17

iko wota Mari Alla ye bɛɛ kɔla nya min.”

Tɔn-Fɔɛ-Fila-Nyɔgɛ 31:11

Mɔgɛnu ba na ladɛn rɔ, wo si tɔn kɛnu karan anu ye Marita kan-tina-yabɔnɛ wo rɔ.

1 Samuwɛli 1:3

San-bo-san, Ɛlakena si bɔ Rema ka ta Mari Sɛnbɛ-Bɛɛ-Tigi bato tinɛ Sailo soe burɔ ka sarakɛnu bɔ a ye nyɔ. Wo wati rɔ, Saraka-Masɔla-Kun-Tigi-Wɛ Ilayita den kemini filɛ Hɔfini anubɛ Finihasi taranta saraka-masɔ-wɔli kɛla nyɔ Mari ye.

1 Samuwɛli 6:3

Wonu ya a fɔ anu ye ko, “Ni wo ye Isirɛla mɔgɛnuta Allata tɔn-kenkirɛ lasɛgila anu ma, wo kana a lata wo nya na, ni wo ma fenfen sa a kuma min si ma wola yiliki-sarakɛ la. Ni wo ya wo ma, wo si kɛndɛya. Wo si a lɔn worɔ min bi a tola wo ye tola tɔrɔyala Alla bolo.”