Tɔn-Fɔɛ-Fila-Nyɔgɛ 16:14 - ALLALA KUMƐ

¹⁴ Wo si wo nyɛrɛ ladiya, wobɛ wola dannu anubɛ wola wɔli-kɛlɛnu anubɛ Lifayi mɔgɛnu anubɛ sundannu anubɛ kelennɛnu anubɛ kɛɛ-musinu

Tɔn-Fɔɛ-Fila-Nyɔgɛ 16:14 ပူးပေါင်းရင်းမြစ်များ

Ɛsita 9:22

bawo anu ya lafɛrɛ sɔrɔn anu yogenu bolo tele filɛ wo le ma. Anuna kɔndɔfili anubɛ anuna yakɔrɔ-mamɔɛ mara anu bolo kun-nadiyɛ la karɛ wo le la. A sɛbɛnɛ a rɔ fanan ko anu ni ladiyɛ anubɛ tolɔn kɛ wulɔn ka to anu nyɔgɔn kɔla katarala bolo-kolɔnnu ma.

Makawandili Kumɛnu 9:7

Woletɔ ta fen dɔn sewɛ rɔ, i ni minni-fan min i fanbolo bawo i ye min kun na, Alla ara sɔn wo ma, bi ma!

Aiseya 30:29

Kɔnɔ wole Allata mɔgɛnu, wo si sewa-siginu sa iko wo duruta a mala wola ladiya-sɛnimɛnu kuma nya min. Wo si nyagalen iko wo tenbi tala Mari Bato-Bɔn la fuli kɛnɛ a rɔ. Isirɛlata farɛ le ale Mari la.

Aiseya 35:10

Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Yowɛli 1:16

Mala dɔn-fannu bi tinyana ma yala kɔnɔ a ma-kunya sa. Sewa sa mata Alla Bato-Bɔn la mumɛ!

Tɔn-Fɔɛ-Fila-Nyɔgɛ 12:12

Wole anubɛ wola dannu anubɛ wola wɔli-kɛlɛnu anubɛ Lifayi bɔnsɔn-mɔgɛ minnu siginɛ wo tɛma, wo si ta wo ladɛn ka sewa wo nyɔgɔn fɛ Marita kan-tina-yabɔnɛ wo rɔ. Wo si wo miri Lifayi bɔnsɔn-mɔgɛnu ma bawo anu ti nyamanɛ wo fenfen sɔrɔn anu nyɛrɛ ma.

Tɔn-Fɔɛ-Fila-Nyɔgɛ 14:29

Yaka wonu, Lifayi mɔgɛnutɛ le wonu na bawo dugi sa anu bolo anu si wɔli kan min. Sundannu wo, kelennɛnu wo, anubɛ kɛɛ-musi minnu bi wola soenu tɔ, wo ni wonu fanan nahina yaka kɛ rɔ kamasɔrɔn anu dɛnbɛna-gbɛrɛkɛ sa. Ni wo ya wo ma, wota Mari Alla si ata duwɛ layigi wo kuma koe bɛɛ rɔ.”

Tɔn-Fɔɛ-Fila-Nyɔgɛ 16:11

Wo si nyagalen nyɔ rɔ wota Mari Allata kan-tina-yabɔnɛ wo rɔ, wobɛ wola dannu anubɛ wola wɔli-kɛlɛnu anubɛ Lifayi mɔgɛnu anubɛ sundannu anubɛ kelennɛnu anubɛ kɛɛ-musinu, wobɛ minnu siginɛ.

Tɔn-Fɔɛ-Fila-Nyɔgɛ 16:15

bawo Marita duwɛ ara to wo ye. Wola ki-fannu sabatira. Wo ni wota Mari Alla gbiliya ka Lele-Sɔɛ-Ladɛn kɛ tele wɔrɔnfila kɔrɔ Marita kan-tina-yabɔnɛ wo rɔ.

Tɔn-Fɔɛ-Fila-Nyɔgɛ 26:11

Mari ye ko-nyimɛ min kɛla wo ye, wobɛ wola denbayɛnu si baraka bira a ye wola ko la. Wo tenbi nyagalan kɛ la, wo ni a ma, sundannu anubɛ Lifayi bɔnsɔn-mɔgɛ minnu siginɛ wo tɛma, wonu ni kofu wo ma.

1 Tɛsalonaika 5:16

Wo yisi ni to sewɛ rɔ tumɛ bɛɛ.