Tɔn-Fɔɛ-Fila-Nyɔgɛ 14:8 - ALLALA KUMƐ

⁸ Wo kana kɔsɛ anubɛ kungbilan dɔn bawo hali anu tore faranɛ, anu ti dɔntɛ nunku anu da rɔ. Wo kana soge kɛnu dɔn, hali ka i bole tugu anu suyi la.

Tɔn-Fɔɛ-Fila-Nyɔgɛ 14:8 ပူးပေါင်းရင်းမြစ်များ

Aiseya 65:4

Anu bi anu sigila kaburu-soenu tɔ. Anu bi kila nyɔ alako anu ni kuman-kan-kɛndɛ sɔrɔn furinu bolo. Anu bi sogo-haramunɛnu dɔnna. Anuna dagɛnu kɔgɔ donnɛ kisimiriya-sogo sufa kɛnu na.

Aiseya 66:17

Mɔgɛ wonu bi anu nyɛrɛ mala mɔgɔ-sɛninyanɛ la alako anu si ta anuna bɛsɛnu kɔ nya min anuna kan-tina-hakikɛnu tɔ. Anu kungban-kungban kɛnɛna bilala anu nyɔgɔn fɛ ka ta kan-tina-hakikɛ wonu tɔ. Anu bi kɔsɔ-soge anubɛ tula-soge anubɛ fen-haramunɛ donu dɔnna nyɔ. Kɔnɔ Mari ko anu dama si na halaki anu nyɔgɔn fɛ tiriya!

Aiseya 66:3

Minnu bi turɛ fagala sarakayɛ la, wonu manɛ ale Mari yala iko mɔgɔni-gbu-fagalɛ. Minnu bi sagɛ fagala sarakayɛ la wonu manɛ fanan iko minnu bi wuli-kan kerila. Minnu bi fui-fan mala sarakɛ la wonu mani de iko minnu bi ale Mari kɔla kɔsɔ-yele rɔ. Minnu bi isɛnti mintanna sarakayɛ la wo, minnu bi bɛsɛ kɔla wo, fen kelen de wonu na ale Mari yala. Mɔgɛ kɛnu bi anu nyɛrɛ sɔndɔmɛ le fɛ, aleta ma de! Anu bi kisimiriya-koe min kun na, wonu di anu ye kosɛbɛ!

Saraka-Masɔlɛnuta Tɔnnu 11:3

minnu kin-tore faranɛ fila la anubɛ anu bi anu dɔntɛ nunkula fanan.

Saraka-Masɔlɛnuta Tɔnnu 5:2

“Ni a mara, mɔgɛ do ni a bole tugu fen do la min ma sɛninya iko tɔn ya a fɔ nya min iko sogo-suyi sufa, ni a ya a lɔn tumɛ min ko a ya wo ma, a ara yiliki worɔ. A sɛninyani ma worɔ.

Tɔn-Fɔɛ-Fila-Nyɔgɛ 14:7

Kɔnɔ wo kana nyomɛ dɔn anubɛ kɔnkɔbarɛ anubɛ fasan. Kɛnu ma sɛninya wo ye bawo kɛnu bi dɔn-fan nunkula kɔnɔ anu tore farani ma fila la.

Tɔn-Fɔɛ-Fila-Nyɔgɛ 14:9

Yɛgɛ-wo-yɛgɛ min wɔrɛ anubɛ a wɔnɛnu bi a ma, wo ni wonu dɔn.

2 Pita 2:22

Tili min ko, “Wuli ara sɛgi tun ka a teseri dɔn,” wo ara ma tonyɛ la. Tili min ko, “Kɔsɔ-kunɛ, wo ara sɛgi ka a sa bore rɔ tun, tonyɛ le wo fanan na.”