Tɔn-Fɔɛ-Fila-Nyɔgɛ 14:29 - ALLALA KUMƐ

²⁹ Yaka wonu, Lifayi mɔgɛnutɛ le wonu na bawo dugi sa anu bolo anu si wɔli kan min. Sundannu wo, kelennɛnu wo, anubɛ kɛɛ-musi minnu bi wola soenu tɔ, wo ni wonu fanan nahina yaka kɛ rɔ kamasɔrɔn anu dɛnbɛna-gbɛrɛkɛ sa. Ni wo ya wo ma, wota Mari Alla si ata duwɛ layigi wo kuma koe bɛɛ rɔ.”

Tɔn-Fɔɛ-Fila-Nyɔgɛ 14:29 ပူးပေါင်းရင်းမြစ်များ

Yaburi 41:1

Mɔgɔ-sewanɛ le wo tigi la min si kinikini bolo-kolɔnnu ma bawo anu denu fanan tenbi yakɔrɔ-mamɔɛ rɔ, Mari si anu dɛnbɛ.

Yaburi 41:2

Mari si anu nakanan ka anu niyi lakisi. A si a ma, anu ni taran anu diya anuna nyamanɛ rɔ. Mari ti sɔn anu don-koe ma anu yogenu bolo.

Yaburi 94:6

Anu bi kɛɛ-musinu anubɛ kelennɛnu fagala. Anu bi ma warɛ-sundannu fagala.

Hɛnkilimaya-Kumɛnu 11:24

Mɔgɛ ye fan nila nya min, a si a sɔrɔn ka tenbi wo la. Kɔnɔ mɔgɛ min kɔrɔndi, wo si don bolo-kolonyɛ rɔ.

Hɛnkilimaya-Kumɛnu 19:17

Ni mɔgɛ ya fen di bolo-kolɔn ma, a si ma iko a ara Mari le dɔndɔ bawo wo le ye fen-dilɛ sarala.

Aiseya 1:17

ka wo degen ko-telenni-kɛ ma. Mɔgɛnu bira anu bira-nya la. Wo ni mɔgɔ-ragbɛrɛnnɛnu dɛnbɛ. Wo ni kelennɛnuna yoe di anu ma ka kɛɛ-musinu kumafunfan.

Saraka-Masɔlɛnuta Tɔnnu 19:34

Wo ni anu bira iko wo ye wo nyɔgɔn birala nya min. Wo ni anu keni iko wo nyɛrɛ. Wo ni a lɔn yati, ko wole fanan bi sundanyɛ la Iyipiti nyamanɛ rɔ nun. Nde, wota Mari Alla ya kɛ le fɔ wo ye.

Yilan-Yilan Koe 18:20

Mari ya a fɔ Aruna ye ko, “Wo wa ke kan tinɛ wo rɔ wo ye nala tala kan min, wobɛ ila denbayɛ ti dugu mumɛ sɔrɔn wo nyɛrɛ ye. Woleta kan tinɛ le nde nyɛrɛ la.”

Luka 11:41

Kɔnɔ min bi wola yi-lafɛnu anubɛ piletinu burɔ, wo ni wo di bolo-kolɔnnu ma, fan bɛɛ si sɛninya wo ye worɔ.

Luka 6:35

Wo ni wo yogenu keni ka ko-nyimɛ kɛ anu ye. Wo ni anu dɔndɔ, hali wo ma wo hɛnkili lamiri fen-sɔrɔn-koe ma anu bolo tun. Wo si barayi-ba sɔrɔn. Alla min bi Fan Bɛɛ Kun na, wo si ma ale Allata dannu na, ado Alla ye ko-nyimɛ kɛla fisiriwɔlɛnu anubɛ wunduyogenu ye.

Tɔn-Fɔɛ-Fila-Nyɔgɛ 10:9

Anu mɛ saraka-masɔlɛnu na Mari ye iko Mari Alla ya a fɔ anu ye nya min, wo le ya a ma, anu bɔnsɔn ma anuna lanyiri-nyamani-fen sɔrɔn anu nyɛrɛ ma iko bɔnsɔn doinu ya a sɔrɔn nya min. Anu mako-nyinyalɛ le nde le kelen pe la.

Tɔn-Fɔɛ-Fila-Nyɔgɛ 12:12

Wole anubɛ wola dannu anubɛ wola wɔli-kɛlɛnu anubɛ Lifayi bɔnsɔn-mɔgɛ minnu siginɛ wo tɛma, wo si ta wo ladɛn ka sewa wo nyɔgɔn fɛ Marita kan-tina-yabɔnɛ wo rɔ. Wo si wo miri Lifayi bɔnsɔn-mɔgɛnu ma bawo anu ti nyamanɛ wo fenfen sɔrɔn anu nyɛrɛ ma.

Tɔn-Fɔɛ-Fila-Nyɔgɛ 14:27

“Wo tenbi wonu mala, wo kana nyina Lifayi mɔgɛnu ko de bawo anu halala-fen sa anu bolo.

Tɔn-Fɔɛ-Fila-Nyɔgɛ 15:10

Ni wo ya wo ta-nyɔgɛnu makoe nyinya foninsereyɛ la, Mari Allata duwɛ si taran wo fɛ koe bɛɛ rɔ.

Tɔn-Fɔɛ-Fila-Nyɔgɛ 16:11

Wo si nyagalen nyɔ rɔ wota Mari Allata kan-tina-yabɔnɛ wo rɔ, wobɛ wola dannu anubɛ wola wɔli-kɛlɛnu anubɛ Lifayi mɔgɛnu anubɛ sundannu anubɛ kelennɛnu anubɛ kɛɛ-musinu, wobɛ minnu siginɛ.

Tɔn-Fɔɛ-Fila-Nyɔgɛ 16:14

Wo si wo nyɛrɛ ladiya, wobɛ wola dannu anubɛ wola wɔli-kɛlɛnu anubɛ Lifayi mɔgɛnu anubɛ sundannu anubɛ kelennɛnu anubɛ kɛɛ-musinu

Tɔn-Fɔɛ-Fila-Nyɔgɛ 23:21

“Ni mɔgɛ ya a dakan don Mari ye, a kana a kun kimaya dakan wo kanbali-koe rɔ. Ni mɔgɛ ya dakan kiri kɔnɔ a ma a kanbali, Mari si a bira wo yili la. Wo si ma hakɛ la a bolo.

Tɔn-Fɔɛ-Fila-Nyɔgɛ 28:8

“Marita duwɛ si taran wola wɔlɛnu tɔ, hali wola bondɔnnu ta ti kolonya dɔn-fannu na. Wota Mari Alla ye nala nyamanɛ min dila wo ma, ata duwɛ si taran nyɔ rɔ.

Tɔn-Fɔɛ-Fila-Nyɔgɛ 6:11

Wo si bɔnnu nafanɛ taran fen-nyima-siyaman na, wo ma tɔrɔ minnu na. Wo si kɔlɔnnu taran, wo ma minnu sin. Wo si ki-fen-siyaman taran, wo ma minnu ki. Mari wa ta wo la nyɔ tumɛ min, wo si dɔnta siyaman sɔrɔn minnu si wo wasa.

Hiburunu 13:2

Wo ni wo hɛnkili to sundannu ko ka anu yiya wola bɔnnu na. Mɔgɛ donu ya wo ma tumɛ min, anu ya melikanu yiya, anu ma taran a kalama.

Yemesi 1:27

Ma Fa Alla si sɔn dina min ma, wo le kɛ la. Wo tigi ni kelennɛnu anubɛ kɛɛ-musinu dɛnbɛ anuna tɔrɔyɛ rɔ. A ni a nyɛrɛ sɛninyanɛ mara duninya-ko-yogomɛ-bɛɛ ma. Dina kɛ, fɛɛ-wo-fɛɛ sa a la, ado dina-latinyani ma.