Tɔn-Fɔɛ-Fila-Nyɔgɛ 14:23 - ALLALA KUMƐ

²³ Mari ya kan-tina-kelan min yabɔ wo ye wo si a bato kan min, wo tenbi tala nyɔ rɔ, wo ni ta wola fui-fannu na anubɛ wola nako-fannu anubɛ wola kolo-fannu den fɔlɔtɛnu na ka ta wonu ma yaka la nyɔ. Wo tenbi nyɔ rɔ gbɛ, wobɛ Lifayi bɔnsɔn-mɔgɛnu si wola yaka wo dɔn Marita kan-tina-yabɔnɛ wo rɔ. Wo si to kɛ le mala ka Alla gbiliya tuma-wo-tuma.

Tɔn-Fɔɛ-Fila-Nyɔgɛ 14:23 ပူးပေါင်းရင်းမြစ်များ

Yaburi 111:10

Hɛnkilimayɛ dabirɛ le Mari gbiliyɛ la. Min bɛɛsi ye Marita sereyanu birala, a si ko-kɔrɔ-lɔn di wonu ma. Ma ni to a matɔgɔla burubukai!

Yaburi 147:11

Kɔnɔ a kolan si bɔ a gbiliyalɛnu denu na. Minnu yigi bɛnnɛ ala hinɛ ma, a makoe ye wonu denu na.

Yaburi 2:11

Wo ni wɔli Mari ye ka a gbiliya. Wo ni sewa ka kilan a la.

Aiseya 8:13

A ko n ni n hɛnkili to ale Mari Sɛnbɛ-Bɛɛ-Tigita sɛninyɛ ko. A ko a bɛnta, n ni kilan ale le dɔrɔn na.

Yɛrɛmaya 32:38

Wo wa ma tumɛ min, a ko anu si ma ata mɔgɛnu na, ale si ma anuta Alla la.

Yilan-Yilan Koe 15:20

Anu bi dɔn-fen-kun-fɔlɛ min tɛgɛla, anu si wo ma biredi la ka wo biredi-lɔngbɔn fɔlɔtɛ ma kɔ-fan la Mari ye. Anu si kɛ bi ka a don saraka-masɔlɛ bolo. Wo si a di a ma iko wo duruta dɔn-fen kɔ-fan dila a ma nya min.

Tɔn-Fɔɛ-Fila-Nyɔgɛ 12:11

Wo wati rɔ, wota Mari Alla si kan-tina-kelen pe yabɔ wo si a bato kan min. Wo si na fan wonu di a ma nyɔ le iko n bara a fɔ wo ye nya min, saraka-mintanta wo, yaka wo, dato-saraka wo, anubɛ a saraka-toenu, wo si wonu di a ma nyɔ.

Tɔn-Fɔɛ-Fila-Nyɔgɛ 12:14

Mari ara kan-tina-kelan min yabɔ wo ye bɔnsɔn-mɔgɛ donuta nyamanɛ rɔ, wo ni sarakɛnu bɔ nyɔ rɔ. Wo ni a bɛɛsi ma nyɔ le iko n bara a fɔ wo ye nya min kɛ la.