Tɔn-Fɔɛ-Fila-Nyɔgɛ 13:6 - ALLALA KUMƐ

⁶ “Ni a sɔgɛ ya mɔgɛ do bira ka mɔgɛ do sagan kɛwuyɛ la bɛsi-kɔ-koe rɔ, hali wobɛ wo benbanu ma minnu kɔ tele-kelen-bɛrɛni, wo kana kinikini wo mɔgɔ-su ma. Hali a mara i na-kelen-nyɔgɛ le la wo, i halala-dan la wo, i diyana-musi la wo, i diyana-mɔgɔ-bɛrɛ la wo, wo kana mɔgɛ wo madɛnbɛ.

Tɔn-Fɔɛ-Fila-Nyɔgɛ 13:6 ပူးပေါင်းရင်းမြစ်များ

Ko-Dabirɛnu 16:5

Sirayi ya a fɔ Burama ye ko, “Hega wo ara yoo n ma min kɛ, i gbɛ le wo la. N bara yɔɔn-musi min natenbi i ma, wo ara a yen min kɛ ko a kolomɛ le, n bɔrɔ sa a ye tun. Alamɛ Mari ya kiti tɛgɛ malebɛ ile tɛma.”

2 Samuwɛli 1:26

N bi n diyana-mɔgɛ Yonatan wo le di tinɛ kɛ la. I ya n bira boloko-nyimɛ-kɛ. I ya ila keninteyɛ min yira n na, wo tenbira musitɛ la.

1 Mansɛnu 18:40

Nɛbi Ilaya ya a fɔ anu ye ko, “Wo ni Beyalita nɛbinu bira. Wo kana sɔn, anu do-wo-do ni anu buri.” Mɔgɛ wonu ya nɛbi wo dama bira. Anu bilara Nɛbi Ilaya fɛ ka ta nɛbi wonu faga Kisɔn ba lɛɛ dafɛ.

2 Mansɛnu 11:18

Nyɔ-nyamanita-mɔgɛ wo damasi wulita ka ta bɔn wo la anu si Beyali kɔ kan min. Anu ya saraka-bɔ-tinɛnu tinya nyɔ ka bɛsɛ wonu tinya. Anu ya bɔn wo tinya fanan. Wo kɔma, anuna bɛsi-kɔlɛ min tɔgɛ Matan, anu ya wo fanan faga saraka-mintan-tinɛnu dafɛ nyɔ. Yɛhoyada ya kandali-kɛlɛ donu to Mari Bato-Bɔn makandan tinɛ nyɔ.

2 Ko-Kɔrɔta-Karan 15:13

Kei wo, musi wo, denni wo, kina wo, ni minnu ma a bato, anu si wo tigi faga.

2 Ko-Kɔrɔta-Karan 23:17

Mɔgɛ wo damasi wulita ka ta Beyali kɔ tinɛ tinya. Anu ya saraka-bɔ-tinɛnu tinya. Anu ya bɛsɛ wonu tinya. Anu ya bɔn wo fanan tinya. Wo kɔma, anuna bɛsi-kɔlɛ min tɔgɛ Matan, anu ya wo fanan faga bɛsi-kɔ-tinɛ yarɔ nyɔ.

Yobu 31:27

Ha bi, n ma kilɛ boloka ka anu gbiliya dogɔn rɔ. N ma ko-wo-ko ma n nyɛrɛ la anu bato tinɛ.

Bɔ-Koe-Iyipiti 13:3

Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma.

Bɔ-Koe-Iyipiti 32:27

Musa ya a fɔ anu ye ko, “Isirɛla mɔgɛnuta Mari Alla ko wo kelen-kelennamɛ-bɛɛ ni ala faan bi ka ta dagɛ kan tinɛ bɛɛ rɔ. Wo ni ta wo na-kelen-nyɔgɛnu anubɛ wo diyana-mɔgɛnu faga tinɛ.”

Hɛnkilimaya-Kumɛnu 18:24

Hali mɔgɛ diyana-mɔgɛ si siyaya duk kɔnɔ mɔgɔ kelen de ye nyɔ anubɛ min si diya ka tenbi a na-kelen-nyɔgɛ la.

Hɛnkilimaya-Kumɛnu 5:20

nna den, nfenna i si ila keninteyɛ yira musu-gbɛrɛkɛ la ka ila musi to nyɔ? I kana mɔgɔ-gbɛrɛla musi bira a bole ma.

Yɛrɛmaya 28:15

Wo kɔma, nde, Yɛrɛmaya ya a fɔ Hananaya ye ko, “I tole masɔ. Mari ma i sɔ de! I wara a ma, Yuda kɛnu bara la ila foninyɛnu na.

Yɛrɛmaya 28:16

Woletɔ Mari ko a ti mɛ tun, a si i firan duninya ma. A ko bawo i wara a ma, mɔgɛnu bara anu kan-kɔ sɔ Mari la min kɛ, i si faga nyina san kɛ la.”

Yɛrɛmaya 44:3

bawo wole nyɔ-mɔgɛnu bara ko-yogomɛnu nadan ka ale Mari ladiminya. Wo ya bɛsɛnu kɔ ka isɛnti mintan anu ye nyɔ, ado wole wo, wo benbanu wo, wo fenfen ma duru bɛsɛ wonu kɔla nun.

Sakaraya 13:3

Wo kɔma, ni mɔgɔ-wo-mɔgɔ ya a tui ka wɔlɔyiya-kumɛ fɔ min kara Allatɛ ma, a sɔrɔnnɛnu si a fɔ a ye ko anu bi a fagala le bawo a ara a nyɛrɛ ma nɛbi la ka foninyɛ fɔ ale Mari tɔgɛ rɔ. A wa wɔlɔyiya-kumɛ fɔ tonya ma min na, a fa anubɛ a na ni a sɔgɔ alako a ni faga.

2 Kɔrɛnti 5:16

Nba, ma ti mɔgɛ mafɛlɛn tun iko hadama-dan miriya ye nya min. Fɔlɔ-nun, ma ya Kirasiti mafɛlɛn iko hadama-dan miriya ye nya min kɔnɔ ma ti wo ma tun.

Kalesiya 2:4

Nba, mɔgɛ donu bara anu nyɛrɛ ma na kelannu na ka kofu ma ma ladɛn wo kuma. Mɔgɛ wonu donta ma kuma iko ko-lakɔrɔsilɛnu alako hɔrɔyɛ min bi ma bolo Yisa Kirasiti rɔ, anu ni wo bi ma bolo. Wonu bi nyinina a ma, ko ma ni ma yɔɔn la anuna tɔn kɔrɔ.

Ɛfɛsa 4:14

Nba, wo kana ma dennɛnu na tun ka to finki-fankala. Wo kana ma iko fɔnyɔ ye kulɔn latonko-tankala nya min. Woletɔ hallitorenu ba anu taya ka wo yanfa karan-kurɛ la tumɛ min, anu kana wo lasama kilɛ ma.

Tɔn-Fɔɛ-Fila-Nyɔgɛ 11:32

wo ni a ma wo fɛrɛma tɔn kɛnuna ko la n bara min di wo ma kɛ la bi.”

Tɔn-Fɔɛ-Fila-Nyɔgɛ 13:2

alako wo ni bɛsɛ donu kɔ, wo ma duru minnu kɔla nun, wo mɔgɔ-su ye wo kɔndɔfili-koe le tɔ. Hali a si ke le ka kabana-koenu nadan iko a ya a fɔ nya min,

Tɔn-Fɔɛ-Fila-Nyɔgɛ 13:7

Tumado wo mɔgɔ-su si a ma, i ni wo dafɛ-mɔgɛnuna bɛsɛnu kɔ, ni wo ma, wula-yanna-mɔgɛnuna bɛsɛnu,

Tɔn-Fɔɛ-Fila-Nyɔgɛ 17:12

Ni min ya a tui ka kun-tigi kɛnu kuman-kan masɔsɔ, wo si wo tigi faga. Woletɔ mɔgɔ-gbɛrɛkɛ minnu bi wo sufa rayenna, wonu si kilan ka wo nyɔgɔn ko sufa ma. Ni wo ya mɔgɔ-sufa wo faga, wo si karagbɛlɛyɛ wo sufa ban de Isirɛla mɔgɛnu tɛma.

Tɔn-Fɔɛ-Fila-Nyɔgɛ 18:20

Ni foninya-nɛbi min kumara Mari Alla tɔgɛ rɔ, a ma min sɔ wo wara, wo tigi si faga. Ni nɛbi min ya bɛsɛ dola koe fɔ wo ye, wo tigi fanan si faga.

Tɔn-Fɔɛ-Fila-Nyɔgɛ 19:19

anu bɛnta ka tɔrɔyɛ min sigi kuma-tigi wo ma, sereya-bɔlɛ wo si wo dunɛ bi. Ni wo ya wo ma, wo si karagbɛlɛnu ban wo tɛma.

Tɔn-Fɔɛ-Fila-Nyɔgɛ 21:21

Kei minnu bi soe wo burɔ, wonu si dan wo bi ka a mabon kuri la ha a ni faga. Ni wole Isirɛla mɔgɛnu ya wo ma, wo si karagbɛlɛyɛ ban wo tɛma wola nyamanɛ rɔ. Ni Isirɛla mɔgɔ-wo-mɔgɔ ya ko-sufa kɛ lamɔɛn wo tɛma, wo tigi si kilan.”

Tɔn-Fɔɛ-Fila-Nyɔgɛ 22:21

anu si ta dunmusi wo la a fala bonda-dɛ la. Kei minnu bi soe wo burɔ, wonu si a mabon kuri la nyɔ, ha a ni faga. Sunkurɔn ya miliya-koe le ladan male Isirɛla mɔgɛnu tɛma bawo a ara kei-koe tɛgɛ a fa warɛ bɔn la, ado anu ma a latenbi wɛ ala kei ma fɔlɔn. Ni wole Isirɛla mɔgɛnu ya wo ma, wo si ko-yogomɛ kɛ sufa ban de wo tɛma.

Tɔn-Fɔɛ-Fila-Nyɔgɛ 24:7

“Ni min ya a na-kelen-nyɔgɛ Isirɛla mɔgɛ do kankan ka a ma ala yɔɔn la, ni wo ma, ka a mayira yɔɔnyɛ rɔ, wo si wo tigi faga don! Ni wo ya wo ma, wo si ko-yogoma-su wonu ban wo tɛma.

Tɔn-Fɔɛ-Fila-Nyɔgɛ 28:54

Kɔnkɛ si wo bira dɔgɔma-ma-de, bawo dɔnta-gbɛrɛkɛ ti taran wo bolo. Hali kei-nɔnfulu-tigi minnu bi wo tɛma, wonu si anuna dannu dɔn. Mɔgɔ-nyimɛ wonu ti kinikini mɔgɛ ma ka anu kɔ anuna den-soge wonu tɔ. Hali anuna bara-musinu anubɛ anu dɔgɛnu, hali anuna dan-tomɛnu, anu ti wonu fanan kɔ.

Tɔn-Fɔɛ-Fila-Nyɔgɛ 29:18

Kei wo, musu wo, kebila wo, bɔnsɔn wo, wo ni a ma wo fɛrɛma, wo kana sibolo-gbɛrɛnuna bɛsɛnu kɔ ka wo kan-kɔ sɔ wota Mari Alla la. Ni min ya wo ma, wo si ma wo tɛma iko kulu-dalamɛ min bi mɔgɔ nyinina a kin-gbɛ ma.

Tɔn-Fɔɛ-Fila-Nyɔgɛ 8:14

wonu ka a ma, wo ni wasi ka nyina wota Mari Alla ko min ya wo labɔ yɔɔnyɛ rɔ Iyipiti nyamanɛ rɔ.

Kɔlɔsi 2:4

Nba, n bi kɛ fɔla wo ye, wo kana sɔn, mɔgɔ-wo-mɔgɔ ni wo mayuwaya sɔsɔli-takolɔn fɛ, hali anu kusanyara kumala nya-wo-nya.

Yasowa 7:13

Ta mɔgɛ wonu sɛninya ka anu tabɛn alako anu ni anu sɔ n yakɔrɔ sina. Nde, anu benba Isirɛlata Mari Alla ko fan donu bi anu tɛma a bɛnnɛ ka minnu halaki nun. Ni anu ma wonu nabɔ gbɛ rɔ, anu ti ke anu kɛlɛ-nyɔgɛnu nɔla.

2 Pita 2:1

Foninya-nɛbinu bi fɔlɔ-mɔgɛnu tɛma nya min nun, foninya-karan-mɔgɛnu si taran wo fanan tɛma wo nya na le. Anu si na foninya-karan la, min si halakilɛ kɛ. Mari min ya anu hɔrɔya, anu ya anu kan-kɔ sɔ wo la. Wo si halaki-lakalimɛ lana anu nyɛrɛ kuma.

Lankɛnimayɛ 12:9

Ninkinanka-wɛ min ya duninya bɛɛ yanfa, ale duguma-fen-kɔrɛ, kɔni, wo lafilita dugu-kole kuma anubɛ ata melika bɛɛ. Anu si a kele ko nyinɛ, ni wo ma, Setanɛ.

Lankɛnimayɛ 13:14

Kabana-koe minnu kɛnɛ sogo-ferema fɔlɔtɛ wo yala, Alla sɔnta ko a ni duninya-mɔgɛ bɛɛ yanfa wo fɛ. Sogo-feremɛ wo ya a fɔ bɛɛ ye ko soge min tanbanta faan la kɔnɔ a belinɛ, a ko anu ni wo gbiliya ka wola muninyɛ ladan.

Lankɛnimayɛ 20:3

Melika ya a lakɛ denka-dan-yenbɛlɛ rɔ ka nyɔ-dɛ latogon. A ya a balan sɛnbɛ la alako Setanɛ ti ke sibolenu yanfala tun ha san waga kelan ni ban. Wo kɔma, a si a boloka tun wati-kundu-ni kɔrɔ.

Kɛlɛ-Kurugbɛnu 10:6

Isirɛla mɔgɛnu ya hakɛ kɛ Mari la tun. Anu tara anuna bɛsɛnu Beyali anubɛ Asitɔra kɔ tinɛ. Wo kɔma, Siriyanuna bɛsɛnu wo, Saidon kɛnutɛ wo, Mohabu kɛnutɛ wo, Amon kɛnutɛ wo, Filisitinuna bɛsɛnu wo, anu ya wo bɛɛ kɔ. Anu ya anu kan-kɔ sɔ Mari la ka anu ban a bato-koe ma.

Kɛlɛ-Kurugbɛnu 2:13

Anu ya Mari-bato-koe boloka ka bila bɛsɛ donu fɛ. Bɛsɛ wonu tɔgɛ le Beyali anubɛ Asitɔra.

Kɛlɛ-Kurugbɛnu 20:13

Karagbɛlɛ minnu bi wo tɛma Kibiya soe burɔ, wo ni wonu don ma bolo. Ma si anu faga alako ko-yogoma-su kɛ ni bɔ male Isirɛla mɔgɛnu tɛma.” Kɔnɔ Bɛnyamɛ bɔnsɔn-mɔgɛnu ya anu tengberenya. Anu ma sɔn wo mala.

Kɛlɛ-Kurugbɛnu 5:8

Kɛlɛ buira Isirɛla mɔgɛnu kuma tumɛ min, kɛlɛ-kɛ-fen wo fenfen ma taran mɔgɔ waga bi-nanɛ wo fenfen bolo. A mara wo nya bawo anu bara anu kan-kɔ sɔ Mari la ka anu don bɛsi-kɔ-koe rɔ.

1 Samuwɛli 18:1

Mansa Sɔli anubɛ Dawuda ban kirabɔɛ wo la, Mansa Sɔlila den Yonatan anubɛ Dawuda diyara kɔikɔi! Dawuda di Yonatan ye iko a nyɛrɛ di a ye nya min.

1 Samuwɛli 18:3

Dawuda di Yonatan ye min kɛ, Yonatan ya lanyiri kiri a ye.

1 Samuwɛli 20:17

Bawo Dawuda di Yonatan ye iko a nyɛrɛ, woletɔ a ya a ma, Dawuda ya lanyiri sufa wo kiri a ye.