Tɔn-Fɔɛ-Fila-Nyɔgɛ 13:5 - ALLALA KUMƐ

⁵ Ni wɔlɔyi anubɛ kiyo-kɔrɔ-takarannɛ do ya wo labila kɛwuyɛ do la alako wo ni murutiya Alla ma, wo si wo tigi faga. Wota Mari le ya wo kunka ka wo labɔ Iyipiti nyamanɛ rɔ. Maritɛ le wole la gbɛ! Mɔgɔ-sufa wo yogo. A sɔgɛ ye mɔgɔ-sufa wo la ka wo labɔ Allata kilɛ fɛ. Wo si a faga alako ka ko-yogoma-sufa wonu nabɔ wo tɛma.

Tɔn-Fɔɛ-Fila-Nyɔgɛ 13:5 ပူးပေါင်းရင်းမြစ်များ

1 Mansɛnu 13:19

Wo le ya a ma, Allata mɔgɛ wo bilara kɛmɔgɛ wo fɛ. Anu tara fen-dɔn-kɛ anu nyɔgɔn fɛ ka anu min a warɛ bɔn la.

1 Mansɛnu 18:40

Nɛbi Ilaya ya a fɔ anu ye ko, “Wo ni Beyalita nɛbinu bira. Wo kana sɔn, anu do-wo-do ni anu buri.” Mɔgɛ wonu ya nɛbi wo dama bira. Anu bilara Nɛbi Ilaya fɛ ka ta nɛbi wonu faga Kisɔn ba lɛɛ dafɛ.

2 Ko-Kɔrɔta-Karan 34:31

A ban, ale mansɛ wo sɔra mansa-sɔ-tina-kɔrɛ Bato-Bɔn sɛnbɛrɛn-kɔn fɛ ka sarama-kan kiri anubɛ Mari tɛma. A ko a si ala tɔn wonu natɔnbagaya a yisi bɛɛ la. Anu sarata min na, a ko a si sereya mumɛ bɛɛsi bira iko a sɛbɛnɛ Marita buku wo rɔ nya min.

Yɛrɛmaya 14:15

Nɛbi minnu bi wɔlɔyiya-kumɛnu fɔla ale Mari tɔgɛ rɔ, Mari ye kɛnu fɔla wonu denu kan ma. A ko ale ma anu sɔ feu! Anu denu bi a fɔla mɔgɛnu ye ko ita mɔgɛnu ti tɔrɔya-wo-tɔrɔya sɔrɔn anu yogenu bolo. Anu ko kɔnkɔ ti sa ila mɔgɛnu ma. Mari ko anu tɔgɔ ye tola anu yogenuna faan le la, ado kɔnkɛ le ye nɛbi wonu fagala.

Yɛrɛmaya 29:32

Bawo Sɛmaya ara wo ma, Mari ko a ti mɛ Sɛmaya tɔrɔla tun. A ko Mari ye wɔli-nyimɛ min kɛla ata mɔgɛnu ye, ale Sɛmaya ti bɛn wonu tɔ. Hali ala kebila-mɔgɔ den kelen ti taran Isirɛla mɔgɛnu tɛma tun bawo a ya mɔgɛnu nabila murutiyɛ ma Mari kan ma. Mari nyɛrɛ kan le kɛ la.

Yɛrɛmaya 50:6

Mari ko ala mɔgɛ kɛnu mani de nun iko sagɛ minnu bara tunu. Anuna kun-tiginu denu ya anu nasama kilɛ ma. Anuna kun-tiginu bara anu nayilan-yilan iko sagɛ minnu bara ta anu kun fɛ kɔnkɛnu ma. Anu ma anu bɔ-tinɛ lɔn, anu ma anu ta-tinɛ lɔn.

Yɛrɛmaya 7:23

A ko a ma dan wo dɔrɔn ma de! A ya a fɔ anu ye fanan ko ni anu ya ata kumɛ bira, ale si ma anuta Alla la. Anu denu fanan si ma ata mɔgɛnu na. A ko ni anu ya ala tɔn bɛɛ bira, ko-nyimɛ si to mala anu ye.

Sakaraya 13:3

Wo kɔma, ni mɔgɔ-wo-mɔgɔ ya a tui ka wɔlɔyiya-kumɛ fɔ min kara Allatɛ ma, a sɔrɔnnɛnu si a fɔ a ye ko anu bi a fagala le bawo a ara a nyɛrɛ ma nɛbi la ka foninyɛ fɔ ale Mari tɔgɛ rɔ. A wa wɔlɔyiya-kumɛ fɔ tonya ma min na, a fa anubɛ a na ni a sɔgɔ alako a ni faga.

Kɛwɔlɛnu 13:8

(Bara-Yisa wo tɔgɛ le Ɛlimasi Kiriki-kan rɔ.) Kofo-dan wo ya anu sɔsɔ. A ya a sɛbɛ don alako sigisɔn-mansɛ ni a ban dɛnkɛninya-koe ma.

Tɔn-Fɔɛ-Fila-Nyɔgɛ 13:10

Wo ni a mabon kuri la bawo ale le ye kɛwuyɛ ladan-koe rɔ ka wo bɔ wo Mari Allata kilɛ fɛ min ya wole labɔ yɔɔnyɛ rɔ Iyipiti.

Tɔn-Fɔɛ-Fila-Nyɔgɛ 13:15

wo si soe mɔgɛ damasi faga anubɛ anuna kolo-fannu.

Tɔn-Fɔɛ-Fila-Nyɔgɛ 13:9

Wo wa wuli ale mɔgɛ mabonna tumɛ min ka a faga, ile fɔlɔn ni kuri lakɛ a ma.

Tɔn-Fɔɛ-Fila-Nyɔgɛ 17:5

wo si mɔgɛ wo bi ka bɔ a la soe kɔma ka a mabon kuri la. A ni faga don!

Tɔn-Fɔɛ-Fila-Nyɔgɛ 17:7

Sereya-bɔlɛ wonu fɔlɔn si a mabon kuri la. Wo kɔma, mɔgɛ bɛɛsi ni to a mabonna kuri la. Wo le si ko-yogoma-sufa kɛ labɔ wo tɛma.

Tɔn-Fɔɛ-Fila-Nyɔgɛ 18:20

Ni foninya-nɛbi min kumara Mari Alla tɔgɛ rɔ, a ma min sɔ wo wara, wo tigi si faga. Ni nɛbi min ya bɛsɛ dola koe fɔ wo ye, wo tigi fanan si faga.

Tɔn-Fɔɛ-Fila-Nyɔgɛ 19:19

anu bɛnta ka tɔrɔyɛ min sigi kuma-tigi wo ma, sereya-bɔlɛ wo si wo dunɛ bi. Ni wo ya wo ma, wo si karagbɛlɛnu ban wo tɛma.

Tɔn-Fɔɛ-Fila-Nyɔgɛ 22:21

anu si ta dunmusi wo la a fala bonda-dɛ la. Kei minnu bi soe wo burɔ, wonu si a mabon kuri la nyɔ, ha a ni faga. Sunkurɔn ya miliya-koe le ladan male Isirɛla mɔgɛnu tɛma bawo a ara kei-koe tɛgɛ a fa warɛ bɔn la, ado anu ma a latenbi wɛ ala kei ma fɔlɔn. Ni wole Isirɛla mɔgɛnu ya wo ma, wo si ko-yogomɛ kɛ sufa ban de wo tɛma.

Tɔn-Fɔɛ-Fila-Nyɔgɛ 22:24

wo si anu mɔgɔ filɛ bi ka ta anu na soe kɔma ka anu mabon kuri la ha anu ni faga. Min bi a tola sunkurɔn wo ye fagala bawo a ma yerelen tɛgɛ, ado a ye soe kɔntɔ, anu si a kuman-kan lamɔɛn kan min. Min bi a tola kei wo fanan bi fagala bawo a ara a sa mɔgɔna musu-mabiranɛ fɛ. Ni wole Isirɛla mɔgɛnu ya wo ma, wo si ko-yogomɛ kɛ sufa ban wo tɛma.

Tɔn-Fɔɛ-Fila-Nyɔgɛ 24:7

“Ni min ya a na-kelen-nyɔgɛ Isirɛla mɔgɛ do kankan ka a ma ala yɔɔn la, ni wo ma, ka a mayira yɔɔnyɛ rɔ, wo si wo tigi faga don! Ni wo ya wo ma, wo si ko-yogoma-su wonu ban wo tɛma.

Tɔn-Fɔɛ-Fila-Nyɔgɛ 26:14

N bi saya-diyi-kɛ la tumɛ min, n ma fenfen bɔ yaka kɛ la ka a dɔn. Wo tumɛ n sɛninyabɛlɛ iko tɔn ya a fɔ nya min, n ma fenfen bɔ ila yaka kɛnu na bɔn la. N ma fenfen bɔ anu na ka anu ma furu-kɔ-fan la. N bara ile Mari kuman-kan bira ka a latɔnbagaya ka a tɛgɛ ila yaka kɛnuna ko ma.

Tɔn-Fɔɛ-Fila-Nyɔgɛ 4:19

Fenfen min bi san ma iko tele anubɛ karɛ anubɛ lolenu, wo kɔ-sɔgɛ kana wo bira. Wota Mari Alla ya wonu di duninya mumɛ ma le.

Tɔn-Fɔɛ-Fila-Nyɔgɛ 6:13

Wo ni wola Mari Alla gbiliya ka ale kelen pe bato. Wo kana lanyiri kiri fenfen ye fɔ ale Alla kelen pe tɔgɛ rɔ.

Tɔn-Fɔɛ-Fila-Nyɔgɛ 7:4

Ni wo ya wo ma, wo si a ma, wola dannu si anu kan-kɔ sɔ Mari la ka anu nyɛrɛ don bɛsi-kɔ-koe rɔ. Ni anu ya anu don wo rɔ, Mari fonde si bɔ wo kuma ka wo damasi halaki pɔɔ!

Yasowa 23:8

Kɔnɔ wo ni bila wota Mari Alla fɛ iko wo ya a ma nya min fɔlɔ ha kaka!

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.

Kɛlɛ-Kurugbɛnu 20:13

Karagbɛlɛ minnu bi wo tɛma Kibiya soe burɔ, wo ni wonu don ma bolo. Ma si anu faga alako ko-yogoma-su kɛ ni bɔ male Isirɛla mɔgɛnu tɛma.” Kɔnɔ Bɛnyamɛ bɔnsɔn-mɔgɛnu ya anu tengberenya. Anu ma sɔn wo mala.

1 Samuwɛli 12:14

Ni wo ya wo tole masɔ wota Mari Alla la ka a gbiliya ka ata tɔnnu bira ka ata wɔlɛ kɛ, wo wara-koe bɛɛ si ta a kilɛ fɛ. Ni wobɛ wola mansɛ ya Mari sako kɛ, ko-nyimɛ le wo la.