Tɔn-Fɔɛ-Fila-Nyɔgɛ 13:4 - ALLALA KUMƐ

⁴ Wo si bila wota Mari Alla fɛ ka a gbiliya bɛrɛkɛ ka ata kumɛnu anubɛ ata tɔnnu bira. Wo ni ale bato ka ma lanaya-mɔgɛnu na ale ye.

Tɔn-Fɔɛ-Fila-Nyɔgɛ 13:4 ပူးပေါင်းရင်းမြစ်များ

2 Mansɛnu 23:3

A ban, ale mansɛ wo sɔra Bato-Bɔn sɛnbɛrɛn-kɔn fɛ ka lanyiri kiri Mari ye. A ko a si ala tɔn wonu natɔnbagaya a yisi bɛɛ la. A ko a si sereya mumɛ bɛɛsi bira iko sarama-kan sɛbɛnɛ Marita buku rɔ nya min. Ala nyamanita-mɔgɛ wonu damasi sɔnta kumɛ wo ma. Anu ko anu denu fanan si tɔn wo damasi bira.

2 Ko-Kɔrɔta-Karan 34:31

A ban, ale mansɛ wo sɔra mansa-sɔ-tina-kɔrɛ Bato-Bɔn sɛnbɛrɛn-kɔn fɛ ka sarama-kan kiri anubɛ Mari tɛma. A ko a si ala tɔn wonu natɔnbagaya a yisi bɛɛ la. Anu sarata min na, a ko a si sereya mumɛ bɛɛsi bira iko a sɛbɛnɛ Marita buku wo rɔ nya min.

Yɛrɛmaya 7:23

A ko a ma dan wo dɔrɔn ma de! A ya a fɔ anu ye fanan ko ni anu ya ata kumɛ bira, ale si ma anuta Alla la. Anu denu fanan si ma ata mɔgɛnu na. A ko ni anu ya ala tɔn bɛɛ bira, ko-nyimɛ si to mala anu ye.

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Luka 1:6

Anu filɛ bɛɛ telennɛ Alla yala. Anu ya Marita tɔn anubɛ sereya bɛɛ bira a kila-bɛrɛbɛrɛ fɛ.

Romu 6:13

Wo kana wo nyɛrɛ bagbuyi lasɔnnaya hakɛ ye. Fɔ ka wo nyɛrɛ lasɔnnaya Alla ye telenbagaya-kɛ-tinɛ bawo wo ara bɔ sayɛ rɔ ka sɛgi nimayɛ rɔ,

1 Kɔrɛnti 6:17

Kɔnɔ ni min si a nyɛrɛ tugun Mari la, wonubɛ Mari kelen de.

Tɔn-Fɔɛ-Fila-Nyɔgɛ 10:20

Wo ni wota Mari Alla gbiliya ka ale kelen pe bato. Wo ni ma lanaya-mɔgɛ la ale Alla ye ka wola lanyirinu kiri ale kelen pe tɔgɛ rɔ.

Tɔn-Fɔɛ-Fila-Nyɔgɛ 11:1

Musa ya a fɔ tun ko, “Wo ni wota Mari Alla keni ka ata tɔn bɛɛ bira tuma-wo-tuma.

Tɔn-Fɔɛ-Fila-Nyɔgɛ 30:20

Wo ni wota Mari Alla keni wo sɔndɔmɛ bɛɛ la ka ma telenbagɛnu na Alla ye ka ata kumɛnu bira. Wo le si a ma, Mari ya nyamanɛ min lanyiri kiri wo benbanu ye, Iburayima anubɛ Isiyaka anubɛ Yakoba, kɔni, wobɛ wo kegeyɛnu si simayɛ sɔrɔn ka mɛ sigini nyɔ rɔ.”

Tɔn-Fɔɛ-Fila-Nyɔgɛ 6:13

Wo ni wola Mari Alla gbiliya ka ale kelen pe bato. Wo kana lanyiri kiri fenfen ye fɔ ale Alla kelen pe tɔgɛ rɔ.

Tɔn-Fɔɛ-Fila-Nyɔgɛ 6:5

Wo ni wota Mari Alla keni wo yisi bɛɛ la anubɛ wo sɔndɔmɛ bɛɛ la anubɛ wo sɛnbɛ bɛɛ la.

Kɔlɔsi 1:10

Ni wo mara, wo si ke ko ladanna iko Mari ye a fɛ, wo ni ko ladan nya min. Wo si a hɛnɛ koe bɛɛ rɔ tumɛ bɛɛ. Wo kɔma, wo si to ko-nyimɛ kɛla mɔgɛnu ye. Wo bɛɛ rɔ, wo si to koloyala Alla-lɔn-koe rɔ.

2 Yɔni 1:6

N bi keninteyɛ min ma wo la, wo kɔrɛ le ko ma ni to Allala tɔnnu birala. Tɔn wo ko wo dama ni to keninteyɛ rɔ tɛban, iko wo ya a lamɔɛn nya min fɔlɔ-nun!

1 Samuwɛli 7:3

Samuwɛli ya a fɔ Isirɛla mɔgɛnu ye ko, “Ni wole ya wo ya-lamunun Mari la wo yisi bɛɛ la, fɔ ni wo ya wola bɛsɛnu nakɛ a rɔ katarala wola bɛsɛ ma min nadannɛ musila muninyɛ rɔ min tɔgɛ Asitɔra. Wo ni wo nyɛrɛ dantɛgɛ Mari kelen pe le ma ka ale kelen pe bato. Ni wo ya wo ma, ale si wo tanka Filisitinu masibɛ ma.”